San Mateo 8:9 - Biblia

⁹ “Echa’ä che aikuaa wi kërái ko mbaepuere reta. Che ime anoi chemburuwicha reta, jare che imeta ko ayapo jae reta jei chewe wae. Jae ramiño wi ime sɨndaro reta che ayokui wae. Che jae yawe pëti sɨndaro pe, ‘Ekua,’ jae oota ko. Jare jae yawe ïru sɨndaro pe, ‘Eyu,’ jae imeta ko ou. Jae ramiño wi che jae yawe uyeyokui chewe wae pe mbae uyapo waerä, jae imeta ko uyapo. Jáeramo che aikuaa nde mbae ndere yawe, uyeyapota ko,” jei sɨndaro Jesús pe.

Guaraní Pe (Western): Simba

⁹ Echa'ã ime mburuvicha mbaepuere güɨnoi cheré vae reta. Jae ramiño vi che anoi mbaepuere sundaro reta re. Che jae penti sundaro pe: ‘Ecua’, jare jae oo. Jae ramiño vi che jae ĩru sundaro pe: ‘Eyu’, jare jae ou. Jae ramiño vi che jae cherembiocui pe: ‘Iyapo cua’, jare jae uyapo —jei.

San Mateo 8:9 Iomraidhean Croise

San Mateo 8:10

Jare Jesús kua uyandu yawe, ipɨakañɨete jare jei jaɨkue yuraa wae reta pe: “Che tae pewe añetete wae, awäe’ä etei kía kuärái tuicha wɨrowia cheré wae kua ɨwɨ Israel rupi awe,” jei chupe reta.

San Mateo 8:8

Erëi sɨndaro reta itenondewa jei chupe: “Oporomboe wae, mase, che parawete jupi’ä ko nde ndeo waerä cherëta pe,” jei chupe. “Ndepuere ndere kua wiño uyeyokui chewe wae ukuera waerä jare ukuerata ko,” jei chupe.

Marcos 1:27

Jare opaete kua uecha wae reta ipɨakañɨete jare jei reta iyupe: “¿Mbae ra ko kua? Jae ko oporomboe oï mbaembae yayandu’ä etei wae re. Mase kërái jae ime onoi mbaepuere aña reta re. Echa’ä jae reta uyapo jae jei chupe reta wae,” jei reta.

San Lucas 4:39

Jayawe Jesús oo uyemboɨ wɨrapembɨ iyɨpɨ mii pe, jare jei iñeeäta rewe taku usɨrɨ waerä chuwi. Jare jaku upɨta woi chuwi. Jayawe jupiwoiño jokua kuña upüa jare umbɨpɨ uyapo tembiu umɨngaru reta waerä.

San Lucas 7:8

Echa’ä che aikuaa wi kërái ko mbaepuere reta,’ jei. ‘Che ime anoi chemburuwicha reta, jare che imeta ko ayapo jae reta jei chewe wae,’ jei. Jare jei wi: ‘Jae ramiño wi ime sɨndaro reta che ayokui wae. Che jae yawe pëti sɨndaro pe, ‘Ekua,’ jae imeta ko oo. Jare jae yawe ïru sɨndaro pe, ‘Eyu,’ jae imeta ko ou. Jae ramiño wi che jae yawe uyeyokui chewe wae pe mbae uyapo waerä, jae imeta ko uyapo. Jáeramo che aikuaa Jesús mbae jei yawe, uyeyapota ko.’ Jukuärái jei mburuwicha,” jei reta Jesús pe.

San Lucas 9:1

Pëti ara Jesús umbatɨka jokua doce jemimboe tenondewaete reta, jare umee chupe reta mbaepuere omoë waerä aña uyembɨiya jese wae reta wi jare umɨnguera waerä imbaerasɨ wae reta.

Colosenses 3:22

Jare añawe che tae uyeyokui wae reta pe kuärái: Tuyapo reta opaete mbaembae ipatrón jei chupe reta wae rupi. Awɨye tuparawɨkɨ kawi reta ipatrón umae oï jese reta yaweño jare ipatrón umbɨyerowia waeräño. Tuyeyokui kawiñoi reta chupe ipɨakɨrëɨ rewe yandeYa wi uipɨu rewe.

Tito 2:9

Emboe uyeyokui wae reta jekuaeño tuyapo uipɨu rewe ipatrón jei wae, jare tumbɨyerowia reta ipatrón opaete mbaembae uyapo wae rupi. Awɨye tiyeakapota reta.