San Mateo 3:12 - Biblia

¹² “Jae ko kía trigo uipoo wae rami. Echa’ä trigo uipoo wae umbɨwewe trigo ɨtɨ ikotɨ̈a oo waerä chuwi, jare joko wi umbɨru trigo jɨru pe. Jae ramiño wi jokua outa oï wae umbɨsɨrɨta jupi wae reta jupi mbae wae reta wi,” jei chupe reta. “Jare kërái trigo uipoo wae uapɨ chuwi ɨtɨ tata pe, jukuärái wi jokua outa oï wae uiporarakata jupi mbae wae reta pe tata owe mbae wae pe.” Jukuärái Juan jei fariseo jare saduceo reta pe.

Guaraní Pe (Western): Simba

¹² Jae co trigo uipoo vae rami. Echa'ã trigo uipoo vae umbɨveve trigo uequi vaerã ɨtɨ. Jayave uñuvatu trigo jɨru pe. Ẽrei uapɨ ɨtɨ tata pe. Tata Cristo uiporuta vae opa mbae vae co —jei.

San Mateo 3:12 Iomraidhean Croise

San Mateo 13:30

‘Tukuakuaa päwe mokui rewe trigo yaipoo rewa. Jare yaipoo yawe, jayawe ramo jaeta uipoo wae reta pe, ‘Pembatɨ rani kapii jare piyokua peapɨ waerä. Erëi pembatɨ trigo o pe yambɨru yaupi waerä,’ jaeta chupe reta kuri,’ jei koo iya.” Jukuärái Jesús jei chupe reta.

San Mateo 13:41

“Echa’ä che kuimbaerä ayeyapo wae ambouta chearaɨwa reta umbɨsɨrɨ waerä cheré wɨrowia wae reta ipɨte wi opaete kía japicha pe uyawɨka Tumpa kotɨ wae reta jare ikawi mbae wae uyapo wae reta,” jei.

San Mateo 13:42

“Jare joko wi araɨwa reta omombota tata wasu pe kiape uyaota tëi reta jare jäi umbɨkɨrɨrɨuta reta ikuasɨ katuete ñonoï ramo,” jei.

San Mateo 13:43

“Jare jayawe ramo yandeRu Tumpa oïta opaete wae imburuwicha wasurä jaeño mái pewa. Jare jayawe ramo jae imbaepuere jembipete ye wae uyekuaata jokua jupi wae reta re,” jei. “Uipota uikuaa kawi wae, tuyapɨsaka kawi kua chiñee re,” jei Jesús jemimboe reta pe.

San Lucas 3:16

Jáeramo Juan jei chupe reta: “Che pumbɨsakambuño aï ɨ pe. Erëi outa pëti wae imbaepuerete chewi wae. Jare che jupi’ä etei ko ipɨpasa ïcha mii yepe ayora waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

San Lucas 3:17

“Jae ko kía trigo uipoo wae rami. Echa’ä trigo uipoo wae umbɨwewe trigo ɨtɨ ikotɨ̈a oo waerä chuwi, jare joko wi umbɨru trigo jɨru pe. Jae ramiño wi jokua outa oï wae umbɨsɨrɨta jupi wae reta jupi mbae wae reta wi,” jei chupe reta. “Jare kërái trigo uipoo wae uapɨ chuwi ɨtɨ tata pe, jukuärái wi jokua outa oï wae uiporarakata jupi mbae wae reta pe tata owe mbae wae pe,” jei chupe reta.

San Juan 15:2

“Opaete jäka ía mbae oï cheré wae reta, cheRu uyasɨata. Jare opaete jäka ía oï cheré wae reta, cheRu uitɨota jare oyoeta taɨkue rupi ía kawiete waerä,” jei chupe reta.