San Mateo 7:3 - Biblia

³ Jare jei wi chupe reta umbɨjaanga rewe: “Nde neratangätu neï nemae waerä ɨtɨ michi wae neïru jesa pe oï wae re. Erëi ¿maera pa nde nemae’ä ɨwɨra puku nderesa pe oï wae re?” jei chupe reta.

Guaraní Pe (Western): Simba

³ Agüɨye emae ɨtɨ michi vae neĩru jesa pe oĩ vae re, ime yave nenoi ɨtɨ tuicha vae nderesa pe —jei—.

San Mateo 7:3 Iomraidhean Croise

San Mateo 7:4

“Nde ndere: ‘Tëtara, taeki nderesa wi jokua ɨtɨ michi wae,’ ndere. Erëi ¿këraita pa ndepuere ndiyemɨngeta jukuärái nde ime yawe nenoi ɨwɨra puku wae nderesa pe?

San Mateo 7:5

Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

San Lucas 18:11

“Jokua fariseo uyemboɨ jare uyerure uyembutuicha rewe kuärái: ‘Tumpa, amee yasurupái ndewe. Echa’ä che jae’ä ko ïru kuimbae reta rami. Echa’ä che jae’ä ko imonda wae. Ayapo’ä jupi mbae wae. Ayapo’ä awasa. Ayapo’ä wi pea mburuwicha pewarä okowara wae uyapo wae rami.

Romanos 2:1

Aramoi imeta kía ipuere jei yandewe jupi ko Tumpa uiporaraka waerä jokua jeko kachi wae reta pe. Erëi che tae jukuärái uyemɨngeta wae pe kuärái: Nde ndere yawe jukuärái, ndiyembɨjeko ma ko neï wi, echa’ä nde ndiyapo wi ko jokua nunga etei teko ikawi mbae wae. Jáeramo jupi ko Tumpa uiporaraka waerä ndewe wi, ipotawe wae rami ko nde wi.

Gálatas 6:1

Jayawe hermano mii reta, ime ye mbaembae re pumbɨarakuaa ye waerä. Ime yawe kía pepɨte pe oï wae uyerowa uyapo waerä mbae kachi wae, jayawe pe Espíritu Santo rupi pewata kawi peï wae reta imeta ko pemborɨ mii peau rewe jae uyeapɨkatu ye waerä Tumpa ndiwe. Erëi piyandareko kawi piyé awɨye waerä jokua jae uyapo wae uyawɨka pewe wi Tumpa kotɨ.