San Mateo 6:2 - Biblia

² “Jáeramo nde nemee yawe mbae ikuasɨ wae reta pe, awɨye iyapo kía Tumpa pe uyeyokuiraanga wae reta rami. Echa’ä jae reta umee yawe mbae ikuasɨ wae reta pe, jekuaeño uechaka opaete wae pe mbae uyapo ñonoï wae. Jukuärái uyapo reta ïru wae reta uyemɨngeta kawi jese reta waeräño mbae ikawi wae uyapo reta wae re,” jei. “Che tae pewe añetete wae, jokua ïru wae reta uyemɨngeta kawi jese reta waeño ma ko jae reta onoita. Tumpa ndarau ma umee chupe reta mbae ikawi wae jokua uyapo reta wae re,” jei.

Guaraní Pe (Western): Simba

² Jáeramo nemee mbae iparavete vae reta pe yave, agüɨye iyapo upurumbɨtavɨ vae reta uyapo rami. Echa'ã jae reta omondo jenonde judío reta itupao reta pe jare calle rupi uyemimbɨ vae, ĩru vae reta icavi uyemɨngueta jese vaerã umee mbae iparavete vae reta pe yave. Añete che jae peve, jocua upurumbɨtavɨ vae reta güɨnoita'ã imbaerã jucuarãi uyapo ramo —jei—.

San Mateo 6:2 Iomraidhean Croise

Isaías 10:6

Jokua ɨwɨ pewa reta opa iñakañɨ chewi wae kotɨ amondo aï ɨwɨ Asiria pewa reta. Jokua ɨwɨ pewa reta chembopochɨ; jáeramo amondo aï ɨwɨ Asiria pewa reta upɨ̈ro wɨraa chuwi reta waerä imbaembae. Asiria pewa reta opata oñowa umɨamɨri reta waerä, jare jae reta ipuereta’ä uyerepɨ,” jei Tumpa.

San Mateo 15:7

“Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái:

San Mateo 16:3

Jae ramiño wi amo pe ndimbowe yawe, pere: ‘Ara pochɨta oï kua ara, echa’ä ara pɨ̈ta kawi oï jare ime oï amapɨ̈tu wi,’ pere,” jei. “Pe reta pikuaa kawi pemae ara re këraita oï ara wae. Erëi pemae yawe mbaembae ayapo aï añawe rupi wae re, pikuaa’ä etei mbae ra uipota jei wae,” jei chupe reta.

San Mateo 22:18

Erëi Jesús uikuaa jae reta jaeño uipota tëi uyapo ikawi mbae wae chupe. Jayawe jei chupe reta: “Pe reta ko jae mokui jowa wae reta. ¿Maera pa pipota piyawɨka peï chewe?” jei.

San Mateo 23:5

“Moisés uikuatía wae re oporomboe wae reta jare fariseo reta uyapo yawe mbae, ïru wae reta umae jese waeräño ko uyapo reta. Pe reta pikuaa kawi kua yandereko pe jeta kuimbae reta amo pe uñapɨ̈ti jesɨwa re pëti jɨru mii, jare japɨpe oï amokue Tumpa iñee. Jare jemimonde onoi topea mii reta. Jukuärái uyapo reta imandúa waerä yandeRu Tumpa re,” jei. “Erëi Moisés uikuatía wae re oporomboe wae reta jare fariseo reta uipotaete opaete wae reta wɨrowia waerä tëi kërái uipɨuete ko oï Tumpa wi. Jáeramo jɨru mii oñono reta jesɨwa re wae tuicha ko, jare jukuärái wi jemimonde jopea umbupuku reta,” jei chupe reta.

San Mateo 23:6

“Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

San Mateo 24:51

Jare uiporarakata jokua uyeyokui wae pe, jare omondota iko waerä opaete ïru upurumbɨtawɨ wae reta ndiwe. Joko pe uyaota tëi reta jare jäi umbɨkɨrɨrɨuta reta ikuasɨ katuete ñonoï ramo.” Jukuärái Jesús umɨkɨrëɨ jemimboe reta uäro kawi waerä jae iwäe ara.

San Mateo 5:18

“Che tae pewe añetete wae, ara jare ɨwɨ imeño oï rambuewe, ndarau etei ukañɨ jae reta uikuatía wae wi pëti awe ñee michi mii yepe. Jare jukuäraita oo oï kuri opa uyeyapo rewa Tumpa ipɨayemɨngeta jokua kuatía reta pewarä wae,” jei.

