San Mateo 5:9 - Biblia

⁹ Jare uyekoueteta ñonoï wi jokua upurumbɨpɨakatu wae reta. Echa’ä Tumpa jeita chupe reta: ‘Cheraɨ jare cherayɨ reta.’

Guaraní Pe (Western): Simba

⁹ Tuyerovia ĩru vae reta umbɨpɨacatu vae reta. Echa'ã Tumpa jeita chupe reta: ‘Pe co jae cheraɨ reta’ —jeita, jei—.

San Mateo 5:9 Iomraidhean Croise

Salmo 34:12

Kía uipota iko yawe ipɨawiwe rewe jare uyekou ara reta re wae,

San Mateo 5:45

“Jukuärái piyapo yawe, piyekuaakata pe reta ko jae peRu ara pe oï wae taɨ reta jare tayɨ reta, echa’ä piyapo peï jae uyapo wae rami,” jei. “Añetete peRu Tumpa jeko kawiete ko, echa’ä jae umee warasɨ jeko kawi wae reta pe jare jeko kachi wae reta pe wi, opaete wae onoi waerä tembipe. Jae ramiño wi jae ombou ama jupi wae reta pe jare jupi mbae wae reta pe wi, jukuärái opaete wae onoi waerä ɨ. Jukuärái ko peRu Tumpa jeko,” jei.

San Mateo 5:48

“Jayawe opaete kua mbaembae reta rupi pereko imeta ko oï wi peRu ara pe oï wae jeko jupi wae rami,” jei Jesús chupe reta.

San Lucas 20:36

Echa’ä jae reta yurekota araɨwa reta rami, jare ndarau ye ma umano reta. Añetete jae reta ikowe ye wae rupi uyekuaata kërái jae reta ko jae Tumpa Taɨ wae,” jei chupe reta.

San Lucas 6:35

“Erëi pe reta imeta ko peau perowaicho reta, jare piyapo ikawi wae chupe reta. Piporuka wi pembaembae chupe reta peäro mbae rewe umɨñatima waerä pewe jokua re,” jei. “Jukuärái piyapo yawe, Tumpa tuicha umɨñatimata oï pewe kuri, jare uyekuaata pe reta ko jae Tumpa imbaepuere tuichaete wae taɨ reta añetete wae,” jei. “Echa’ä Tumpa ipɨakawi oï opaete pewarä, yepe tëi jeta wae reta umee’ä etei yasurupái chupe jare jeko kachi wi.

Hechos 7:26

“Pɨarewe pe Moisés uecha uñeräro ñonoï mokui Israel iñemoñaa reta jae yepái. Jayawe Moisés uipota tëi umbɨpɨakatu reta jare jei chupe reta: “¿Maera pa piyapo peï mbae ikawi mbae wae peyupe? Pëti tëta pewa yepái ko pe reta,’ jei chupe.

Romanos 12:18

Awɨye pembɨpɨ piñee pemoë wɨrae. Pikota ko pepɨakatu rewe pepuere wae rupi opaete wae reta ndiwe.

Romanos 8:14

Añetete ko, Tumpa taɨ añetete wae reta jae ko kía kía Espíritu Santo uparawɨkɨ oï jese wae.

Romanos 8:16

Jare Espíritu Santo etei jekuaeño uikuaaka oï yandewe yandepɨa pe yande ko jae Tumpa taɨ wae.

Romanos 8:19

Jare opaete mbaembae Tumpa uyapo wae uäro ñonoï wi ikɨrëɨete rewe jokua ara. Echa’ä jokua ara Tumpa yandekuaakata oï opaete wae pe yande ko jae Tumpa taɨ reta wae.

1 Corintios 6:6

Erëi pe reta jaeño pipota piñeapo peï piyé. Jare oete ma pe reta piñeapo peï piyé Cristo re wɨrowia mbae wae reta jowai.

2 Corintios 13:11

Jayawe hermano mii reta, kuaño ma aipota pe reta piyapo waerä: Piyerowia jare jekuaeño peka mbae jupi waeño piyapo waerä. Piñemɨkɨrëɨ päwe rewe. Piko kawi pepɨakatu rewe pëti ramiño. Jare Tumpa oïta pe reta ndiwe. Jae ko yanderau jare yanembɨpɨakatu wae.

2 Corintios 5:20

Jáeramo Cristo oremondo jae jee re, jare ore rupi Tumpa umɨñera oï ɨwɨ pewa reta uyeapɨkatu waerä jae ndiwe. Jáeramo ore pumɨñera Cristo jee re pe reta piyeapɨkatu waerä Tumpa ndiwe.

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

Efesios 4:1

Che aï peresorɨru pe ayeyokui yandeYa Jesucristo pe jeko pewa ramo. Mase, yayeyokui Tumpa pe yawe, ipuere ou yandewe jeta yembɨawái reta. Erëi jesewe che aipota pumɨkɨrëɨ mii. Añawe yaikuaa ñaï pëti ramiño ñaï Cristo re ramo, Tumpa uyapo ma jeta mbaembae ikawiete wae yanemaerä. Jáeramo jekuaeño pechaka mii teko kawi, echa’ä jokuaerä ko Tumpa yandeparawo. Piko teko kawi rupi ïru wae reta jowai jae reta ipuere uikuaa waerä pe reta ko jae Tumpa taɨ reta.

Filipenses 4:2

Nde Evodia jare nde Síntique, pe reta mokui rewe pëti ramiño ko peï yandeYa Cristo re. Jáeramo che pumɨñera piyeapɨkatu ye mii waerä pe yepái.

Colosenses 3:13

jare perupɨa peyupe. Jare aramoi ime tëi mbae re pepuere piyengeta peyupe wae, erëi awɨye pemandúa peyupe jokua re. Pikuaa kawi peï yandeYa imandua’ä ma pewe mbaembae kachi piyapo wae re; jáeramo pe reta wi awɨyeta ko pemandúa peyupe wi.

Hebreos 12:14

Peka kërái piko kawi waerä opaete wae ndiwe. Jare piñeñono tee Tumpa pewaräño. Echa’ä kía uñeñono tee’ä chupe yawe, ndarau uecha yandeYa.