San Mateo 4:3 - Biblia

³ Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Guaraní Pe (Western): Simba

³ Jayave aña guasu umɨngueta uyavɨca vaerã tẽi chupe. —Nde co jae Tumpa Taɨ yave, ere cua ita reta pe uyeyapo vaerã mbɨyaperã —jei.

San Mateo 4:3 Iomraidhean Croise

Éxodo 16:3

“¡Ikawita tëi ko ndupɨtaño waerä ɨwɨ Egipto pe!” jei reta. “¡Ikawita tëi ko Tumpa upɨ̈ro waerä orerekowe ɨwɨ Egipto pe! Erëi pe reta orereru kua ɨwɨtini wasu pe orerowaruru numano waerä. Erëi ɨwɨ Egipto pe uata’ä etei iko orewe orerembiurä,” jei reta Moisés jare Aarón pe.

San Mateo 14:33

Jare Jesús jemimboe chalana pe ñonoï wae reta umbutuicha Jesús. “Añetete yepe nde ko jae Tumpa Taɨ,” jei reta chupe.

San Mateo 16:16

Jayawe Simón Pedro jei chupe: “Nde ko jae Cristo ndoe chupe wae. Nde ko jae Tumpa ikoño mái wae Taɨ,” jei chupe.

San Mateo 26:63

Erëi Jesús kïiño. Jayawe sacerdote tenondewaete jei chupe: “Emɨmbeu orewe Tumpa ikoño mái wae jowake, ¿nde pa ko jae Cristo yae chupe wae? ¿Nde pa ko jae Tumpa Taɨ?” jei chupe.

San Mateo 3:17

Jare uyendu ñee ara wi jei kuärái: “Kua ko jae cheRaɨ auete wae. Jae chembɨyerowiaete oï,” jei.

Marcos 1:1

Kua wiwe uyembɨpɨ ñee ikawi wae Tumpa Taɨ Jesucristo rewa.

Marcos 3:11

Jare aña uyembɨiya jese wae reta joko pe ñonoï wi. Jare jae reta uecha yawe Jesús, opa oa reta ɨwɨ re jae jowai, jare iñeeäta rewe jei reta chupe: “Nde ko jae Tumpa Taɨ,” jei reta.

Marcos 5:7

Jayawe Jesús jei aña pe: “Nde aña, eë kua kuimbae wi,” jei chupe. Jayawe kuimbae jei Jesús pe iñeeäta rewe: “Jesús, Tumpa imbaepuere tuichaete wae Taɨ, ¿mbae pa ndeyu ndeka kua pe? Ere chewe Tumpa jowake awɨye waerä ndiporaraka chewe,” jei chupe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 22:70

Jayawe opaete jae reta upɨrandu chupe: “Jayawe, ¿nde pa ko jae Tumpa Taɨ?” jei reta. Jayawe Jesús jei chupe reta: “Pe reta pere rami jae ko che,” jei chupe reta.

San Lucas 4:3

Jayawe Añawasu jei chupe: “Nde ko jae Tumpa Taɨ yawe, yaecha ere kua ita pe tuyeyapo ndewe mbɨyaperä,” jei chupe.

San Lucas 4:41

Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.

San Lucas 4:9

Jayawe Añawasu wɨraa Jesús Jerusalén pe, jare uyupi reta yuraa ɨwatete ye tupao wasu iyapɨte re. Jare joko pe Añawasu jei Jesús pe: “Nde ko jae Tumpa Taɨ yawe, yaecha iyeritɨ kua wi.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 9:35

Jayawe jeräkua Jesús pe judío itenondewa reta omombo ma jokua kuimbae. Jáeramo Jesús oo ueka jokua kuimbae. Jare owäiti ma yawe, upɨrandu chupe: “¿Nde nderowia pa kuimbaerä ayeyapo wae re?” jei chupe.

Hechos 9:20

Jare jupiwoiño umbɨpɨ umɨmbeu judío reta pe tupao reta rupi Jesús rewa. Jare jei chupe reta: “Jesús ko jae Tumpa Taɨ,” jei.

Gálatas 2:20

Echa’ä che arowia Cristo re ramo, cherekowe indechikue umano rami jokua kurusu re Cristo ndiwe. Jare ndarau ye ma aiko tenonde aiko rami, echa’ä añawe Cristo oï ma chepɨa pe. Jare añawe imeño cherekowe aï rambuewe, jekuaeño arowiata Tumpa Taɨ re. Echa’ä jae cherau jare uñemee umano waerä cheré.

1 Tesalonicenses 3:5

Jokua jeko pewa che amondo Timoteo pepɨ. Che parawete chepuere’ä arupɨa aikuaa’ä kërái ra peï ramo. Jare aipota aikuaa aiko imeño ra perowia peï Cristo re wae. Che jae tëi aiko: “¿Ipuereta ra Añawasu mbae uyapo jae reta uyerowa waerä Tumpa wi?” Jukuärái jae aiko. Arowia tëi aiko aramoi jokua täta rupi nduparawɨkɨ pepɨte pe wae usiriwe’ä maeräwe.

Hebreos 12:16

Jare awɨye piyapo awasa. Awɨye wi piko Esaú iko wae rami. Echa’ä jae uipɨu’ä Tumpa wi jare mbaembae Tumpa pewa wi. Echa’ä jokua taɨrɨpɨyekou Tumpa umeeta tëi iko chupe wae, Esaú owaka tɨwɨ pe tembiu reño.

Hebreos 4:14

Erëi yande ime ma ñanoi pëti sacerdote tenondewaete – jae ko Jesús, Tumpa Taɨ etei. Jae oo ma ara pe etei yandeRu Tumpa jowai jare joko pe jae uyerure oï yanderé. Jáeramo jekuaeñota ko yarowia kawi jese.

Hebreos 7:3

Kua kuimbae Melquisedec, yaikuaa’ä kía ra jae tu jare ichɨ wae. Yaikuaa’ä wi kía iñemoñaa pewa reta ra ko jae wae. Jare yaikuaa’ä wi kërái yawe ra oa, jare kërái yawe ra umano wae. Jáeramo Melquisedec yandepuere yambɨjaanga Tumpa Taɨ re, echa’ä jae ko pëti sacerdote ikoño mái iko wae rami.

1 Juan 3:8

Erëi ime kía Tumpa jei wae jekuaeño uyawɨ wae, jae Añawasu pewa ko. Echa’ä Añawasu iyɨpɨ wiwe uyawɨño mái Tumpa kotɨ. Erëi Tumpa Taɨ uyeyapo kuimbaerä opa umbái waerä Añawasu iparawɨkɨ.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.