San Mateo 3:5 - Biblia

⁵ Jare jeta tëta wasu Jerusalén pewa reta yuraañoi Juan oï wae pe uyapɨsaka reta waerä iñee re. Jare jukuärái wi jeta ɨwɨ Judea pewa reta jare jeta ɨ wasu Jordán iyɨpɨ rupi yureko wae reta.

Guaraní Pe (Western): Simba

⁵ Jare jeta Jerusalén pegua reta jare Judea pegua reta jare jeta tenta ɨãca Jordán iyɨpɨ rupi ñugüɨnoi vae pegua reta yugüɨraa Juan oĩ vae pe.

San Mateo 3:5 Iomraidhean Croise

San Mateo 2:1

Jesús oa ɨwɨ Judea pe tëta wasu raɨ Belén pe. Jare Jesús oa yawe, Herodes iko mburuwicha wasurä opaete ɨwɨ Israel re. Jayawe jokua ara rupi yuweru uwäe kuimbae reta yasɨtata re uyemboe wae reta warasɨ oë wae kotɨ wi tëta wasu Jerusalén pe.

San Mateo 4:25

Jare yuraa Jesús jupie jeta wae reta ɨwɨ Galilea wi, jare ɨwɨ Decápolis jee wae wi, jare Jerusalén wi, jare ɨwɨ Judea wi, jare ɨ wasu Jordán jowaicho wi.

Marcos 1:5

Jare jeta ɨwɨ Judea pewa reta jare tëta wasu Jerusalén pewa reta yuraañoi reta Juan oï wae pe uyapɨsaka reta waerä iñee re. Jare opaete wae jowake uyembeu reta uñemɨmichi rewe kërái Tumpa kotɨ uyawɨ reta wae. Jare uyembeu reta ma yawe, Juan umbɨsakambu reta ɨ wasu Jordán jee wae pe.

San Lucas 16:16

Jayawe Jesús jei wi chupe reta: “Ndei Juan ou mbowe, Moisés jare ïru arakae Tumpa iñee umɨmbeu wae reta uikuatía wae uyemɨmbeu,” jei. “Erëi Juan ou wiwe ñee ikawi wae uyemɨmbeu ma oï kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jeta wae reta uipota Tumpa iko waerä imburuwicha wasurä,” jei.

San Lucas 3:3

Jayawe Juan oo opaete ɨ wasu Jordán iyɨpɨ rupi. Jare umɨmbeu opaete wae pe kuärái: “Piyembɨsakambukata ko ɨ pe pechaka waerä ïru wae reta pe peya ma ko pepɨayemɨngeta jupi mbae wae jare perowia ma ko Tumpa jei wae re. Jare jukuärái piyapo yawe, yepe tëi piyawɨ ma Tumpa kotɨ, erëi Tumpa ndarau imandúa pewe jokua teko penoi wae re.” Jukuärái jei Juan chupe reta.

San Lucas 3:7

Jayawe jeta wae reta yuweru Juan oï wae pe uyembɨsakambuka waerä ɨ pe. Erëi Juan jei chupe reta: “¡Pe reta ko jae upurumbɨtawɨ wae reta!” jei chupe reta. “¿Këraita pa añawe pipota peoyepe waerä Tumpa iarasɨ wasu oata oï peré wae wi?” jei chupe reta.

San Juan 3:23

Jae nunga wi ikotɨ̈a rupi Juan upurumbɨsakambu iko wi ɨwɨ Enón jee wae pe, echa’ä jokoropi tuicha ɨ usɨrɨ oï. Joko wi koiño oï tëta wasu raɨ Salim jee wae. Jare jekuaekuae yuweru Juan oï wae pe jokua ɨwɨ pewa reta uyembɨsakambuka reta waerä ɨ pe.

San Juan 5:35

“Juan ikose pëti mechero jendɨ jare umbɨembipe iko wae rami. Jare pe reta michi pewa miño pipota piyerowia piko jae iñee re.