San Mateo 6:16

“Jayawe pe reta piñono tee yawe ara reta pekaru mbae waerä, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyechaka opaete pe iyembaɨ ñonoï wae opaete wae reta uikuaa waerä jae reta ukaru mbae ko ñonoï. Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Mbaetɨ ye ma mbae re Tumpa umɨñatima chupe reta waerä,” jei.

San Mateo 6:3

“Erëi nde nemee yawe mbae ikuasɨ wae reta pe, awɨye tuikuaa kiawe jokua ndiyapo wae rewa.

San Mateo 6:5

“Jare pe reta piyerure yawe Tumpa pe, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyerure yawe Tumpa pe, jekuaeño ikɨrëɨete uyemboɨ reta opaete wae jowake tupao reta pe jare plaza pe uyerure waerä Tumpa pe. Jukuärái uyapo reta ïru wae reta umae kawi jese reta waeräño,” jei. “Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Tumpa ndarau ma umee mbae ikawi wae chupe reta jokua jae reta uyapo wae re,” jei.

San Mateo 7:5

Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

Marcos 12:39

“Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

Marcos 7:6

Jayawe Jesús jei chupe reta: “Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái: ‘Kua reta iyuru wiño ko uipɨu chewi,’ jei Tumpa. ‘Erëi ipɨa pe uipɨu’ä etei chewi reta.

San Lucas 11:41

“Pe reta pipota’ä pekɨa peï Tumpa kotɨ yawe, jayawe pemborɨta ko iparawete wae reta ime penoi wae pɨpe,” jei chupe.

San Lucas 11:43

“Pe fariseo piko wae reta, ¡Tumpa tuicha uiporarakata oï pewe!” jei chupe. “Echa’ä peo yawe tupao pe, jekuaeño pipotaete pewapɨ tenda tenondewa ikawiete wae pe. Jare pewata peï mercado rupi yawe, jekuaeño pipota ïru wae reta uipɨu rewe pembɨsaluda waerä,” jei chupe.

San Lucas 12:33

“Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

San Lucas 12:56

“¡Pearakuaa katu añetete wae nunga! Pikuaa kawi ma peï pemae ara re jare ɨwɨ re këraita oï ara wae. Erëi pemae yawe mbaembae ayapo aï añawe rupi wae re, ¿kërái mbate ra pikuaa’ä mbae ra uipota jei wae?” jei chupe reta.

San Lucas 13:15

Jayawe yandeYa jei chupe: “Pe reta piyemɨngetaiño ko, echa’ä pe retawe piyapo’ä pe pere wae rupi. Echa’ä jekuaeño pe reta piyora peweye jare pemburika peraa waerä pemee jou ɨ mbutuu ara pe.

San Lucas 20:46

“Piyandareko kawi piyé Moisés uikuatía wae re oporomboe wae reta wi,” jei chupe reta. “Echa’ä jae reta jekuaeño uipota uyepɨuka waerä ïru wae reta pe. Jáeramo jekuaeño uyemonde kawi reta uyechaka waerä jae reta ko jae tenondewa reta,” jei. “Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe,” jei. “Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

San Lucas 6:24

Erëi pe pikokatu wae reta, ¡pikuasɨta peï! Añaweño ko piyerowia peï pekorepoti re. Erëi taɨkue rupi mbaetɨ yeta ma oï mbae re piyerowia waerä.

San Lucas 6:42

“Nde ndere: ‘Tëtara, taeki nderesa wi jokua ɨtɨ michi wae,’ ndere. Erëi ¿këraita pa ndepuere ndiyemɨngeta jukuärái nde ime yawe nenoi ɨwɨra puku wae nderesa pe? Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

San Juan 5:41

“Chemaerä, mbae’ä ko kía reta chembutuicha waerä.

San Juan 5:44

“Pe reta pipotaete pe yepái piyembutuichaka waerä. Erëi peka’ä peï Tumpa pembutuichaka waerä. Jare jukuärái yawe, ¿këraita pa pepuere perowia cheré? Ndarau piyapo,” jei chupe reta.

San Juan 7:18

“Kua che jae wae añetete ko. Chapu’ä etei ko aï pewe, echa’ä che aipota ambutuicha chembou wae jee. Erëi jukuärai’ä ko jokua iñee rupii oporomboe wae reta. Jae reta jaeño uipota uyembutuichaka waerä,” jei chupe reta.

Hechos 10:2

Cornelio jare jëta pewa reta uipɨu Tumpa wi, yepe tëi jae reta judío mbae wae reta ko. Jare Cornelio jekuaeño uyerure Tumpa pe, jare jekuaeño omborɨ kawi ikuasɨ wae reta.

