San Mateo 27:2 - Biblia

² Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

Guaraní Pe (Western): Simba

² Jayave uipocua Jesús jare güɨraa mburuvicha guasu Poncio Pilato pe umee.

San Mateo 27:2 Iomraidhean Croise

Génesis 22:9

Jare yuraa uwäe reta yawe jokua ɨwɨtu wasu Tumpa uikuaaka chupe wae pe, joko pe Abraham uyapo pëti mbaerenda ita pewa jare oñono iáramo yepea. Jare Abraham uipokua taɨ Isaac jare oñono mbaerenda iáramo.

San Mateo 20:19

jare joko wi chemeeta reta judío mbae wae reta pe,” jei. “Chemeeta chupe reta jae reta upuka waerä cheré, jare chembɨpiu reta waerä, jare chekutu reta waerä kurusu re amano rewa. Erëitu joko wi mbapɨ ara pe aikowe yeta ayu aï kuri umanokue wae reta ipɨte wi.” Jukuärái jei Jesús jemimboe reta pe.

San Mateo 28:14

“Jare aramoi jeräkua Pilato pe yawe, ore ndoeta chupe kuri pe reta mbaetɨ ko teko penoi. Awɨye piyembɨpɨa’ä kua re,” jei mburuwicha reta sɨndaro reta pe.

San Lucas 13:1

Jayawe amokue joko pe ñonoï wae reta jei Jesús pe: “¿Ndikuaa pa jokua amokue ɨwɨ Galilea pewa reta opa umano tupao wasu pe wae?” jei reta chupe. “Jae reta uyuka jare umee yureko mbaemɨmba Tumpa pe. Jare aramoiño mburuwicha Pilato opa uyukaka reta. Jare jukuärái jae reta juwɨ uyepɨyere jare uyea mbaemɨmba reta juwɨ ndiwe,” jei reta Jesús pe.

San Lucas 20:20

Jayawe jokua mburuwicha reta jekuaeño umae yureko Jesús re, jare omondo wi ïru wae reta uipiäro waerä Jesús. Jae reta uipota tëi umbɨtawɨ Jesús jae wɨrowia waerä jae reta jupi wae ko. Erëitu jae reta jaeño uipota tëi umbɨjeko Jesús jae uyemɨngeta wae rupi, uñeapo reta waerä tëi jese mburuwicha romano pe.

San Lucas 23:1

Jayawe opaete jae reta upüa jare wɨraa Jesús mburuwicha romano Poncio Pilato jee wae jowai.

San Lucas 23:12

Jare jokua ara etei Pilato jare Herodes uyeapɨkatu reta. Echa’ä tenonde yawe uñeamɨtäase reta.

San Lucas 3:1

Jayawe Tiberio quince año ma iko romano reta imburuwicha wasurä yawe, Tumpa umee iñee Juan pe umɨmbeu waerä. Juan ko jae Zacarías taɨ, jare jae iko ɨwɨtini wasu rupi. Jokua ara reta rupi Poncio Pilato iko ɨwɨ Judea pewa reta imburuwicha wasurä. Jare Galilea pewa reta imburuwicha wasurä iko Herodes. Jare Herodes tɨwɨ Felipe jee wae iko ɨwɨ Iturea pewa reta jare ɨwɨ Traconite pewa reta imburuwicha wasurä. Jare Lisanias iko ɨwɨ Abilinia pewa reta imburuwicha wasurä. Jare Anás jare Caifás mokui rewe yureko Israel pewa reta isacerdote tenondewarä.

San Juan 18:12

Jayawe jokua sɨndaro reta itenondewa ndiwe uipɨsɨ reta Jesús jare uñapɨ̈ti reta ipo.

San Juan 18:24

Jayawe Anás omondo Jesús uñeñapɨ̈ti rewe sacerdote tenondewaete Caifás oï wae pe.

San Juan 18:28

Añawe köe ma jare ndimboweasɨ wɨraa reta Jesús Caifás jëta wi mburuwicha Roma pewa jëta wasu pe umbɨyemboɨ reta waerä Jesús jae jowai. Jokua mburuwicha jee Pilato. Erëi jokua judío itenondewa reta uike’ä o pe, echa’ä jokua mburuwicha judío mbae wae ko. Jare jae reta wɨrowia tëi uike reta yawe judío mbae wae jëta pe, upɨtata reta ikɨa rewe Tumpa kotɨ. Jare jukuärái yawe, ndarau ipuere jou reta tembiu pascua pewa. Jáeramo upɨta reta oka pe.

