San Mateo 22:3 - Biblia

³ Jayawe uwäe ma ara yawe taɨ umenda waerä, mburuwicha wasu omondo uyeyokui chupe wae reta ueni waerä uparea chupe reta wae pe. Erëi jae reta ñatëɨ yuweru,” jei.

Guaraní Pe (Western): Simba

³ Uparea ma amocue vae pe yugüeru vaerã menda pe. Jayave omondo jembiocui reta ueni reta vaerã. Ẽrei jae reta ñatẽɨ yugüeru —jei—.

San Mateo 22:3 Iomraidhean Croise

San Mateo 21:34

“Jayawe uva yawɨye ma yawe, uvarupa iya ombou amokue uyeyokui chupe wae reta uvarupa uiporu wae reta pe ueka waerä tëi chupe reta jae imbae wae.

San Mateo 23:37

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 9:15

Jayawe Jesús jei chupe reta umbɨjaanga rewe: “Uparea reta yawe menda pe, ¿ipɨatɨtɨta yerá joko pe ñonoï wae reta kuimbae umenda wae jae reta ndiwe oï rambuewe? Ndarau etei,” jei chupe reta. “Erëi outa uwäe ara kuimbae umenda wae uyereraa waerä chuwi reta. Jayawe ramo jae reta oñono teeta ara reta ukaru mbae waerä,” jei chupe reta.

San Lucas 13:34

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

San Lucas 15:28

“Jare jokua uyandu yawe, taɨ tenondewa pochɨete, jare uipota’ä uike oo tëta pe. Jáeramo tu oë ou jëta wi jare umɨñera tëi taɨ uike waerä oo ukaru jae reta ndiwe,” jei.

San Lucas 19:27

‘Erëi jokua cherowaicho reta uipota’ä tëi aiko waerä imburuwicharä wae reta, peru kua pe piyuka cherowake,’ jei chupe reta.” Jukuärái jei Jesús chupe reta umbɨjaanga rewe.

San Juan 5:40

Erëi pe reta pipota’ä etei peyu chekotɨ penoi waerä tekowe opa mbae wae,” jei chupe reta.

Hechos 13:45

Erëi amokue judío itenondewa reta uecha yawe jeta wae reta uyapɨsaka ñonoï Pablo iñee re, jae reta uñamