San Mateo 8:2 - Biblia

² Jare ou owäiti pëti kuimbae ipire okui wae. Jayawe kuimbae uñeñono itawa re Jesús jowai jare jei chupe: “CheYa, nde ndipota yawe, ndepuere chemɨnguera mii jukuärái wi chekɨa mbae aï waerä,” jei chupe.

Guaraní Pe (Western): Simba

² Jayave ou Jesús oĩ vae pe penti cuimbae ipire ocui vae. Uyeatɨca Jesús jovai. —CheYa, ndipota yave, ndepuere chembɨgüera —jei chupe.

San Mateo 8:2 Iomraidhean Croise

San Mateo 10:8

“Jae nunga wi pemɨnguera imbaerasɨ wae reta jare ipire okui wae reta. Pembɨjekowe ye wi umanokue wae reta. Jare pemoë pemombo aña reta kía re uyembɨiya wae wi,” jei. “Che amee ma pewe kua mbaepuere jepɨ mbae rewe. Jáeramo pe reta awɨye pekowara kía pe pemborɨ wae re,” jei chupe reta.

San Mateo 13:58

Jayawe wɨrowia’ä reta Jesús re jeko pewa, Jesús uyapo’ä joko pe jeta mbaembae Tumpa imbaepuere pe.

San Mateo 14:33

Jare Jesús jemimboe chalana pe ñonoï wae reta umbutuicha Jesús. “Añetete yepe nde ko jae Tumpa Taɨ,” jei reta chupe.

San Mateo 15:25

Jayawe kuña ou uñeñono ɨwɨ re Jesús jowai uipɨu rewe, jare jei chupe: “CheYa, chemborɨ mii,” jei.

San Mateo 18:26

“Jayawe jokua pione oa ɨwɨ re uñemɨmichi rewe mburuwicha wasu jowai, jare umɨñera: ‘Awɨye mii, cheya,’ jei chupe. ‘Ndepɨawasu mii chewe, jare ambɨepɨta ndewe opaetei,’ jei parawete.

San Mateo 2:11

Jayawe uike reta sambiaɨ oï wae pe jare uecha reta sambiaɨ jare ichɨ María ndiwe. Jayawe kuimbae reta uñeñono ɨwɨ re sambiaɨ jowai umbutuicha reta waerä. Jare joko wi pëti pëti wae uipea reta jewɨta umee waerä mbaembae ikawi wae sambiaɨ pewarä. Umee reta chupe oro jare mbaembae utimbo kawi wae jare jepɨete wae – jae ko incienso jare mirra jee wae.

San Mateo 20:20

Jokua jaɨkue rupi yuweru Jesús oï wae pe Zebedeo jembireko jare imembɨ reta ndiwe – jae ko Jacobo jare Juan. Jayawe kuña uñeñono itawa re Jesús jowai jare jei chupe: “Che aipota nde ndiyapo waerä chewe ikawi wae,” jei chupe.

San Mateo 26:6

Ime iko tëta wasu raɨ Betania pe pëti kuimbae Simón jee wae tenonde yawe ipire okuise wae. Kua kuimbae uparea Jesús jare jemimboe reta pe yuweru ukaru waerä jae jëta pe.

San Mateo 28:17

Jare joko pe Jesús uyekuaa chupe reta. Jare jemimboe reta uecha yawe, umbutuicha reta Jesús. Erëi amokue wae pewarä yawái iko chupe wɨrowia waerä jae ko Jesús wae.

San Mateo 28:9

Jare yuraa yureko reta rambuewe, aramoiño Jesús uyekuaa chupe reta jei rewe: “Pepüa ma, ¿kërái pa peï?” jei chupe reta. Jayawe kuña reta oya yuraa ikotɨ, jare uñeñono ɨwɨ re uikuäwa ipɨ rupi, jare umbutuicha reta Jesús.

San Mateo 4:9

Jare Añawasu jei chupe: “Mase, nde niñeñono yawe ndetawa re cherowai chembutuicha waerä, che ameeta ndewe opaetei kua mbaembae ndecha neï wae ndepo pe oï waerä,” jei chupe.

San Mateo 8:1

Joko wi Jesús uweyɨ oo ɨwɨtu wi, jare jeta wae reta yuraa jupie.

San Mateo 8:25

Jayawe jemimboe reta umbɨsareko Jesús, jare jei reta chupe ukɨye rewe: “¡OreYa, opata ma yandeputupa! ¡Epüa yanderepɨ!” jei reta.

San Mateo 9:18

Jare Jesús uyemɨngeta iko rambuewe, ou uwäe pëti mburuwicha jare uñeñono itawa re Jesús jowai, jare jei chupe: “Cherayɨ mii iyei mii ramo umano chewi. Erëi ya mii iñono ndepo jese ikowe ye waerä,” jei chupe.

San Lucas 4:27

“Jare pemandúa kawi peï wi, arakaete yawe Tumpa iñee umɨmbeu wae Eliseo iko rambuewe, ime yureko kua ɨwɨ Israel pe jeta ipire okui wae reta. Erëi Eliseo umɨnguera’ä pëti awe jae reta. Jaeño umɨnguera Naamán – jae ko pëti kuimbae ɨwɨ Siria pewa.” Jukuärái Jesús jei chupe reta.

San Juan 9:38

Jayawe kuimbae jei: “CheYa, arowia aï nderé,” jei chupe. Jayawe kuimbae uñeñono ɨwɨ re Jesús jowai jare umbutuicha.

Hechos 10:14

Erëi Pedro jei: “Ndarau, cheYa,” jei. “Moisés arakae uikuatía wae uikuaaka orewe jokua nunga mbaemɨmba reta isoo ndou yawe, oremɨngɨata ko ndekotɨ. Che jau’ä etei ko kua nunga soo aa wiwe,” jei.

Hechos 10:25

Jayawe Pedro oo uwäe yawe tëta pe, Cornelio oë oo owäiti jare uñeñono ɨwɨ re Pedro jowai umbutuicha waerä tëi.

1 Corintios 14:25

Jae nunga wi aramoi jae uikuaata oï iyuwi Tumpa umae yepe oï jae ipɨa japɨpe etei wae. Jayawe jae uñeñonota ɨwɨ re umbutuicha waerä Tumpa jee jare jeita: “Añetete yepe Tumpa oï pe reta ndiwe.” Jukuärái ipuere uasa.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.