San Mateo 6:1 - Biblia

¹ Jesús jekuaeño omboe reta kuärái: “Jayawe pe reta piyapo yawe ikawi wae pembɨyerowia waerä Tumpa, awɨye piyapo opaete wae jowake umae waerä peré. Echa’ä jukuärái piyapo yawe, peRu ara pe oï wae ndarau ma umee pewe mbae ikawi wae jokua piyapo wae re,” jei.

Guaraní Pe (Western): Simba

¹ Jupi vae piyapo yave, agüɨye piyapo opaete vae jovaque jae reta uecha vaeraño. Echa'ã piyapo yave opaete vae jovaque, peRu ara pe oĩ vae ndarau umee peve mbae jocua jupi vae piyapo vae jeco pegua —jei—.

San Mateo 6:1 Iomraidhean Croise

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 16:6

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare saduceo reta ilevadura wi,” jei chupe reta.

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 23:5

“Moisés uikuatía wae re oporomboe wae reta jare fariseo reta uyapo yawe mbae, ïru wae reta umae jese waeräño ko uyapo reta. Pe reta pikuaa kawi kua yandereko pe jeta kuimbae reta amo pe uñapɨ̈ti jesɨwa re pëti jɨru mii, jare japɨpe oï amokue Tumpa iñee. Jare jemimonde onoi topea mii reta. Jukuärái uyapo reta imandúa waerä yandeRu Tumpa re,” jei. “Erëi Moisés uikuatía wae re oporomboe wae reta jare fariseo reta uipotaete opaete wae reta wɨrowia waerä tëi kërái uipɨuete ko oï Tumpa wi. Jáeramo jɨru mii oñono reta jesɨwa re wae tuicha ko, jare jukuärái wi jemimonde jopea umbupuku reta,” jei chupe reta.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 5:16

“Jukuärái wi pe reta, jokua tembipe rami, jekuaeñota ko pechaka pereko ikawi wae opaete wae jowake jae reta uecha waerä jare umbutuicha waerä peRu ara pe oï wae jee,” jei Jesús chupe reta.

San Mateo 5:46

“Erëi pe reta peau yawe jokua perau wae retaño, ¿jokua re umɨñatimata ra pewe ikawi wae Tumpa? Ndarau. Echa’ä mburuwicha pewarä okowara wae reta uyapo wi jukuärái,” jei chupe reta.

San Mateo 5:48

“Jayawe opaete kua mbaembae reta rupi pereko imeta ko oï wi peRu ara pe oï wae jeko jupi wae rami,” jei Jesús chupe reta.

San Mateo 6:16

“Jayawe pe reta piñono tee yawe ara reta pekaru mbae waerä, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyechaka opaete pe iyembaɨ ñonoï wae opaete wae reta uikuaa waerä jae reta ukaru mbae ko ñonoï. Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Mbaetɨ ye ma mbae re Tumpa umɨñatima chupe reta waerä,” jei.

San Mateo 6:9

“Jayawe pe reta piyerure yawe Tumpa pe, piyerureta ko kuärái: ‘OreRu mii ara pe neï wae, nderee tuñeñono tee opaete ïru tee reta wi.

Marcos 8:15

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare Herodes ilevadura wi,” jei chupe reta.

San Lucas 11:35

“Jáeramo pe reta piyandareko kawi piyé, awɨye waerä pepɨayemɨngeta rupi pepɨta pɨ̈tumimbi pe,” jei chupe reta.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 12:15

Jayawe Jesús jei opaete wae pe: “Piyandareko kawi piyé awɨye waerä jeta mbaembae pipotaete. Jeta wae reta wɨrowia tëi jeta mbaembae onoi yawe, jekowe ikawita oï. Erëi jukuärai’ä ko,” jei chupe reta.

San Lucas 16:15

Jayawe Jesús jei chupe reta: “Pe reta piyembujupi tëi ïru wae reta jowake. Erëi Tumpa uikuaa jokua pepɨa pe oï wae, jare kachi oï chupe. Echa’ä mbaembae ɨwɨ pewa reta umbutuicha wae, Tumpa pewarä ikawi’ä etei ko,” jei chupe reta.

San Juan 12:43

Jáeramo umɨmbeu’ä reta kía pe awe wɨrowia reta Jesús re wae. Añetete jae reta uipotaete umbɨyerowia japicha retaño Tumpa wi etei.

San Juan 5:44

“Pe reta pipotaete pe yepái piyembutuichaka waerä. Erëi peka’ä peï Tumpa pembutuichaka waerä. Jare jukuärái yawe, ¿këraita pa pepuere perowia cheré? Ndarau piyapo,” jei chupe reta.

Hechos 3:12

Jare Pedro uecha reta yawe, omoë iñee chupe reta jei rewe: “Pe cherëtara Israel pewa reta, ¿maera pa pepɨakañɨ kua pecha wae re? ¿Maera pa täta pemae peï oreré?” jei. “Pepɨa pe piyemɨngeta ko aipo peï ore etei numbɨwataka kua kuimbae orembaepuere rupii, ani aramoi Tumpa pe nduyeyokui kawiñoi ramo. Erëi jukuärai’ä etei ko,” jei.

Gálatas 6:12

Jokua imeta ko piyembɨcircuncidaka jei pewe reta wae jaeño uyembɨpɨa’ä ñonoï mbaembae uyekuaa wae reño. Añetete, jae reta jaeño uipota’ä ïru judío reta uiporaraka waerä chupe reta. Echa’ä jukuärái uyeyapota oï chupe reta jae reta jei yawe: “Cristo umano kurusu re wae rupiño ko yandepuere ñanoi tekowe opa mbae wae.”

Hebreos 11:26

Echa’ä Moisés wɨrowia Upuruepɨ wae outa iko wae re. Jare chupe waerä ikawiete ko uiporara waerä jokua jae wɨrowia wae re opaete mbaembae ikawi wae ɨwɨ Egipto pe ime tëi oï wae wi. Echa’ä jae wɨrowia Tumpa jetaete ye umɨñatimata iko chupe jokua re.

Hebreos 2:1

Jayawe opaete kua mbaembae añetete ko. Jáeramo imeta ko yaipɨsɨ kawi yandeyupe jokua ñee yayandu Tumpa Taɨ rewa wae, awɨye waerä yapia Tumpa jape wi.

Hebreos 6:10

Echa’ä Tumpa jupi wae ko. Jare jae ndarau etei iñakañɨ oï jokua mbaembae piyapo chupe wae wi jare kërái jeta ma pemborɨ ïru hermano Cristo re wɨrowia wae reta. Echa’ä pemborɨ yawe ïru hermano reta, jukuärái uyekuaata peau ko peï Tumpa, jare jae ndarau iñakañɨ oï jokua wi.

2 Juan 1:8

Jáeramo pe reta piyandareko kawi piyé awɨye waerä piyembɨtawɨka chupe reta. Echa’ä pe reta peparawɨkɨ ma täta Tumpa pewarä, jare che aipota’ä pemɨkañɨ waerä peyuwi Tumpa umɨñatimata oï pewe wae. Che aipota penoi waerä opaetei jokua reta.