San Mateo 9:5 - Biblia

⁵ “Che jae kua kuimbae pe, ‘Teko nenoi Tumpa kotɨ wae opa ma uyembái ndewi,’ jae chupe. Erëi ipotawe kía yawai’ä jokua jei waerä,” jei. “Yawaita ko ipotawe kía jei chupe waerä kuärái: ‘Epüa jare ewata.’ Echa’ä aramoi ukuera’ä yawe, jayawe imarata upɨta,” jei.

Guaraní Pe (Western): Simba

⁵ Chepuere jae cua cuimbae pe: ‘Nembaeyoa reta uyembai ma.’ Jae ramiño vi chepuere jae chupe: ‘Epũa eguata.’ ¿Mbae nunga pa yavai jae vaerã? —jei—.

San Mateo 9:5 Iomraidhean Croise

San Mateo 9:2

Jayawe amokue wae reta owoɨ ueru jupa rewe pëti kuimbae ipuere mbae omɨ wae Jesús oï wae pe. Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Iñemɨatangätu, cheraɨ. Teko nenoi Tumpa kotɨ wae opa ma uyembái ndewi,” jei chupe.

San Mateo 9:6

“Jayawe tamɨnguera kua kuimbae perowake pikuaa waerä che kuimbaerä ayeyapo wae ime ko anoi wi mbaepuere kua ɨwɨ pe ambái waerä kía wi teko onoi Tumpa kotɨ wae,” jei Jesús chupe reta. Jayawe Jesús jei kuimbae ipuere mbae omɨ wae pe: “Epüa, jare eupi nderupa, jare ekua nerëta pe,” jei chupe.

Marcos 2:5

Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Cheraɨ, teko nenoi Tumpa kotɨ wae opa ma uyembái ndewi,” jei chupe.

San Lucas 5:20

Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Cheraɨ, teko nenoi Tumpa kotɨ wae opa ma uyembái ndewi,” jei chupe.

San Lucas 7:48

Jayawe Jesús jei kuña pe: “Cherindɨ mii, nde mbaembae ndiyawɨ Tumpa kotɨ wae opa ma uyembái ndewi,” jei chupe.

Hechos 3:16

“Añetete ko, ore ndorowia kawi Jesús re jeko pewa kua kuimbae uwata mbaei iko wae uwata ma oï. Pe reta pecha jare pikuaa ipuere mbae uwata iko wae. Erëitu ore ndorowia Jesús re ramo, jae umee orewe mbaepuere numɨnguera waerä kua kuimbae opaete pe reta perowai,” jei Pedro chupe reta.

Hechos 9:34

Jayawe Pedro jei chupe: “Eneas, Jesucristo nemɨnguera ma. Epüa, embɨyapa jare eupi nderupa,” jei chupe. Jare jupiwoiño jae upüa.