San Mateo 7:7 - Biblia

⁷ Jayawe Jesús jei wi chupe reta: “Mbae uata oï pewe yawe, piyerureñoi Tumpa pe jese. Pekañoi chupe jare jae umeeta pewe. Piyerure chupe kía öke pe ueni pɨi oï wae rami, jare jae uipeata pewe,” jei.

Guaraní Pe (Western): Simba

⁷ Piyerure Tumpa pe mbae re, jare Tumpa umeeta peve. Peeca, jare pevãeta. Pembopu onque, jare onque uyepeata peve —jei—.

San Mateo 7:7 Iomraidhean Croise

San Mateo 18:19

“Jae nunga wi che tae pewe, ime yawe aramoi mokui yepe pe reta piyerure pëti ramiño Tumpa pe mbae re wae, cheRu ara pe oï wae uyapota ko pewe,” jei.

San Mateo 21:22

“Jare pipota yawe Tumpa ipotawe mbae uyapo waerä pewe, piyerure Tumpa pe jese. Jare perowia kawi Tumpa uyapota oï pewe yawe, jayawe uyapota ko,” jei Jesús jemimboe reta pe.

San Mateo 6:33

“Opaetei mbae wi piñono tenonde Tumpa pemburuwicha wasurä opaete mbaembae rupi. Jare pekɨrëɨ piyapo jupi rupi jae jowai. Jare jukuärái piyapo yawe, jae umeeta pewe wi jokua mbaembae uata oï pewe wae,” jei chupe reta.

San Mateo 7:11

“Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe mbaembae ikawi wae peka chupe yawe?” jei chupe reta.

San Mateo 7:8

“Echa’ä kía uyerure yawe Tumpa pe mbae re, Tumpa umeeta oï chupe. Jare jae nunga wi kía ueka yawe, uwäeta chupe wi. Jare uyepeata oï chupe wi kía öke pe ueni oï wae. Jukuärái ko peRu Tumpa,” jei.

Marcos 11:24

“Jáeramo che tae pewe, piyerure yawe Tumpa pe ipotawe mbae re, jare perowia Tumpa umee ma ko pewe yawe, jayawe penoita ko,” jei chupe reta.

San Lucas 13:25

“Echa’ä pëti ara tëta iya uyukendata oï öke chuwi reta. Jare jokua ara kaarueteta ma chupe reta,” jei. “Jayawe pe reta imeño oka pe peï yawe, pemboputa tëi öke jare pereta tëi: ‘OreYa, ipea mii orewe öke.’ “Erëi jae jeita pewe: ‘Che pukuaa’ä etei.’

San Lucas 18:1

Jare Jesús uipota omboe iko jemimboe reta kërái ikawi ko jekuaeño uyerure reta waerä Tumpa pe ikueri mbae rewe. Jáeramo jei chupe reta umbɨjaanga rewe: “Ime iko pëti tëta wasu pe pëti mburuwicha. Kua mburuwicha uipɨu’ä etei Tumpa wi, jare mbae’ä chupe ïru wae reta kërái oï wae,” jei.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 15:7

“Erëi pe reta jekuaeño piñemɨïru kawi yawe che ndiwe jare jekuaeño piyapo yawe che pomboe wae rupi, jayawe pepuereta piyerure cheRu pe ipotawe mbae pipota wae re, jare cheRu uyapota oï pewe,” jei chupe reta.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

Romanos 2:7

Echa’ä amokue wae reta ikɨrëɨete uyembutuichaka Tumpa pe. Jare uipota yureko reta jaeño mái pewa Tumpa ndiwe. Jáeramo jae reta uyapo ikawi wae. Jare Tumpa umeeta chupe reta tekowe opa mbae wae.

Romanos 3:11

Mbaetɨ ko kiawe uikuaa kawi Tumpa rewa. Mbaetɨ ko kiawe ueka Tumpa wae.

Hebreos 11:6

Jayawe yande reta mbaetɨ yawe yarowia Tumpa jei wae re, ndarau etei yandepuere yambɨyerowia Tumpa. Yaipota yaya jese yawe, imeta ko yarowia ime ko Tumpa wae. Jare imeta ko yarowia wi Tumpa uyapota ikawi wae yandewe yaeka yawe jae yandepɨa rewe.

Santiago 5:15

Jare jae reta uyerure yawe jese wɨrowia rewe, imbaerasɨ wae ukuerata. YandeYa etei ko umɨnguerata. Jare jae uyawɨ Tumpa kotɨ jeko pewa imbaerasɨ oï yawe, tuyemɨmbeu Tumpa pe uñemɨmichi rewe. Jare Tumpa imanduata’ä chupe uyawɨ wae re.

1 Juan 3:22

Jare ipotawe mbae yayerure chupe wae, jae uyapota yandewe, echa’ä yayapo jae jei wae ramo jare yayapo mbaembae jae umbɨyerowia wae ramo.