San Mateo 7:6 - Biblia

⁶ Jare jei wi chupe reta: “Ime yawe kía uipota’ä uyapɨsaka Tumpa iñee re wae, ¿mbae ra yayapota yande reta? ¿Ñameeta ra mbae ikawiete ye wae yɨmba reta pe? Jare ¿ñameeta ra ita ikawiete wae jare jepɨete wae kuchi reta pe? Ndarau ñamee, echa’ä mbae’ä chupe reta. Kuchi reta upɨ̈roñota jese, jare yɨmba reta ipuereta ou yandesuu. Jukuärái wi jupi’ä ko jekuaeño yamɨmbeu waerä Tumpa iñee kía pe uipota’ä uyapɨsaka jese yawe,” jei chupe reta.

Guaraní Pe (Western): Simba

⁶ Agüɨye pemee mbae uñeñono tee Tumpa peguarã vae yɨmba reta pe. Jae ramiño vi agüɨye piñono ita ipõra vae reta cuchi reta ñugüɨnoi vae rupi. Echa'ã jucuarãi piyapo yave, upɨ̃rota jese reta jare aramoi uyerovata pesuu vaerã —jei—.

San Mateo 7:6 Iomraidhean Croise

San Mateo 15:26

Jayawe Jesús jei chupe umbɨjaanga rewe: “Jupi’ä ko ñapɨ̈ro waerä tembiu sambiaɨ reta wi ñamee waerä yɨmba raɨ reta pe,” jei chupe.

San Mateo 24:10

“Jare jeta wae reta opiata Tumpa wi. Jae reta uñeamɨtäata jae yepái, jare opata uñemee jae yepái towaicho reta ipo pe,” jei.

San Mateo 7:5

Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

2 Corintios 11:26

Jetaete awata opaete kerupi. Jare kerupi rupi awata wae rupi jekuaeño ime yembɨawái chewe. Echa’ä mbowɨ wese ɨ chereraa seri parawete. Jare kiape awata wae rupi imonda wae reta ukuatɨ̈ro cheré. Jeta cherëtáɨwa reta jare judío mbae wae reta wi jekuaeño chemumburu ñonoï tëi mbae ikawi mbae wae uyapo chewe waerä. Amano seri ma tëta wasu reta rupi, jare ikotɨ̈a rupi, jare mar rupi. Jare jeta wɨrowiaraanga Cristo re wae reta oyowaicho ñonoï che ndiwe.

Filipenses 3:2

Piyandareko kawi piyé kuri, echa’ä ime amokue jeko kachi wae reta oporomboe ñonoï tëi kuärái: “Ime yawe kía Tumpa imaerä uipota iko wae, imeta ko uyembɨcircuncidaka,” jei ñonoï reta. Erëi awɨye piyapɨsaka jokua yɨmba echa wae reta re.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.

2 Pedro 2:22

Jukuärái uyeyapo chupe jokua proverbio pe jei wae rami: “Yɨmba oo ye jou iwëekue, jare kuchi oyoe reta wae oo ye uyembɨsapayu tuñuu pe.”

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.