San Mateo 24:3 - Biblia

³ Jayawe Jesús jemimboe reta ndiwe yuraa uyupi reta ñaipe Olivorenda jee wae re, jare Jesús uwapɨ. Jare joko pe jae retaño ñonoï rambuewe, jemimboe reta yuweru oya jese jare jei reta chupe: “Emɨmbeu mii orewe, ¿kërái yawe etei ra uasata kua mbaesusere tupao wasu rewa? Jare ¿këraita pa nduikuaa ndeyu yeta ma neï yawe jare ara iyapɨta ma oï yawe?” jei reta chupe.

Guaraní Pe (Western): Simba

³ Jare Jesús uguapɨ oĩ rambueve ɨvɨtu guasu Olivos re, jemimboe reta yugüeru jae oĩ vae pe jare jei chupe, jae retaño jae ndive ñugüɨnoi yave: —Emɨmbeu oreve, ¿quirãi yave pa cua uyeyapota? Jare ndeyu yeta ma yave, ¿quirãita pa nduicuaa? Jare cua ara reta opata ma yave, ¿quirãita pa nduicuaa? —jei reta.

San Mateo 24:3 Iomraidhean Croise

San Mateo 13:36

Jayawe Jesús usɨrɨ uyembatɨ wae reta wi, jare uike o pe. Jare jemimboe reta yuweru ikotɨ jare jei reta chupe: “Nemɨmbeu orewe nembɨjaanga rewe jokua koo pe kapii trigo echa oï wae rewa. Erëi ore nduepitɨ kawi’ä. Ikuaaka mii orewe mbae ra ko uipota jei,” jei reta.

San Mateo 13:49

“Jare jukuärái rami ko wi uyeyapota oï ara taɨkuewa pe. Echa’ä jokua ara yuweruta araɨwa reta umbɨsɨrɨ waerä mbae ikawi mbae wae uyapo wae reta jupi wae reta ipɨte wi,” jei.

San Mateo 15:12

Jayawe Jesús jemimboe reta yuweru jei chupe: “¿Ndikuaa pa fariseo reta umbɨarasɨ jokua nde ndere wae?” jei reta.

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 16:28

“Che tae pewe añetete wae, amokue pe reta kua pe peï wae ndei pemano mbowe cherechata che kuimbaerä ayeyapo wae ayu ye yawe aiko waerä opaete wae imburuwicha wasurä jaeño mái pewa.” Jukuärái Jesús jei jemimboe reta pe.

San Mateo 17:19

Jayawe kaaru katu mii yawe, Jesús jemimboe reta yuweru Jesús oï wae pe. Jare jae retaño jae ndiwe ñonoï yawe, upɨrandu reta chupe: “¿Maera pa ore orepuere’ä nomoë aña jokua kunumi raɨ wi?” jei reta.

San Mateo 21:1

Koiño tëta wasu Jerusalén wi, ñaipe Olivorenda jee wae jowai, ime oï pëti tëta wasu raɨ Betfagé jee wae. Jayawe Jesús jare jemimboe reta ndiwe yuraa seri ma uwäe reta yawe joko pe, Jesús jei mokui jemimboe reta pe:

San Mateo 24:27

Echa’ä che kuimbaerä ayeyapo wae ayu ye yawe, ayekuaata kërái ama uwera wae uyekuaa opaete ara re wae rami. Echa’ä opaete wae cherechata oï kuri,” jei.

San Mateo 24:30

“Jare jayawe imeta mbae ara re uyekuaa wae. Jokua uikuaakata ɨwɨ pewa reta pe che kuimbaerä ayeyapo wae ayu yeta ma ko. Jayawe opaete ɨwɨ pewa reta tuicha ipɨatɨtɨta ukɨye pɨpei. Jare che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

San Mateo 24:37

“Pikuaa kawi peï kërái yureko ɨwɨ pewa reta arakaete rupi Noé iko rambuewe. Jukuäraiete wi yurekota che kuimbaerä ayeyapo wae ayu ye yawe,” jei.

San Mateo 24:39

“Jare ɨporu wasu ou uwäe yawe, opaetei uyepokouka reta, jare ɨ opa wɨraa reta. Jare jukuärái wi ɨwɨ pewa reta uyepokoukata ñonoï kuri che kuimbaerä ayeyapo wae ayu ye yawe,” jei chupe reta.

San Mateo 24:43

“Che aipota pikuaa kawi waerä kua: pëti tëta iya uikuaa yawe mbae nunga ora etei ra outa imonda wae oñomi waerä chuwi imbaembae, jae ndarau etei oke jare ndarau wi umaeño imonda wae re uike waerä jëta pe,” jei.

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

San Lucas 21:7

Jayawe Jesús jemimboe reta upɨrandu chupe: “Oporomboe wae, ¿kërái yawe etei ra uasata kua mbaesusere tupao wasu rewa? Jare opaete kua uyeyapota ma oï yawe, ¿këraita pa nduikuaa?” jei reta chupe.

Hechos 1:7

Jayawe Jesús jei chupe reta: “Ndarau pepuere pikuaa kërái yawe cheRu jokua uyapota oï wae. Jaeño cheRu jeita jokua re,” jei.

Hebreos 9:26

Jukuärái yawe, jayawe ɨwɨ uyeyapo wiwe jeta wese Cristo umanota tëi. Erëi añawe kua ara taɨkuewa rupi jae uñemee umano waerä pëti weseño jaeño mái pewa opa umbái waerä mbaembae yayawɨ Tumpa kotɨ wae.