San Mateo 9:2 - Biblia

² Jayawe amokue wae reta owoɨ ueru jupa rewe pëti kuimbae ipuere mbae omɨ wae Jesús oï wae pe. Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Iñemɨatangätu, cheraɨ. Teko nenoi Tumpa kotɨ wae opa ma uyembái ndewi,” jei chupe.

Guaraní Pe (Western): Simba

² Jayave amocue vae güeru penti cuimbae imbaerasɨ vae. Cua cuimbae ipuere mbae omɨ vae. Jupa pe oĩ. Jesús cua uecha yave, uicuaa jae reta güɨrovia co jese, jare jei cuimbae ipuere mbae omɨ vae pe: —Iyerovia, cherɨvɨ. Nembaeyoa reta uyembai ma —jei.

San Mateo 9:2 Iomraidhean Croise

San Mateo 14:27

Erëi jupiwoiño Jesús omondo chupe reta iñee: “Piyembɨpɨakatu. Awɨye pekɨye. Che ko,” jei chupe reta.

San Mateo 4:24

Jáeramo Jesús jeräkua opaete ɨwɨ Siria pewa reta pe. Jare ueru reta jae oï wae pe imbaerasɨ wae reta. Amokue wae reta uiporaraete mbaerasɨ jasɨ wae, jare amokue wae reta aña uyembɨiya jese wae, jare amokue umanomano wae reta, jare amokue ipuere mbae omɨ wae reta. Jayawe Jesús umɨnguera opaetei kua imbaerasɨ wae reta.

San Mateo 6:12

Jare kërái ore oremandua’ä ïru wae reta pe jokua mbaembae uyawɨ orekotɨ wae re, jukuärái wi nde awɨye mii nemandúa orewe mbaembae nduyawɨ ndekotɨ wae re.

San Mateo 8:10

Jare Jesús kua uyandu yawe, ipɨakañɨete jare jei jaɨkue yuraa wae reta pe: “Che tae pewe añetete wae, awäe’ä etei kía kuärái tuicha wɨrowia cheré wae kua ɨwɨ Israel rupi awe,” jei chupe reta.

San Mateo 8:16

Joko wi, warasɨ uike ma oo yawe, tëta wasu pewa reta ueru Jesús pe jeta wae reta aña uyembɨiya jese wae. Jare Jesús omombo pëti pëti wae iñee rupi. Jae nunga wi Jesús opa umɨnguera joko pe opaño kërái rái imbaerasɨ ñonoï wae reta.

San Mateo 9:22

Jayawe Jesús uyerowa umae jaɨkue kotɨ jare uecha kuña joko pe oï. Jayawe jei chupe: “Cherayɨ, iñemɨatangätu. Ndekuera ma ko cheré nderowia ramo,” jei chupe. Jare jupiwoiño kuña ukuera.

San Mateo 9:5

“Che jae kua kuimbae pe, ‘Teko nenoi Tumpa kotɨ wae opa ma uyembái ndewi,’ jae chupe. Erëi ipotawe kía yawai’ä jokua jei waerä,” jei. “Yawaita ko ipotawe kía jei chupe waerä kuärái: ‘Epüa jare ewata.’ Echa’ä aramoi ukuera’ä yawe, jayawe imarata upɨta,” jei.

San Mateo 9:6

“Jayawe tamɨnguera kua kuimbae perowake pikuaa waerä che kuimbaerä ayeyapo wae ime ko anoi wi mbaepuere kua ɨwɨ pe ambái waerä kía wi teko onoi Tumpa kotɨ wae,” jei Jesús chupe reta. Jayawe Jesús jei kuimbae ipuere mbae omɨ wae pe: “Epüa, jare eupi nderupa, jare ekua nerëta pe,” jei chupe.

Marcos 1:32

Joko wi, warasɨ uike ma oo yawe, tëta wasu pewa reta ueru Jesús pe imbaerasɨ wae reta jare aña uyembɨiya jese wae reta.

Marcos 10:49

Jayawe Jesús uyemboɨ jare omondo ueni. Jayawe jei reta jesa mbae wae pe: “Iñemɨatangätu. Epüa. Nereni ma oï,” jei reta chupe.

Marcos 5:34

Jayawe Jesús jei chupe: “Cherayɨ, ndekuera ma ko cheré nderowia ramo. Ekua ndepɨakatu rewe. Ndekuera ma ko nembaerasɨ wi,” jei chupe.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

San Juan 21:5

Jare Jesús usapɨkai chupe reta: “Cherɨwɨ reta, ¿mbaetɨ etei pa penoi pira?” jei chupe reta. “Mbaetɨ nonoi pëti awe,” jei reta chupe.

Hechos 14:9

Pëti ara jokua kuimbae uwapɨ uyapɨsaka iko Pablo oporomboe iko wae re. Aramoiño Pablo umae ngatu jese, jare ipɨa pe uikuaa jokua kuimbae wɨrowia oï Jesús ipuereta umɨnguera wae.

Hechos 19:12

Jukuärái Pablo iasoya omonde wae jare ipañera yepe kía wɨraa oñono yawe imbaerasɨ wae re, imbaerasɨ wae ukuera woi. Jare oñono yawe aña uyembɨiya jese wae re, aña usɨrɨ woi chuwi.

Hechos 23:11

Jare jokua pɨ̈tu yandeYa uyekuaa Pablo pe jare jei chupe: “Iñemɨatangätu,” jei. “Chemɨeräkua ma Jerusalén pe. Jare añawe chemɨeräkuata ko wi tëta wasu Roma pe,” jei chupe.

Romanos 5:11

Jare jokuaño’ä ko. Añetete tuicha yerowia ñanoi, echa’ä Tumpa iarasɨ wasu ndarau ma oa oï yanderé. Erëi ime ñanoi yerowia tuichaete ye wae, echa’ä yandeYa Jesucristo uyapo yandewe wae rupi yayeapɨkatu ye ma Tumpa ndiwe.

Santiago 2:18

Erëi aramoi kía jeita chewe: “Mbaetɨ yambɨyerowia Tumpa oyowake rupi. Amokue wae reta jaeño wɨrowia Tumpa re, jare ïru wae reta jae nunga wi uyapo mbaembae ikawi wae. Erëi mokui rewe umbɨyerowia ñonoï Tumpa.” Jukuärái ipuere kía jei tëi chewe aramoi. Erëi che tae jukuärái uyemɨngeta wae pe kuärái: Yaecha echaka chewe nderowia Tumpa re wae mbaembae ikawi wae ndiyapo mbae rewe. Ndarau etei ndepuere. Erëi chemaerä, che aechakata ndewe arowia Tumpa re wae mbaembae ikawi wae ayapo wae rupi. Jukuärái che jae.