San Mateo 9:8 - Biblia

⁸ Jare joko pe ñonoï wae reta uecha yawe jokua mbaepuere tuicha wae Tumpa umee Jesús pe wae, umbutuicha reta Tumpa jee uipɨu rewe.

Guaraní Pe (Western): Simba

⁸ Ẽrei jeta joco pe ñugüɨnoi vae reta uecha yave, uquɨye jare umbɨadora reta Tumpa, mbaepuere tuicha vae umee Jesús pe ramo.

San Mateo 9:8 Iomraidhean Croise

San Mateo 12:23

Jare opaete joko pe ñonoï wae reta ipɨakañɨete upɨta, jare jei reta iyupe: “¿Jae ra ko kua David iñemoñaa pewa mburuwicha wasurä ikota wae?”

San Mateo 15:31

Iñee mbae wae reta umbɨpɨ uyemɨngeta, jare ipo jowaicho tɨpa wae reta ukuera, jare iköcho wae reta uwata kawi, jare jesa mbae wae reta umae kawi. Jare kua uecha reta yawe, opaete joko pe ñonoï wae reta ipɨakañɨ upɨta jare umbutuicha reta Tumpa jee.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Mateo 5:16

“Jukuärái wi pe reta, jokua tembipe rami, jekuaeñota ko pechaka pereko ikawi wae opaete wae jowake jae reta uecha waerä jare umbutuicha waerä peRu ara pe oï wae jee,” jei Jesús chupe reta.

San Mateo 9:7

Jayawe kuimbae upüa jare oë oo jëta kotɨ.

Marcos 2:12

Jayawe jupiwoi kuimbae upüa, jare ueupi jupa, jare oë oo opaete joko pe ñonoï wae reta jowake. Jayawe opaete ipɨakañɨ upɨta reta, jare umbutuicha reta Tumpa jee jei rewe: “Yaecha’ä etei kua nunga,” jei reta.

San Lucas 13:13

Jayawe Jesús oñono ipo jese. Jare jupiwoiño jokua kuña ipuere uyemɨsɨmi, jare jae umbɨpɨ umbutuicha Tumpa jee.

San Lucas 17:15

Jare pëti wae uyerecha yawe ukuera kawi ma oï wae, uñatima ye ou Jesús oï wae pe Tumpa jee umbutuicha usapɨkai rewe.

San Lucas 17:18

¿Këraita ra jaeño kua kuimbae judío mbae wae ou ye umbutuicha waerä Tumpa jee?” jei.

San Lucas 18:43

Jare jupiwoi kuimbae ipuere umae kawi, jare oo Jesús jupie Tumpa jee umbutuicha rewe. Jare opaete joko pe ñonoï wae reta kua uecha yawe, umbutuicha reta wi Tumpa jee.

San Lucas 2:20

Jare owecha iyandarekoa reta opa ye yuraa Belén wi Tumpa jee umbutuicha rewe opaete uyandu jare uecha reta wae re. Echa’ä jae reta uecha ma sambiaɨ mii kërái araɨwa jei chupe reta rami etei.

San Lucas 23:47

Jare Jesús ikurusu jowai uyemboɨ oï sɨndaro reta itenondewa. Jae uecha yawe kua mbae uyeyapo wae, umbutuicha Tumpa jee jare jei: “Añetete yepe, kua kuimbae ko jae jupi wae,” jei.

San Lucas 7:16

Jayawe opaete wae ukɨye jare umbutuicha reta Tumpa jee jei rewe: “Tumpa iñee umɨmbeu wae imbaepuerete wae ou ma kua yandepɨte pe.” Jare jei reta wi: “Tumpa etei yanemborɨ oï, yande jae yandeparawo wae reta,” jei reta.

San Juan 15:8

“Jare jekuaeño piñemɨïru kawi yawe che ndiwe, uyekuaata oï peré Tumpa jeko ikawi wae. Jare jukuärái rupi uyekuaata pe reta ko jae cheremimboe reta wae. Jare jukuärái cheRu jee uyembutuichakata oï,” jei chupe reta.

Hechos 11:18

Jayawe Pedro jei wae uyandu reta yawe, jokua Pedro pe umbɨeta wae reta kïi ngatu upɨta reta. Jare umbɨpɨ umbutuicha reta Tumpa jee jei rewe: “Mase, añawe Tumpa umee ma yepe oï judío mbae wae reta pe wi ipuere waerä ueya ipɨayemɨngeta jupi mbae wae Tumpa rewa. Jukuärái jae reta wi ipuere onoi tekowe opa mbae wae,” jei reta.

Hechos 21:20

Jare Pablo jei wae uyandu reta yawe, opaete jae reta umbɨpɨ umbutuicha reta Tumpa jee. Jayawe jae reta jei Pablo pe kuärái: “Hermano, ndikuaa ma kërái jetaete judío reta wɨrowia ma ko Jesús re, jare opaete jae reta ikɨrëɨete yureko waerä Moisés arakae uikuatía wae rupi,” jei reta.

Hechos 4:21

Jayawe mburuwicha reta umumburu reta ye, jare umaeño jese reta oë oo ye waerä. Jare uiporaraka’ä chupe reta. Mburuwicha reta uikuaa’ä ma mbae ye uyapo chupe reta waerä, ukɨye reta tëta wasu pewa reta wi ramo. Echa’ä opaete tëta wasu pewa reta umbutuicha yureko Tumpa jee jokua uyeyapo wae jeko pewa.

2 Corintios 9:13

Añetete jae reta uecha yawe jokua jeta yemborɨ peraakata chupe reta wae, jae reta umbutuichata Tumpa jee. Jare uikuaata reta pe reta perowia ma ko añetete rewe ñee ikawi wae Cristo rewa, jare mbaetɨ ko peyuru peño piyeyokui peï Tumpa pe.

Gálatas 1:24

Jayawe jae reta umbutuicha Tumpa jee Tumpa umbɨambɨe chereko ramo.

1 Pedro 2:12

Pechaka mii teko kawi Tumpa re wɨrowia mbae wae reta ipɨte rupi. Añawe jae reta uyemɨngeta tëi kachi pekotɨ pereko kachi wae echa rami. Erëitu pereko ikawi oï yawe, jae reta uechata jare aramoi ipɨakueeta kuri Tumpa kotɨ. Jayawe uwäe yawe ara opaete wae uyemboɨ waerä Tumpa jowai, jae reta umbutuichata ñonoï Tumpa jee pereko pewa.