San Mateo 26:5 - Biblia

⁵ Jei reta iyupe: “Erëi awɨye yaipɨsɨka kua pascua ara rupi, awɨye waerä tëta wasu pewa reta uyembopochɨ yandekotɨ,” jei reta iyupe.

Guaraní Pe (Western): Simba

⁵ Ẽrei jei reta: —Agüɨye yaipɨsɨ pascua ara rupi, agüɨye vaerã tenta guasu pegua reta uyapo tecorai.

San Mateo 26:5 Iomraidhean Croise

San Mateo 14:5

Jare yepe tëi Herodes uipota uyukaka Juan, erëi uyapo’ä. Echa’ä opaete wae reta wɨrowia Tumpa ko ombou Juan umɨmbeu waerä ñee chuwi etei ou wae. Jare Herodes ukɨye chuwi reta ramo, uyukaka’ä Juan.

San Mateo 21:26

Erëi yae yawe, ‘Kuimbae retaño ko ombou,’ jayawe ipuereta kua uyembatɨ ñonoï wae reta uyembopochɨ yandekotɨ. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

San Mateo 27:24

Jayawe Pilato uikuaa ipuere’ä mbae uyapo ombopoika waerä Jesús, echa’ä judío reta umbɨpɨ ma uyembopochɨ ikotɨ. Jáeramo ueruka ɨ, jare umbɨjaanga rewe uyepoe pɨpe uyembatɨ wae reta jowai jei rewe: “Che mbaetɨ anoi teko kua kuimbae jupi wae imano re. Añawe aeya pepo pe,” jei chupe reta.

Marcos 14:12

Jayawe uwäe ara tenondewa yemɨmandúa mbɨyape levadura mbae pewa jei chupe reta wae. Jare jokua ara judío reta uyukañoi owecha pascua pewa. Jayawe Jesús jemimboe reta upɨrandu chupe: “¿Kiape pa ndipota nduyapo waerä yandewe tembiu pascua pewa?” jei reta chupe.

Marcos 14:2

Jei reta iyupe: “Erëi awɨye yaipɨsɨka kua pascua ara rupi, awɨye waerä tëta wasu pewa reta uyembopochɨ yandekotɨ,” jei reta iyupe.

Marcos 14:27

Jayawe yuraa yureko reta rambuewe, Jesús jei chupe reta: “Tumpa iñeerɨru pe uyekuatía oï kuärái: ‘Ayukata owecha reta iyandarekoa, jare owecha reta opata uñemɨái.’ Jukuärái uyekuatía oï cheré. Jare kua pɨ̈tu woi jokua uyeyapota oï, echa’ä pe reta opata chereya peï,” jei chupe reta.

San Lucas 20:6

Erëi yae yawe, ‘Kuimbae retaño ko ombou,’ jayawe opaete kua pe ñonoï wae reta yandeapita ita pe yandeyukata. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

San Lucas 22:7

Jayawe uwäe ara tenondewa yemɨmandúa mbɨyape levadura mbae pewa jei chupe reta wae. Jare jokua ara judío reta uyukañoi owecha pascua pewa.

San Juan 18:28

Añawe köe ma jare ndimboweasɨ wɨraa reta Jesús Caifás jëta wi mburuwicha Roma pewa jëta wasu pe umbɨyemboɨ reta waerä Jesús jae jowai. Jokua mburuwicha jee Pilato. Erëi jokua judío itenondewa reta uike’ä o pe, echa’ä jokua mburuwicha judío mbae wae ko. Jare jae reta wɨrowia tëi uike reta yawe judío mbae wae jëta pe, upɨtata reta ikɨa rewe Tumpa kotɨ. Jare jukuärái yawe, ndarau ipuere jou reta tembiu pascua pewa. Jáeramo upɨta reta oka pe.

Hechos 19:29

Jayawe tekorái uñemɨái opaete tëta wasu rupi. Jare jeta wae reta osi yuraa uyembatɨ waerä tëta wasu pewa reta iyuwangarenda wasu pe. Jare amokue wae reta uipɨsɨ wɨraa Gayo jare Aristarco. Jae reta ko jae Pablo iwataïru reta ɨwɨ Macedonia pewa.

Hechos 21:38

Jare jei wi chupe: “Arowia aiko tëi nde ko jae jokua kuimbae ɨwɨ Egipto pewa wae karamboe yawe omboemboe irundɨ miri wae reta oyowaicho waerä mburuwicha reta kotɨ wae. Joko wi jae opa wɨraa reta ɨwɨtini wasu pe sɨndaro reta awɨye uipɨsɨ reta waerä,” jei chupe.

Hechos 4:28

“Erëi ore nduikuaa nembaepuere tuichaete ko. Jare jae reta uyapo wae, nde ndere uyeyapo ñotái iko,” jei reta Tumpa pe.