San Mateo 6:3 - Biblia

³ “Erëi nde nemee yawe mbae ikuasɨ wae reta pe, awɨye tuikuaa kiawe jokua ndiyapo wae rewa.

Guaraní Pe (Western): Simba

³ Ẽrei nde nemee mbae iparavete vae reta pe yave, agüɨye tuicuaa ndepo ndeaso cotɨgua ndepo ndeacata uyapo vae,

San Mateo 6:3 Iomraidhean Croise

San Mateo 12:19

Jae ndarau uyeaka kía ndiwe awe, jare ndarau wi uñee kía pe awe calle rupi.

San Mateo 6:2

“Jáeramo nde nemee yawe mbae ikuasɨ wae reta pe, awɨye iyapo kía Tumpa pe uyeyokuiraanga wae reta rami. Echa’ä jae reta umee yawe mbae ikuasɨ wae reta pe, jekuaeño uechaka opaete wae pe mbae uyapo ñonoï wae. Jukuärái uyapo reta ïru wae reta uyemɨngeta kawi jese reta waeräño mbae ikawi wae uyapo reta wae re,” jei. “Che tae pewe añetete wae, jokua ïru wae reta uyemɨngeta kawi jese reta waeño ma ko jae reta onoita. Tumpa ndarau ma umee chupe reta mbae ikawi wae jokua uyapo reta wae re,” jei.

San Mateo 6:4

Iyapo kía uikuaa mbae rewe. Jare jukuärái ndeRuño uikuaata jokua ndiyapo wae re, jare jae umeeta oï ndewe mbae ikawi wae jokua re,” jei Jesús chupe reta.

San Mateo 8:4

Jayawe Jesús jei chupe: “Awɨye embeu kía pe awe che ko numɨnguera wae,” jei. “Ekua iyechaka sacerdote pe jae uikuaa waerä nde ndekuera ma ko. Jare emee wi Tumpa pe mbae kërái arakaete Moisés jei wae rami, ime yawe kía kua nunga mbaerasɨ wi ukuera wae. Joko wi ramo sacerdote umɨmbeuta tëta wasu pewa reta pe ndekuera ma ko, jare jukuärái ndepuereta niñemɨïru ye jae reta ndiwe,” jei chupe.

San Mateo 9:30

¡Jare jupiwoiño mokui rewe ipuere umae kawi! Jayawe Jesús jei chupe reta: “Awɨye pemiäri kía pe awe kua mbae ayapo pewe wae re,” jei tëi chupe reta.

Marcos 1:44

“Awɨye embeu kía pe awe che ko numɨnguera wae,” jei. “Ekua iyechaka sacerdote pe jae uikuaa waerä nde ndekuera ma ko. Jare emee wi Tumpa pe mbae kërái arakaete Moisés jei wae rami, ime yawe kía kua nunga mbaerasɨ wi ukuera wae. Joko wi ramo sacerdote umɨmbeuta tëta wasu pewa reta pe ndekuera ma ko, jare jukuärái ndepuereta niñemɨïru ye jae reta ndiwe,” jei chupe.

San Juan 7:4

Nde ndikuaa kawi neï ime yawe kía uipota uñemɨeräkua wae, mbaetɨ mbae uyapo wɨari. Jayawe yaecha ekua Jerusalén pe, jare joko pe iyapo opaete wae reta jowake kua nunga mbae ndiyapo neï wae,” jei reta chupe.