Biblia Todo Logo
Bìoball air-loidhne

- Sanasan -




San Mateo 8:16 - Biblia

16 Joko wi, warasɨ uike ma oo yawe, tëta wasu pewa reta ueru Jesús pe jeta wae reta aña uyembɨiya jese wae. Jare Jesús omombo pëti pëti wae iñee rupi. Jae nunga wi Jesús opa umɨnguera joko pe opaño kërái rái imbaerasɨ ñonoï wae reta.

Faic an caibideil Dèan lethbhreac

Guaraní Pe (Western): Simba

16 Jare guarasɨ uique ma yave, tenta guasu pegua reta güeru Jesús pe jeta aña oya jese vae reta. Jayave Jesús oyocui aña reta usɨrɨ vaerã opaete oya jese vae reta güi, jare umbɨgüera opaete imbaerasɨ vae reta.

Faic an caibideil Dèan lethbhreac




San Mateo 8:16
17 Iomraidhean Croise  

Tumpa umee chupe reta jokua iñee jei rewe: “Piyapɨsaka kawi yawe che, peTumpa aikoño mái wae, jae aï pewe wae re jare piyapo yawe opaete che jae aï pewe wae rupi, jayawe ambouta’ä pewe jokua mbaesusere reta ambou ɨwɨ Egipto pe wae. Echa’ä che ko jae peTumpa pumɨnguera wae,” jei chupe reta.


Jayawe amokue wae reta ueru Jesús pe pëti kuimbae aña uyembɨiya jese wae. Kua kuimbae parawete jesa’ä jare iñee mbae wi. Jayawe Jesús omoë chuwi aña jare umɨnguera. Jayawe jokua kuimbae umbɨpɨ ye umae kawi jare uyemɨngeta kawi wi.


Jayawe Jesús oo uwäe ɨpa wasu jembeɨ pe jare uweyɨ chalana wi. Jare uecha jeta wae reta ime ma yepe joko pe ñonoï. Jare tuicha rupi uiparareko umae jese reta. Jáeramo umɨnguera imbaerasɨ wae reta joko pe.


Jayawe Jesús oya oo ikotɨ jare uipɨsɨ ipo pe, jare jaku upɨta woi chuwi. Jayawe jokua kuña upüa jare umbɨpɨ uyapo tembiu umɨngaru reta waerä.


Jayawe kuchi iyandarekoa reta opa osi yuraa tëta wasu kotɨ jare umɨmbeu joko pewa reta pe opaete mbae uyeyapo wae rewa. Umɨmbeu wi chupe reta mbae uyeyapo jokua mokui kuimbae aña uyembɨiyase jese wae reta pe.


Jayawe amokue wae reta owoɨ ueru jupa rewe pëti kuimbae ipuere mbae omɨ wae Jesús oï wae pe. Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Iñemɨatangätu, cheraɨ. Teko nenoi Tumpa kotɨ wae opa ma uyembái ndewi,” jei chupe.


Jare Jesús oporomboe iko rambuewe, irundɨ kuimbae reta owoɨ ueru jupa rewe pëti kuimbae ipuere mbae omɨ wae.


Jayawe Jesús uecha jeta ïru wae reta osi yuweru ñonoï ikotɨ. Jayawe iñeeäta rewe jei aña pe: “Nde aña nembɨyemɨngeta’ä jare nembɨapɨsa’ä kua kunumi raɨ wae, che tae ndewe, eë ekua kua kunumi raɨ wi jare awɨye ye ma iyembɨiya jese,” jei.


Jayawe Jesús uecha yawe, ueni ikotɨ jare jei chupe: “Cherindɨ mii, añawe ndekuera ma nembaerasɨ wi,” jei chupe.


Jare warasɨ uike ma oo oï yawe, jokua tëta wasu pewa reta ueru opa yea imbaerasɨ wae reta Jesús oï wae pe Jesús umɨnguera reta waerä. Jayawe Jesús oñono ipo pëti pëti re, jare opa ukuera reta.


Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.


Jare jeräkua opaete wae reta pe jokua mbaembae ikawi wae Jesús jemimboe tenondewaete reta uyapo yureko wae rewa. Jáeramo jeta wae reta wɨraa imbaerasɨ wae reta jupa rewe oñono tapembeɨ rupi. Jukuärái uyapo reta Pedro iwarasɨ̈a yepe uasa waerä amokue wae reta iáramo rupi Pedro uasa oo oï yawe, jare jukuärái ipuere ukuera reta waerä.


Lean sinn:

Sanasan


Sanasan