San Mateo 3:1 - Biblia

¹ Jayawe ɨma ma uasa yawe, pëti kuimbae Juan upurumbɨsakambu wae jei chupe reta wae oo ɨwɨtini wasu pe ɨwɨ Judea pe oï wae. Jare joko pe umɨmbeuñoi opaete yuweru ikotɨ wae reta pe kuärái:

Guaraní Pe (Western): Simba

¹ Jocua ara reta rupi ou Juan ñana Judea pe oĩ vae pe upurumbɨbautiza jare umɨmbeu Tumpa iñee.

San Mateo 3:1 Iomraidhean Croise

San Mateo 11:11

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan upurumbɨsakambu wae wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Mateo 11:7

Jare yuraa ye ma yawe Juan ombou wae reta, Jesús umbɨpɨ uyemɨngeta joko pe ñonoï wae reta pe Juan rewa. Jei chupe reta: “Karamboe peo yawe ɨwɨtini wasu pe piyapɨsaka waerä Juan iñee re, ¿mbae nunga kuimbae peo pecha joko pe? ¿Pecha yerá joko pe pëti kuimbae takuaräsɨ kotɨ kotɨ omɨ oï rami wae? Mbaetɨ. Echa’ä Juan aramoimoiño uyemɨngeta wae’ä ko,” jei.

San Mateo 16:14

Jayawe jae reta jei chupe: “Amokue wae jei nde ko jae Juan upurumbɨsakambuse wae. Jare ïru wae reta jei nde ko jae Tumpa iñee arakae umɨmbeu wae Elías. Jare ïru wae reta jei nde ko jae Jeremías, ani ambɨe kuimbae Tumpa iñee arakae umɨmbeu wae ikowe ye wae,” jei reta.

San Mateo 21:32

echa’ä Juan ou tëi uikuaaka pewe kërái pepuere waerä peï pereko mbae wae rami Tumpa jowai, erëi pe reta perowia’ä jae jei wae. Erëi jeta mburuwicha pewarä okowara wae reta jare kuña jete re umɨngana wae reta wɨrowia. Kua pikuaa kawi peï tëi, erëi pipota’ä ñeño peya pepɨayemɨngeta jupi mbae wae Tumpa rewa. Jekuaeño perowia’ä Juan jei wae re,” jei Jesús chupe reta.

San Mateo 3:8

“Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta.

Marcos 1:15

Jae jeiñoise kuärái: “Uwäe ma ara Tumpa uyapo waerä jae jei uyapota iko wae. Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa iñee ikawi wae re,” jei.

Marcos 1:2

Ime iko arakaete pëti kuimbae Tumpa iñee umɨmbeu wae Isaías jee wae. Jae uikuatía Tumpa iñee kuärái: “YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 7:24

Jare yuraa ye ma yawe Juan ombou wae reta, Jesús umbɨpɨ uyemɨngeta joko pe ñonoï wae reta pe Juan rewa. Jei chupe reta: “Karamboe peo yawe ɨwɨtini wasu pe piyapɨsaka waerä Juan iñee re, ¿mbae nunga kuimbae peo pecha joko pe? ¿Pecha yerá joko pe pëti kuimbae takuaräsɨ kotɨ kotɨ omɨ oï rami wae? Mbaetɨ. Echa’ä Juan aramoimoiño uyemɨngeta wae’ä ko,” jei.