San Mateo 3:7 - Biblia

⁷ Pëti ara jeta fariseo reta jare saduceo reta wi yuweru Juan oï wae pe, echa’ä jae reta uipota tëi uyembɨsakambuka ɨ pe. Erëi Juan uecha reta yawe, jei chupe reta: “¡Pe reta ko jae upurumbɨtawɨ wae reta!” jei chupe reta. “¿Këraita pa añawe pipota peoyepe waerä Tumpa iarasɨ wasu oata oï peré wae wi?” jei chupe reta.

Guaraní Pe (Western): Simba

⁷ Jare jeta fariseo reta jare saduceo reta yugüeru Juan oĩ vae pe, jae umbɨbautiza vaerã. Jare Juan uecha reta yave, jei chupe reta: —Pe reta co jae mboi reta rami. ¿Quía pa umɨmbeu peve piyerova vaerã Tumpa cotɨ agüɨye vaerã Tumpa uiporaraca peve?

San Mateo 3:7 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Mateo 12:24

Jare fariseo reta kua uyandu yawe, jei reta iyupe: “Añawasu imbaepuere rupi ko kua kuimbae omoë oï aña reta kuimbae reta wi,” jei tëi reta.

San Mateo 12:34

“¿Këraita ra jayawe pe pepurumbɨtawɨ wae reta pepuere pemoë ñee ikawi wae? Ndarau pepuere, echa’ä pepɨa kachi oï. Yande pëti pëti wae yandepɨa pe oï wae rupi ko yayemɨngeta,” jei.

San Mateo 15:12

Jayawe Jesús jemimboe reta yuweru jei chupe: “¿Ndikuaa pa fariseo reta umbɨarasɨ jokua nde ndere wae?” jei reta.

San Mateo 16:1

Jayawe yuweru amokue fariseo reta jare saduceo reta Jesús oï wae pe, jare jei reta chupe: “Añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta.

San Mateo 16:6

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare saduceo reta ilevadura wi,” jei chupe reta.

San Mateo 22:15

Jayawe kua jaɨkue rupi fariseo reta uyembatɨ, jare uyemboemboe kërái uyawɨka reta waerä tëi Jesús pe iñee rupi umbɨjeko reta waerä.

San Mateo 22:23

Jare jokua ara etei yuweru Jesús oï wae pe amokue mburuwicha reta, saduceo jei chupe reta wae. Opaete saduceo reta jei tëi umanokue wae reta ndarau ma ikowe ye. Jayawe yuweru wae reta jei Jesús pe:

San Mateo 22:34

Jayawe fariseo reta uikuaa yawe Jesús opa umɨkïi oñono saduceo reta, uyembatɨ amokue fariseo reta Jesús oï wae pe.

San Mateo 23:33

“¡Pe reta ko jae upurumbɨtawɨ wae reta! ¡Jukuärái iko peramɨkue reta, jare jukuärái wi ko pe reta! ¿Këraita ra pepuere peoyepe Tumpa iarasɨ wi jare Tatawasurenda wi?” jei chupe reta.

San Mateo 5:20

“Moisés uikuatía wae re oporomboe wae reta jare fariseo reta uyapo kawi tëi jupi wae. Erëi che tae pewe, pe reta mbaetɨ jupiete peï yawe jae reta wi, ndarau etei peï Tumpa ndiwe jae oï ma yawe opaete wae imburuwicha wasurä,” jei Jesús chupe reta.

Marcos 12:13

Joko wi jokua mburuwicha reta ombou Jesús pe amokue fariseo reta jare Herodes imborɨa reta, uyawɨka reta waerä tëi Jesús pe iñee rupi.

Marcos 12:18

Jayawe yuweru Jesús oï wae pe amokue mburuwicha reta, saduceo jei chupe reta wae. Opaete saduceo reta jei tëi umanokue wae reta ndarau ma ikowe ye. Jayawe yuweru wae reta jei Jesús pe:

Marcos 8:15

Jayawe Jesús jei chupe reta umbɨjaanga rewe: “Piyandareko kawi piyé kuri fariseo reta jare Herodes ilevadura wi,” jei chupe reta.

San Lucas 16:14

Jare fariseo reta kua uyandu yawe, oyoyai Jesús. Echa’ä jae reta uipotaete korepoti.