Hechos 10:31

“Jare jae chereni jare jei: ‘Cornelio, Tumpa uyapɨsaka ndiyerure chupe wae re, jare uecha wi nemee mbaembae ikuasɨ wae reta pe.

Hechos 10:4

Jayawe Cornelio ukɨye rewe umae ngatu araɨwa re jare upɨrandu chupe: “¿Mbae pa ndeka, mburuwicha?” jei chupe. Jare araɨwa jei chupe: “Tumpa uyerowia umae oï nderé,” jei. “Jae uyandu oï ndiyerure chupe wae re jare uecha oï kërái nemborɨ kawi ikuasɨ wae reta,” jei.

Hechos 11:29

Jayawe jokua uyandu reta yawe, Cristo re wɨrowia wae reta Antioquía pewa uyembɨpɨa’ä hermano reta ɨwɨ Judea pewa reta re. Jáeramo umbɨpɨ umbatɨ reta korepoti omborɨ reta waerä. Pëti pëti wae umee kërái ipuere wae rupi wɨraaka waerä chupe reta.

Hechos 24:17

“Che mbowɨ año ma mbaetɨ aiko cherëta wasu Jerusalén pe. Jáeramo ayu ye, jare aru korepoti amborɨ waerä iparawete wae reta cheɨwɨ pewa. Jae nunga wi aipota tëi mbaemɨmba araa ayuka aiko Tumpa pewarä.

Hechos 9:36

Tëta wasu Jope jee wae pe ime iko pëti kuña Cristo re wɨrowia wae Tabita jee wae. Griego ñee pe jae jee Dorcas. Jae uyapoñoi jeta mbaembae ikawi wae, jare jekuaeño omborɨ iparawete wae reta.

Romanos 12:8

Jare kía pe Tumpa umee ïru wae reta umɨkɨrëɨ waerä jare umbɨarakuaa waerä wae, tumɨkɨrëɨ jare tumbɨarakuaa kawi reta. Jare kía pe Tumpa umee kɨrëɨ yemborɨ umee waerä ïru wae reta pe wae, tumee chupe reta umbɨete mbae rewe. Jare kía pe Tumpa umee ïru hermano reta itenondewarä iko waerä wae, turuwata kawi mii. Jare kía pe Tumpa umee iparawete wae reta omborɨ waerä wae, tomborɨ reta wi uyerowia rewe.

1 Corintios 13:3

Jare aramoi chepuere amee opaete chembaembae reta iparawete wae reta pe amborɨ reta waerä. Jare aramoi cherowaicho reta chepɨsɨ chemombo tata pe cheyuka, che arowia Cristo re ramo. Erëi mbaetɨ apuruau yawe, mbaetɨ etei usiriwe chewe.

Gálatas 2:10

Jaeño jei reta orewe: “Jekuaeño pemandúa mii pemborɨ waerä iparawete wae reta orepɨte pe ñonoï wae,” jei reta orewe. Jare jokua ko jae che chekɨrëɨete ayapo aiko wae. Jukuärái ore ndupɨta.

Efesios 4:28

Imondase wae awɨye ye ma timonda. Añawe Cristo re wɨrowia wae ko; jayawe jukuärái tuiko. Añawe wiwe tuyapo iyupe mbarawɨkɨ ikawi wae ime onoi waerä imbaembaerä jare ipuere wi omborɨ waerä iparawete wae.

1 Tesalonicenses 2:6

Ore ndueka’ä nduiko pe reta jare ïru wae reta piyemɨngeta kawi waerä oreré. Jare yepe tëi Cristo etei oremondo iñee numɨmbeu waerä, jare jukuärái ore orepuere tëi ndoe pewe oremborɨ waerä, erëi nduyapo’ä jukuärái.

1 Timoteo 6:18

Jare ere wi chupe reta uyapo waerä jeta mbaembae ikawi wae, jare jekuaeño umee reta waerä mbaembae onoi wae wi omborɨ waerä uata oï chupe reta wae pe.

Filemón 1:7

Che ayerowiaete aï ndepuruau re jare chepɨakatu aï jese wi. Echa’ä aikuaa nde, chehermano mii, nemɨkɨrëɨ ye ma jeta wae reta Cristo re wɨrowia wae.

Hebreos 13:16

Jare jekuaeño yanemandúa yayapo waerä ikawi wae jare yayemborɨ katu waerä päwe rewe ime ñanoi wae rupi. Echa’ä jukuärái rupi ko yambɨyerowia ñaï wi Tumpa añawe rupi.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!