San Mateo 8:11 - Biblia

¹¹ “Jare che tae pewe, Tumpa oï ma yawe opaete wae imburuwicha wasurä jaeño mái pewa, yuweruta opaete ketɨ ketɨ wi jeta kua nunga judío mbae wae reta yureko waerä Tumpa ndiwe. Jare jae reta ukaruta uyerowia rewe yanderamɨkue ikowe yeta oï wae reta Abraham, Isaac, jare Jacob ndiwe,” jei chupe reta.

Guaraní Pe (Western): Simba

¹¹ Jare che jae peve, jeta vae yugüeruta guarasɨ oẽ vae cotɨ güi jare guarasɨ uique vae cotɨ güi jare uguapɨta reta Abraham jare Isaac jare Jacob ndive mboroyocuia ara pegua pe —jei—.

San Mateo 8:11 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 28:14

“Niñemoñaa reta jetaeteta ko ɨwɨkuïti ɨwɨ pewa jeta ye ye wae rami. Jae reta opata tɨnee kua ɨwɨ warasɨ uike wae kotɨ wi warasɨ oë wae kotɨ rewa, jare ɨaña kotɨ wi yembɨ kotɨ rewa. Jare opaete ɨwɨ pewa reta uyekouta nde rupi jare niñemoñaa rupi,” jei.

San Mateo 21:41

Jayawe mburuwicha reta jei Jesús pe: “Opata uyuka jokua kuimbae jeko kachi wae reta, jare uiporukata uvarupa ambɨe wae reta pe – jae ko kía reta umeeta chupe imaerä uva yawɨye ma yawe wae,” jei reta chupe.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 8:10

Jare Jesús kua uyandu yawe, ipɨakañɨete jare jei jaɨkue yuraa wae reta pe: “Che tae pewe añetete wae, awäe’ä etei kía kuärái tuicha wɨrowia cheré wae kua ɨwɨ Israel rupi awe,” jei chupe reta.

San Lucas 12:37

“Jare jokua karái uecha yawe uyeyokui wae reta uäro ñonoï oke mbae rewe, jayawe uyerowiaeteta umae jese reta. Che tae pewe añetete wae, jokua karái umbɨwapɨta uyeyokui wae reta mesa pe jare umɨngaruta reta jae etei,” jei.

San Lucas 16:22

“Erëitu pëti ara jokua kuimbae iparawete mii wae umano, jare joko wi araɨwa reta wɨraa jekowe mii yerowiarenda pe Abraham oï wae pe. Jaɨkue rupi jokua kuimbae ikokatu wae umano wi jare oñotɨ reta,” jei.

Hechos 10:45

Jare jokua hermano judío reta tëta wasu Jope wi yuraa Pedro ndiwe wae ipɨakañɨ reta kërái añawe Tumpa umee wi Espíritu Santo judío mbae wae reta pe.

Hechos 11:18

Jayawe Pedro jei wae uyandu reta yawe, jokua Pedro pe umbɨeta wae reta kïi ngatu upɨta reta. Jare umbɨpɨ umbutuicha reta Tumpa jee jei rewe: “Mase, añawe Tumpa umee ma yepe oï judío mbae wae reta pe wi ipuere waerä ueya ipɨayemɨngeta jupi mbae wae Tumpa rewa. Jukuärái jae reta wi ipuere onoi tekowe opa mbae wae,” jei reta.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

Hechos 14:27

Jare yuraa uwäe reta ye yawe Antioquía pe, Pablo jare Bernabé umbatɨka Cristo re wɨrowia wae reta. Jare umɨmbeu chupe reta opaete mbaembae Tumpa uyapo wae jae reta uwata wae rupi. Umɨmbeu wi chupe reta kërái Tumpa umaeño wi judío mbae wae reta re wɨrowia waerä jese.

1 Corintios 15:20

¡Erëi Cristo añetete ikowe ye ma ko ou umanokue wae reta ipɨte wi! Jare jukuärái jae rani ikowe ye uikuaaka waerä kërái opaete umanokue wae reta ikowe yeta ko wi.

1 Corintios 6:9

¿Pikuaa’ä yerá ndarau oï Tumpa ndiwe jeko kachi wae reta Tumpa oï ma yawe opaete wae imburuwicha wasurä jaeño mái pewa? Awɨye etei piyembɨtawɨka kua rewa. Che tae pewe, ndarau etei ñonoï Tumpa ndiwe kua nunga reta: ipotawe wae ndiwe oke wae reta, jare tumparaanga re umbɨadora wae reta, jare awasa uyapo wae reta, jare kuimbae jae yepái uyereroke wae reta,

Efesios 3:6

Jare Tumpa ipɨayemɨngeta ko kua: Judío jare judío mbae Cristo re wɨrowia wae reta jae ma ko Tumpa taɨ jare tayɨ reta. Jae reta ñonoï ma ko pëti ramiño Cristo re jare oyowakeño onoita imaerä opaete mbaembae ikawiete wae Tumpa umeeta oï taɨ reta pe wae.

Colosenses 3:11

Jare kua tekowe ipɨau wae rupi pëti wae rami yayowake ma ñaï. Jayawe yanemaerä mbaetɨ ma judío reta jare judío mbae wae reta, uyembɨcircuncidaka wae reta jare uyembɨcircuncidaka mbae wae reta, ñana rupiwa reta jare ambɨe ɨwɨ pewa reta, uyeyokui wae reta jare uyeyokui mbae wae reta. YandeYa Cristo jeeño ko yambutuicha. Jare opaete yande pëti pëti wae reta, jae oyowakeño oï yandepɨa pe.

2 Tesalonicenses 1:5

Pëti ara yayemboɨ yawe opaete wae Tumpa jowai jae jei waerä yandereko re, Tumpa jeita pewe: “Jupi ko peï waerä che ndiwe jaeño mái pewa,” jeita pewe. Jare ore nduecha yawe kërái pemɨawäta peï piporara peï wae, jokua uikuaaka orewe Tumpa jupi ko jei waerä pewe jukuärái.

Apocalipsis 7:6

Aser iñemoñaa reta wi umɨseñara 12.000. Neftalí iñemoñaa reta wi umɨseñara 12.000. Manasés iñemoñaa reta wi umɨseñara 12.000.