San Mateo 4:4 - Biblia

⁴ Erëi Jesús jei chupe: “Ndarau ayapo. Echa’ä Tumpa iñeerɨru pe uyekuatía oï kuärái: ‘Ndarau kiawe iko tembiu reño. Echa’ä tembiu ndarau umee chupe reta tekowe opa mbae wae. Imeta ko iko reta wi Tumpa jei wae re.’ Jukuärái uyekuatía oï,” jei chupe.

Guaraní Pe (Western): Simba

⁴ Ẽrei Jesús jei chupe: —Tumpa iñee pe uyecuatía oĩ cuarãi: ‘Icavi co ɨvɨ pegua reta jou vaerã mbɨyape güɨnoi vaerã tecove. Ẽrei icavi ete co uyapɨsaca vaerã Tumpa iñee re jare uyapo vaerã jei vae güɨnoi vaerã tecove opa mbae vae.’ Jucuarãi uyecuatía oĩ —jei.

San Mateo 4:4 Iomraidhean Croise

Éxodo 16:15

Jokua uecha yawe, Israel iñemoñaa reta uikuaa’ä, jare upɨrandu reta iyupe: “¿Mbae ra ko kua?” jei reta iyupe. Jayawe Moisés jei chupe reta: “Kua ko jae mbɨyape Tumpa umee pewe perembiurä wae,” jei.

Éxodo 16:35

Joko wiwe cuarenta año rupi maná iko Israel iñemoñaa reta jembiurä, yuraa uwäe reta ɨwɨ Canaán pe rewa. Joko pe ime iko mbaewɨye jae reta jou waerä.

Éxodo 16:8

Moisés jei wi chupe reta: “Tumpa etei ko umeeta pewe soo peu waerä kaaru rupi. Jare ndimbowe rupi jae umeeta pewe jeta mbɨyape pepunga rewa. Echa’ä jae uyandu ma piyengeta ikotɨ wae. Añetete pe reta piyengeta orekotɨ yawe, Tumpa kotɨ etei ko piyengeta peï,” jei chupe reta.

San Mateo 15:11

“Ipotawe mbae kía jou wae ndarau uyapo ikɨa Tumpa kotɨ. Erëi ikawi mbae wae jei wae, jokua ko uyapo ikɨa Tumpa kotɨ,” jei chupe reta.

San Mateo 4:10

Jayawe Jesús jei chupe: “Esɨrɨ chewi, Satanás. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei chupe.

San Mateo 4:7

Jayawe Jesús jei chupe: “Ndarau ayapo. Echa’ä Tumpa iñeerɨru pe uyekuatía oï wi kuärái: ‘Awɨye pemboporowaiño peYa Tumpa imbaepuere,’ jei,” jei chupe.

Marcos 7:20

Jare Jesús jei wi: “Erëi mbae ikawi mbae wae piyapo wae jare pere wae, jokua oë pepɨa wi. Jare jokua ko peapo ikɨa Tumpa kotɨ.

San Lucas 4:12

Jayawe Jesús jei chupe: “Ndarau ayapo. Echa’ä Tumpa iñeerɨru pe uyekuatía oï wi kuärái: ‘Awɨye pemboporowaiño peYa Tumpa imbaepuere,’ jei,” jei chupe.

San Lucas 4:4

Erëi Jesús jei chupe: “Ndarau ayapo. Echa’ä Tumpa iñeerɨru pe uyekuatía oï kuärái: ‘Ndarau kiawe iko tembiu reño. Echa’ä tembiu ndarau umee chupe reta tekowe opa mbae wae. Imeta ko iko reta wi Tumpa jei wae re.’ Jukuärái uyekuatía oï,” jei chupe.

San Lucas 4:8

Jayawe Jesús jei chupe: “Ndarau etei ayapo. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei Jesús chupe.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 6:63

“Jare jokua ara che a ye yawe, ¿këraita pa penoi tekowe opa mbae wae pe retaiño? Ndarau pepuere, echa’ä jaeño Tumpa iEspíritu umee kua nunga tekowe. Jare kua chiñee mii reta ou ko Espíritu Santo wi jare ueru tekowe opa mbae wae.

Romanos 15:4

Kua jare opaete ïru tenonde Tumpa iñeerɨru pe uyekuatía oï wae uyekuatía ko yanemboe kawi waerä. Tumpa iñee ñanemɨkɨrëɨ yandepuere waerä ñaäro yandepɨawasu rewe Tumpa jei yandewe wae.

Efesios 6:17

Jare jekuaeño pemandúa Tumpa yanderepɨ ma ko teko yareko ikotɨ wae wi. Echa’ä jokua ko jae yanemaerä pëti äka jɨru jiero pewa rami. Jukuärái ndarau ñanemɨamɨri yandepɨayemɨngeta rupi. Jare Tumpa umee wi yandewe Espíritu Santo rupi pëti kɨsepuku ñeräro pewa rami. Jokua ko jae Tumpa iñee etei piyerepɨ waerä pɨpe Añawasu wi.