San Mateo 7:11 - Biblia

¹¹ “Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe mbaembae ikawi wae peka chupe yawe?” jei chupe reta.

Guaraní Pe (Western): Simba

¹¹ Yepe tẽi pe reta jecuaeño piyapo icavi mbae vae, ẽrei pemee co mbaembae icavi vae pesambiaɨ reta pe. Jáeramo peRu ara pe oĩ vae iquɨrẽɨ umee mbaembae icavi vae uyerure chupe jese vae reta pe —jei—.

San Mateo 7:11 Iomraidhean Croise

Génesis 6:5

Jare Tumpa uecha opaete wae jeko kachi jeiete ma ɨwɨ pe. Uecha kërái opaete wae ipɨayemɨngeta jekuaeño mbaembae kachi wae reño.

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

San Mateo 23:9

“Jare awɨye kía kua ɨwɨ pewa pe pere, ‘Cheru.’ Echa’ä pëtiño ko jae peRu – jae ko ara pe oï wae,” jei chupe reta.

San Mateo 7:10

Jare nderaɨ pira chariki ueka ndewe yawe, ¿nemeeta yerá chupe mboi?” jei.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

Romanos 3:19

Yaikuaa ñaï kua uyekuatía oï Tumpa iñeerɨru pe wae uyemɨngeta oï yande judiorä yaiko wae reta re wi. Jare uyekuatía oï jukuärái awɨye waerä yandepuere yayerepɨ Tumpa jowai. Añetete kua ñee reta rupi yaikuaa yande ñanoi teko Tumpa jowai, opaetei yande judío jare judío mbae yaiko wae reta wi.

Romanos 3:9

Jayawe, ¿mbae pa añawe yaecha ñaï kua pe? ¿Yande judiorä yaiko wae reta ikawi katu ra ñaï judío mbae wae reta wi? Mbaetɨ ko. Echa’ä yaecha ma kërái judío reta jare judío mbae wae reta mokui rewe ko yayawɨ Tumpa kotɨ, jare jukuärái ime ñanoi teko Tumpa jowai.

Romanos 8:32

Echa’ä Tumpa umbɨete’ä Taɨ umee waerä yandewe jare umano waerä yanderé. Jare jukuärái yawe, ¿këraita pa Tumpa umbɨete mbaembae yandewe jae ndiwe ñaï kawi waerä?

Gálatas 3:22

Erëi Tumpa iñeerɨru pe uikuaaka yandewe opaete yande reta yayawɨ ma ko Tumpa kotɨ, jare jokua teko ñanoi wae ñaneapɨ̈ti oï rami ko. Jare jokua jeko pewa pëti peresorɨru pe ñaï rami mbɨrɨ Tumpa wi. Erëi jukuärái ko yande, yaikuaa waerä jaeño Jesucristo rupi yepe yandepuere yayeyoraka teko ñanoi wae wi jare ñaï waerä Tumpa jowai yandereko mbae wae rami. Jare jokua jaeño uyeyapota yandewe yarowia yawe Jesucristo re.

Santiago 1:17

Tumpa jaeño umee yandewe ikawi wae. Añetete opaete mbaembae ikawi wae jare jupi wae ou ara wi yandeRu Tumpa oï wae wi. Jae umbɨyekuaa opaete tembipe reta ara re ñonoï wae ipɨakawi rupi. Jare yepe tëi jokua tembipe reta opa kërái rái uyembɨambɨe, erëi yandeRu Tumpa ndarau etei uyembɨambɨe jare ndarau uyepepɨka wi.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.