San Mateo 5:4 - Biblia

⁴ Jare uyekoueteta ñonoï wi ipɨatɨtɨ wae reta. Echa’ä Tumpa umbɨpɨakatuta oï reta kuri.

Guaraní Pe (Western): Simba

⁴ Tuyerovia ipɨatɨtɨ vae reta. Echa'ã Tumpa umbɨpɨacatuta reta —jei—.

San Mateo 5:4 Iomraidhean Croise

San Lucas 16:25

“Erëi Abraham jei chupe: ‘Tëtara, nemandúa kërái ɨwɨ pe ndikose yawe, ndiyekouse jeta mbaembae ikawi wae re. Erëi Lázaro parawete uiporarase. Erëi añawe jae ipɨakatu oï kua pe, jare nde añawe ndiporara neï,’ jei chupe.

San Lucas 6:21

Jare pe añawe rupi piyembaɨ peï wae reta, piyekoueteta peï kuri. Echa’ä peangapɨɨta peï kuri. Jare pe añawe rupi piyao peï wae reta, piyekoueteta peï kuri. Echa’ä pepukata peï kuri.

San Lucas 6:25

Jare pe añawe rupi peangapɨɨ kawi peï wae reta, ¡pikuasɨ parawete! Echa’ä uwäeta oï kuri ara piyembaɨ waerä. Jare pe añawe rupi pepuka jare perorɨkatu peï wae reta, ¡pikuasɨ parawete! Echa’ä uwäeta oï kuri ara pepɨatɨtɨ waerä jare piyao waerä.

San Lucas 7:38

Jayawe kuña oo uwapɨchuku Jesús iyɨpɨ pe jare umbɨpɨ jesaɨ oë. Jare jesaɨ pe umäkɨ Jesús ipɨ chuwi. Joko wi umɨtini Jesús ipɨ ía pɨpe. Jare uyurupɨte Jesús ipɨ jare uipichɨ ipɨ re jokua mbae utimbo kawi wae pɨpe.

San Lucas 7:50

Erëi Jesús jei kuña pe: “Yepe tëi jeta ndiyawɨ, erëi Tumpa nderepɨ ma chuwi cheré nderowia ramo. Ekua ndepɨakatu rewe,” jei chupe.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

Apocalipsis 21:4

“Jare Tumpa oyoeta opaete jae reta jesaɨ. Ndarau ye ma kía umano, jare ipɨatɨtɨ, jare uyao. Jare ndarau ye ma jasɨ kía pe mbae. Echa’ä añawe opa ma mbaembae ipɨau. Jare ndarau ye ma uyekuaa tenonde mbaembae ime iko wae reta,” jei.