Hechos 12:6

Jare jokua pɨ̈tu ndei Herodes Pedro onoekata iko mbowe, Pedro oke iko peresorɨru pe mokui sɨndaro reta mbɨte pe. Jare jae iko mokui cadena pe jokua sɨndaro reta ipapɨ re. Jare ïru sɨndaro reta uyandareko yureko peresorɨru jöke pe.

Hechos 21:33

Jayawe sɨndaro reta itenondewaete oo uipɨsɨ Pablo chuwi reta jare oyokui isɨndaro reta oñono waerä mokui cadena pe. Joko wi upɨrandu tekorái uyapo wae reta pe: “¿Kía ra ko jae? ¿Mbae ikawi mbae wae ra uyapo?” jei chupe reta.

Hechos 22:25

Erëi sɨndaro reta tɨmasa pɨpe uñapɨ̈ti yawe Pablo umbɨpiu waerä, Pablo jei sɨndaro reta itenondewa joko pe oï wae pe: “¿Jupi ra pembɨpiu waerä pëti romano ndei jae uyemboɨ mbowe mburuwicha reta jowai jei reta waerä jae jeko re?” jei.

Hechos 22:29

Jayawe jokua sɨndaro reta umbɨpiuta tëi yureko reta Pablo wae kua uyandu reta yawe, uyemboɨ chuwi. Jare sɨndaro reta itenondewaete uikuaa yawe Pablo ko jae romano wae, ukɨye, echa’ä tenonde oñonoka ma cadena pe ramo.

Hechos 24:27

Joko wi mokui año ma uasa yawe, kuimbae romano Porcio Festo jee wae ou Félix ipepɨka ɨwɨ Judea imburuwicharä. Erëi Félix oo ye ma iko yawe, ueya Pablo peresorɨru pe umbɨyerowia waerä Pablo jowaicho reta.

Hechos 28:20

“Jayawe che puenika peyu waerä kua pe pepou waerä chepɨ jare yayemɨngeta waerä. Che aipota jae pewe wae ko kua: amokue wae reta cheñonoka kua cadena pe, echa’ä che arowia aï ou ma ko Upuruepɨ wae Tumpa jei ombouta iko yandewe wae,” jei Pablo chupe reta.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.

Hechos 9:2

Jayawe oo ueka tupapire sacerdote tenondewaete pe uikuatía waerä chupe. Echa’ä jokua tupapire Saulo ipuere uechaka pëti pëti tupao reta itenondewa pe. Jukuärái jae reta uikuaata Saulo, jare umeeta chupe mbaepuere uipɨsɨ waerä opaete Cristo re wɨrowia wae reta Damasco pe ñonoï wae reta. Echa’ä Saulo uipota uipɨsɨ ueru ye reta Jerusalén pe – kuimbae reta jare kuña reta wi – uiporaraka waerä chupe reta.

1 Timoteo 6:13

Timoteo, yandeRu Tumpa tekowe iYa ko. Jare jae uikuaa oï opaete mbaembae nde ndiyapo wae. Jare Jesucristo uikuaa wi oï. Jae ko uyembeu kawi kía ko jae wae mburuwicha Poncio Pilato jowai.

2 Timoteo 2:9

Jare jokua ñee ikawi wae amɨmbeu aï jeko pewa, aiporara aï kua peresorɨru pe. Echa’ä cheñono reta cadena pe pëti jeko pochɨ wae rami. Erëitu mbaetɨ kiawe ipuere oñono cadena pe Tumpa iñee oyopia reta waerä.

Hebreos 13:3

Awɨye peakañɨ ïru hermano reta uiporara ñonoï peresorɨru pe wae wi. Pemandúa mii jese reta pe reta joko pe peï jae reta ndiwe rami. Jare awɨye peakañɨ wi jokua uiporara ñonoï Cristo re wɨrowia jeko pewa wae reta wi. Echa’ä pikuaa ko piporarata peï wi aramoi jae reta rami.