San Mateo 8:4 - Biblia

⁴ Jayawe Jesús jei chupe: “Awɨye embeu kía pe awe che ko numɨnguera wae,” jei. “Ekua iyechaka sacerdote pe jae uikuaa waerä nde ndekuera ma ko. Jare emee wi Tumpa pe mbae kërái arakaete Moisés jei wae rami, ime yawe kía kua nunga mbaerasɨ wi ukuera wae. Joko wi ramo sacerdote umɨmbeuta tëta wasu pewa reta pe ndekuera ma ko, jare jukuärái ndepuereta niñemɨïru ye jae reta ndiwe,” jei chupe.

Guaraní Pe (Western): Simba

⁴ Jayave Jesús jei chupe: —Agüɨye emɨmbeu quía pe. Ecua iyeechaca sacerdote pe, jare emee ofrenda Moisés peocui rami, tenta guasu pegua reta uicuaa vaerã ndecuera ma co —jei.

San Mateo 8:4 Iomraidhean Croise

San Mateo 10:18

Jare cheré perowia ramo, pereraata wi mburuwicha reta jare mburuwicha wasu reta jowai pembɨjeko reta waerä. Erëi jokoropi jëwata pewe pemɨmbeu kawi waerä chupe reta jare judío mbae wae reta pe wi che rewa,” jei.

San Mateo 16:20

Jayawe Jesús jei jemimboe reta pe awɨye waerä umɨmbeu reta kía pe awe jae ko Cristo jei chupe reta wae.

San Mateo 17:9

Joko wi uweyɨ ye yureko reta rambuewe ɨwɨtu wasu wi, Jesús jei chupe reta: “Awɨye pemiäri añawe kía pe awe kua pecha wae. Ndei rani. Peäro che kuimbaerä ayeyapo wae amano jare aikowe ye ayu umanokue wae reta ipɨte wi rewa. Jayawe ramo pemɨeräkuata peï kuri,” jei chupe reta.

San Mateo 3:15

Erëi Jesús jei chupe: “Emaeño tayembɨsakambuka ndewe. Echa’ä jukuärái uyeyapota jupi rupi Tumpa uipota wae,” jei chupe. Jayawe Juan umbɨsakambu Jesús.

San Mateo 5:17

“Aramoi pe reta perowia tëi che ayu ma ko ambái waerä opaete Moisés jare ïru kuimbae Tumpa iñee arakae umɨmbeu wae reta uikuatía wae. Erëi che jokuaerä'ä ko ayu. Che ayu ko opaetei jae reta jei wae uyeyapo waerä kërái Tumpa uipota wae rupi,” jei.

San Mateo 6:1

Jesús jekuaeño omboe reta kuärái: “Jayawe pe reta piyapo yawe ikawi wae pembɨyerowia waerä Tumpa, awɨye piyapo opaete wae jowake umae waerä peré. Echa’ä jukuärái piyapo yawe, peRu ara pe oï wae ndarau ma umee pewe mbae ikawi wae jokua piyapo wae re,” jei.

San Mateo 9:30

¡Jare jupiwoiño mokui rewe ipuere umae kawi! Jayawe Jesús jei chupe reta: “Awɨye pemiäri kía pe awe kua mbae ayapo pewe wae re,” jei tëi chupe reta.

Marcos 13:9

“Erëi pe reta piyandareko kawi piyé. Echa’ä pepɨsɨta reta jare pemeeta reta mburuwicha reta pe uñeapo waerä peré,” jei. “Jare jae reta penupata itupao reta pe. Jare pembɨyemboɨta oï reta kuri mburuwicha jare mburuwicha wasu reta jowai cheré perowia ramo,” jei. “Erëi jokoropi jëwata pewe pemɨmbeu kawi waerä chupe reta che rewa.

Marcos 3:12

Jayawe Jesús jei chupe reta: “Awɨye pemɨmbeu kía pe awe kua che rewa,” jei chupe reta.

Marcos 5:43

Erëi Jesús jei chupe reta awɨye waerä umɨmbeu reta kía pe awe. Jare joko wi jei tu jare ichɨ pe umɨngaru reta waerä kuñatái.

