San Mateo 8:5 - Biblia

⁵ Jayawe Jesús oo uwäe tëta wasu Capernaum pe. Jare oo ma uwäe yawe joko pe, ou owäiti pëti kuimbae uyerure waerä chupe mbae re. Jae ko kuimbae romano sɨndaro reta itenondewa.

Guaraní Pe (Western): Simba

⁵ Jare Jesús oo uvãe yave Capernaum pe, ou jae oĩ vae pe penti sundaro reta juvicha uyerure vaerã chupe mbae re.

San Mateo 8:5 Iomraidhean Croise

San Mateo 11:23

“Jare Capernaum pewa reta wɨrowia tëi Tumpa umbutuichata onoi reta. Erëi mbaetɨta jukuärái,” jei. “Jae reta uiporarata umanokue wae reta jenda pe, echa’ä yepe tëi che jeta ayapo mbaembae ipɨte rupi Tumpa imbaepuere pe, erëi jae reta wɨrowia’ä cheré. Jukuärái moná ayapo yawe arakae tëta wasu Sodoma pe, jae reta ueyata tëi ipɨayemɨngeta jupi mbae wae Tumpa rewa jare Tumpa ndarau tëi opa umbái jae reta,” jei.

San Mateo 27:54

Jayawe sɨndaro reta itenondewa Jesús re umae iko wae jare sɨndaro reta uecha reta yawe kërái ɨwɨ ukäta wae jare opaete mbae uyeyapo wae, ukɨyete reta, jare jei reta iyupe: “Añetete yepe, kua kuimbae ko jae Tumpa Taɨ,” jei reta.

San Mateo 4:13

Erëi mbaetɨ ma iko tëta wasu Nazaret pe. Oo tëta wasu Capernaum pe. Jokua tëta wasu oï ɨpa wasu jembeɨ pe – jae ko Zabulón jare Neftalí iñemoñaa reta iɨwɨ.

San Mateo 9:1

Jayawe Jesús jare jemimboe reta ndiwe uyupi reta ye chalana pe yuraa reta ye waerä ɨpa wasu jowaicho kotɨ. Jare yuraa ma uwäe reta yawe jowaicho pe, joko wi yuraa reta jëta wasu raɨ pe.

Marcos 15:39

Jare Jesús ikurusu jowai uyemboɨ oï sɨndaro reta itenondewa. Jae uecha yawe kërái Jesús usapɨkai jare umano, jei: “Añetete yepe kua kuimbae ko jae Tumpa Taɨ,” jei.

Marcos 2:1

Mbowɨ ara rupi Jesús oo ye tëta wasu Capernaum pe, jare jeräkua jae ime oï tëta pe wae.

Hechos 22:25

Erëi sɨndaro reta tɨmasa pɨpe uñapɨ̈ti yawe Pablo umbɨpiu waerä, Pablo jei sɨndaro reta itenondewa joko pe oï wae pe: “¿Jupi ra pembɨpiu waerä pëti romano ndei jae uyemboɨ mbowe mburuwicha reta jowai jei reta waerä jae jeko re?” jei.

Hechos 23:17

Jayawe Pablo ueni pëti sɨndaro reta itenondewa jare jei chupe: “Eraa mii kua kunumi nemburuwicha tenondewaete pe. Echa’ä ime mbae jei chupe waerä,” jei chupe.

Hechos 23:23

Joko wi sɨndaro reta itenondewaete ueni mokui isɨndaro reta juwicha reta jare oyokui reta wɨraa waerä Pablo tëta wasu Cesarea jee wae kotɨ. Jae jei chupe reta: “Piyapɨkatu kawi mokui chiëto sɨndaro reta peë peo waerä Cesarea kotɨ chau ora ma kua pɨ̈tu yawe,” jei. “Peraa wi pe ndiwe mokui chiëto sɨndaro wɨraa uɨ puku wae reta, jare setenta sɨndaro kawayu re opo wae reta,” jei chupe reta.

Hechos 27:13

Jare ɨwɨtu umbɨpɨ uyepeyu ndewe ndewe sur kotɨ wi yawe, jae reta wɨrowia tëi ikawita ko ndoo yuapɨ ye waerä. Jayawe chalana wasu uruwata wae reta ueupi chalana iyepɨtasoka reta, jare ndoo Creta iyɨpɨ rupi koiño ɨwɨ wi.

Hechos 27:31

Erëi Pablo jei sɨndaro reta pe jare itenondewa pe: “Kua reta upɨta’ä yawe chalana wasu pe, umanota ñonoï. Jare pe reta pemanota wi,” jei chupe reta.

Hechos 27:43

Erëi sɨndaro reta itenondewa oyopia sɨndaro reta, echa’ä uipota uepɨ Pablo ramo. Jáeramo ipuere uɨtai wae reta rani oyokui oporise waerä ɨ pe yuraa waerä uwäe ɨwɨ pe.

Hechos 9:38

Jeräkua ma amokue hermano reta pe Jope pewa Pedro koiño oï tëta wasu raɨ Lida pe. Jáeramo omondo reta mokui kuimbae Lida pe ueruruka waerä Pedro. Jare oo uwäe reta yawe Pedro oï wae pe, jei reta chupe: “Eyu mii ore ndiwe ɨmambae ndepuere rupi,” jei reta chupe.