San Lucas 18:11

“Jokua fariseo uyemboɨ jare uyerure uyembutuicha rewe kuärái: ‘Tumpa, amee yasurupái ndewe. Echa’ä che jae’ä ko ïru kuimbae reta rami. Echa’ä che jae’ä ko imonda wae. Ayapo’ä jupi mbae wae. Ayapo’ä awasa. Ayapo’ä wi pea mburuwicha pewarä okowara wae uyapo wae rami.

San Lucas 7:30

“Erëi fariseo reta jare Moisés uikuatía wae re oporomboe wae reta uipota’ä uyembɨsakambuka reta Juan pe. Jare jukuärái jae reta wɨrɨ̈ro ko Tumpa ipɨayemɨngeta jae reta imaerä tëi wae,” jei chupe reta.

San Juan 1:24

Amokue jokua yuweru wae reta fariseo reta ko.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

San Juan 9:40

Jayawe amokue fariseo reta joko pe ñonoï wae kua uyandu yawe, upɨrandu reta Jesús pe: “¿Nde ndere pa neï ore jae nunga wi oreresa’ä noï Tumpa kotɨ?” jei reta chupe.

Hechos 15:5

Erëi amokue fariseo Cristo re wɨrowia wae reta uyemboɨ jare jei chupe reta: “Jokua judío mbae wae reta imeta ko uyembɨcircuncidaka reta, jare yaeta ko chupe reta uyapo waerä Moisés arakae uikuatía wae rupi,” jei reta.

Hechos 20:31

“Jáeramo pemae kawi peyupe,” jei. “Jekuaeño pemandúa jokua mbapɨ año rupi pe ndiwe aiko wae re. Pemandúa kërái ara rupi jare pɨ̈tu rupi cheresaɨ rewe jekuaeño pumbɨarakuaa aiko wae re,” jei chupe reta.

Hechos 26:5

Jae reta uipota yawe, ipuereta tëi chemɨmbeu ndewe kërái che ko jae fariseo wae. Jare ndikuaa neï opaete judío reta ipɨte wi ore fariseo reta nduipotaete nduyapo kawi Moisés arakae uikuatía wae rupi,” jei chupe.

Hechos 5:17

Jayawe sacerdote tenondewaete jare ïru saduceo reta ndiwe uñamɨtäa umae reta Jesús jemimboe tenondewaete reta re.

Romanos 1:18

Erëi Tumpa ara wi uikuaaka oï kërái jae pochɨete oï wɨrowia mbae jese wae reta kotɨ jare mbae ikawi mbae wae uyapo wae reta kotɨ. Jare jupi ko jae kërái uiporaraka chupe reta waerä. Echa’ä yepe tëi jae reta uikuaa añetete wae Tumpa rewa, erëi jae reta jeko kachi rupi oyopia ñonoï jokua arakuaa.

Romanos 5:9

Jayawe jukuärái ko Tumpa yanderauete ye. Erëi ime ye mbae ikawi wae yaikuaa waerä. Yaikuaa ñaï yandeYa Jesús upɨyere juwɨ jare umano yanderé Tumpa ipuere waerä umae yanderé yandereko mbae wae rami. Jare jukuärái yawe, ¿këraita pa Tumpa iarasɨ oata oï yanderé kuri ara taɨkuewa pe? Ndarau etei ma.

1 Tesalonicenses 1:10

Jare imiäri reta orewe wi kërái añawe peäro peï Tumpa Taɨ ou ye waerä ara wi – jae ko Jesús. YandeRu Tumpa umbɨjekowe ye ueru umanokue wae reta ipɨte wi. Jare Jesús ko yanderepɨ Tumpa iarasɨ outa oï wae wi.

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

Hebreos 6:18

Jukuärái Tumpa jei jare jae iyapu’ä etei ko. Jáeramo yandepuere yarowia katu Tumpa uyapo waerä jokua jae jei yandewe wae. Jayawe yande reta Tumpa re ñañepɨ̈ro ñaï wae, kua mbaembae ñanemɨatangätuete jekuaeño ñaäro waerä yarowia katu rewe Tumpa jei wae opaetei.

1 Juan 3:10

Jukuärái ko yandepuere yaikuaa kía ra ko jae Tumpa taɨ reta wae jare kía ra ko jae Añawasu taɨ reta wae. Opaete mbae jupi mbae uyapo wae reta Tumpa pewa’ä ko. Jare jae nunga wi opaete uau’ä japicha wae reta Tumpa pewa’ä ko wi.