San Mateo 26:4 - Biblia

⁴ Jare uyemboemboe reta kërái ipuere waerä uipɨsɨka tawɨ rupi Jesús uyukaka reta waerä.

Guaraní Pe (Western): Simba

⁴ Jare uyemboemboe reta quirãi ipuere uipɨsɨ vɨari Jesús uyucaca vaerã.

San Mateo 26:4 Iomraidhean Croise

Génesis 3:1

Mboi iyarakuaa katuete opaete ïru mbaemɨmba reta Tumpa ikoño mái wae uyapo wae wi. Jare mboi upɨrandu kuña pe: “¿Añetete yerá Tumpa jei pewe awɨye peu waerä pëti awe ɨwɨra reta ía kua mbaewɨyerenda pewa?” jei chupe.

San Mateo 12:14

Jayawe fariseo reta opa oë joko wi, jare umbɨpɨ uyemboemboe reta kërái rupi ipuere uyukaka waerä Jesús.

San Mateo 23:33

“¡Pe reta ko jae upurumbɨtawɨ wae reta! ¡Jukuärái iko peramɨkue reta, jare jukuärái wi ko pe reta! ¿Këraita ra pepuere peoyepe Tumpa iarasɨ wi jare Tatawasurenda wi?” jei chupe reta.

Marcos 14:1

Mokui araño ma uata iko uwäe waerä pascua ara jare uyembɨpɨ waerä yemɨmandúa mbɨyape levadura mbae pewa jei chupe reta wae. Jare sacerdote itenondewa reta jare Moisés uikuatía wae re oporomboe wae reta ueka yureko kërái ipuere waerä uipɨsɨka tawɨ rupi Jesús uyukaka reta waerä.

San Juan 11:53

Jayawe Caifás jei wae jeko pewa, jokua ara wiwe opaete judío itenondewa reta uyemboemboe kërái Jesús uyukaka waerä.

Hechos 13:10

“Elimas, nde ko jae Añawasu pe ndiyeyokui wae, jare opaete jupi wae jare añetete wae jowaicho ko nde,” jei. “Nde ko jae upurumbɨtawɨ wae jare jupi mbae ndiyapo wae. Nde jekuaeño nembɨyea mbaembae añetete wae Tumpa rewa añetete mbae wae ndiwe,” jei chupe.

Hechos 7:19

“Kua mburuwicha wasu iyarakuaa katuete uyapo waerä mbaembae kachi wae yanderamɨkue reta pe. Jae ueyaka chupe reta isambiaɨ jaeramo oa wae reta umano waerä,” jei Esteban chupe reta.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.