San Mateo 5:8 - Biblia

⁸ Jare uyekoueteta ñonoï wi jokua ipɨa ikɨa mbae ñonoï Tumpa kotɨ wae reta. Echa’ä jae reta uechata oï Tumpa.

Guaraní Pe (Western): Simba

⁸ Tuyerovia ipɨa iquɨa mbae vae reta. Echa'ã uechata reta Tumpa —jei—.

San Mateo 5:8 Iomraidhean Croise

Hechos 15:9

“Añetete Tumpa oyowake rupi umae jese reta jare yanderé wi. Echa’ä jae reta wɨrowia yawe jese, Tumpa opa ma oyoe ipɨa,” jei.

1 Corintios 13:12

Jae ramiño wi añawe rupi yandearakuaa Tumpa pewa uata oï kërái pëti sambiaɨ ndei iyarakuaa rami. Yande ko jae kía umae oï iyé pëti yechaka jäwe oï wae pɨpe wae rami. Erëi pëti ara, jokua jupiete ye wae ou ma uwäe yawe, yandearakuaa ikota jupi rupi kërái yande reta ñamae koiño kía re rami. Jare jayawe ramo yaikuaa kawita Tumpa kërái jae yandekuaa kawi wae rami. Jare jokua ara wiwe ndarau ma yaiporu mbaepuere reta Tumpa añawe umee yandewe wae.

2 Corintios 7:1

Opaete kua mbaembae Tumpa uikuaaka ma yandewe jae uyapota oï. Jáeramo cheïru puau mii wae reta, yamombota ko yandeyuwi ipotawe mbae yandererukachi Tumpa kotɨ wae – jae ko mbae ikawi mbae yayapo yandepɨa pe wae jare yanderete pe wi. Yandereko toya katu too jupi wae re Tumpa wi yaipɨu ramo.

Tito 1:15

Echa’ä kía wɨrowia Cristo re wae ikɨa’ä ma oï Tumpa kotɨ. Erëi kía Tumpa kotɨ ikɨa oï wae ndarau ipuere ikɨa mbae oï jokua oporomboeraanga wae reta jei wae rupi. Ipɨayemɨngeta etei ikumewa. Jare ɨma rupi ipɨatäta ramo, ipɨa umbɨjeko’ä ma mbae kachi uyapo wae re.

Hebreos 10:22

Cristo opa ma yandepɨa oyoe awɨye waerä yandepɨa jekuaeño yanembɨjeko mbaembae kachi yayapo wae re. Jare kërái sacerdote reta jete oyoe ipuere waerä uyeyokui Tumpa pe rami, jukuärái wi Cristo opa yandepɨayoe Tumpa kotɨ ɨ jesäka kawi wae pe rami ko. Jáeramo Cristo opa ma uyapo yandewe kua mbaembae reta ramo, yaya mii Tumpa re yandepɨa añetete rewe jare yarowia katu rewe.

Hebreos 12:14

Peka kërái piko kawi waerä opaete wae ndiwe. Jare piñeñono tee Tumpa pewaräño. Echa’ä kía uñeñono tee’ä chupe yawe, ndarau uecha yandeYa.

Hebreos 9:14

Erëi Cristo juwɨ ikawiete ye ko mbaemɨmba reta juwɨ wi. Echa’ä mbaemɨmba juwɨ jare ipotawe ïru mbae uyapo reta tëi wae ipuere’ä yandepɨayoe añetete rewe. Erëi Jesucristo juwɨ opa oyoe yandepɨa yanembɨjekose wae wi, jukuärái yandepuere waerä yayeyokui Tumpa ikoño mái wae pe. Echa’ä Cristo jeko mbaei ko jare uñemee umano waerä yanderé Espíritu Santo ikoño mái wae imbaepuere rupi.

Santiago 3:17

Erëi arakuaa Tumpa wi ou wae jupi ko. Jare jokua arakuaa ñanoi yawe, yaikota yandepɨakatu rewe jare yandepɨawasu rewe. Ndarau yayembutuicha. Yaipararekota yanderapicha. Yandepɨakawita, jare yayapota mbae ikawi wae. Jare ñamaeta oyowake rupi opaete wae re, jare ndarau mokui towa yaiko.

Santiago 4:8

Piñemɨïru Tumpa ndiwe, jare jae uñemɨïruta pe ndiwe. Erëi pe piyawɨ peï Tumpa kotɨ wae reta, awɨye ma piko jukuärái. Pe reta pipota tëi piyeyokui Tumpa pe, erëi jae nunga wi pipota piko mbaembae ɨwɨ pewa reño. Jayawe pemombo peyuwi pepɨayemɨngeta kachi pepɨa pe oï wae jare piñono pepɨa Tumpa reño.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

Apocalipsis 22:4

Jae reta uechata Tumpa jowa etei jare onoita reta Tumpa jee jesɨwa re.