Marcos 6:11

“Erëi ime yawe pëti tëta wasu uipota’ä pepɨta waerä joko pe jare uipota’ä uyapɨsaka peré wae, jayawe peasa joko wi,” jei. “Jare peë jokua tëta wasu wi yawe, pemɨtɨmo pepɨpasa ɨwɨkuí usururu waerä chuwi. Jukuärái pikuaakata chupe reta jae reta etei ko teko onoi Tumpa uiporaraka chupe reta waerä,” jei. “Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa jei waerä jae reta jeko rewa, jokua tëta wasu pewa reta uiporarata tätaete ye jokua tëta wasu Sodoma jare Gomorra pewa reta wi.” Jukuärái jei Jesús jemimboe reta pe.

Marcos 7:36

Jayawe uecha wae reta tuicha rupi ipɨakañɨ jokua kuimbae ukuera wae re. Erëi Jesús jei tëi chupe reta awɨye waerä imiäri reta kía pe awe uecha reta wae re. Erëi yepe tëi opa wese jei ye ye chupe reta, erëitu jesewe jae reta imiäriñoï. Jei reta: “Opaete mbaembae Jesús uyapo wae ikawiete ko. Iyapɨsa mbae wae reta jare ipuere mbae uyemɨngeta wae retawe jae umɨnguera,” jei reta.

Marcos 8:30

Jayawe Jesús jei chupe reta awɨye waerä umɨmbeu reta kía pe awe kía ko jae wae.

Marcos 9:9

Joko wi uweyɨ ye yureko reta rambuewe ɨwɨtu wasu wi, Jesús jei chupe reta: “Awɨye pemiäri añawe kía pe awe kua pecha wae. Ndei rani. Peäro che kuimbaerä ayeyapo wae amano jare aikowe ye ayu umanokue wae reta ipɨte wi rewa. Jayawe ramo pemɨeräkuata peï kuri,” jei chupe reta.

San Lucas 17:14

Jare Jesús uecha reta yawe, jei chupe reta: “Pekua piyechaka sacerdote reta pe, jae reta umae waerä peré,” jei chupe reta. Jayawe yuraa yureko reta rambuewe, ¡aramoiño opa ukuera kawi reta!

San Lucas 21:13

“Erëi jokoropi jëwata pewe pemɨmbeu kawi waerä chupe reta che rewa,” jei Jesús chupe reta.

San Lucas 4:41

Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.

San Lucas 5:14

Jayawe Jesús jei chupe: “Awɨye embeu kía pe awe che ko numɨnguera wae,” jei. “Ekua iyechaka sacerdote pe jae uikuaa waerä nde ndekuera ma ko. Jare emee wi Tumpa pe mbae kërái arakaete Moisés jei wae rami, ime yawe kía kua nunga mbaerasɨ wi ukuera wae. Joko wi ramo sacerdote umɨmbeuta tëta wasu pewa reta pe ndekuera ma ko, jare jukuärái ndepuereta niñemɨïru ye jae reta ndiwe,” jei chupe.

San Lucas 8:56

Tu jare ichɨ ipɨakañɨete kua mbae uyeyapo wae re. Jayawe Jesús jei chupe reta: “Awɨye kía pe awe pemiäri kua mbae uyeyapo wae re,” jei chupe reta. Jukuärái Jesús umbɨjekowe ye pëti kuñatái ueru umanokue wae reta ipɨte wi.

San Lucas 9:21

Jayawe Jesús jei chupe reta: “Awɨye etei kua pemɨmbeu kía pe awe,” jei.

San Juan 5:41

“Chemaerä, mbae’ä ko kía reta chembutuicha waerä.

San Juan 7:18

“Kua che jae wae añetete ko. Chapu’ä etei ko aï pewe, echa’ä che aipota ambutuicha chembou wae jee. Erëi jukuärai’ä ko jokua iñee rupii oporomboe wae reta. Jae reta jaeño uipota uyembutuichaka waerä,” jei chupe reta.

San Juan 8:50

“Añetete chemaerä che aipota’ä ayembutuicha. Erëi ime oï pëti wae uipota cheree uyembutuichaka waerä. Jae ko cheRu Tumpa. Jae uikuaakata chiñee añetete wae ko,” jei.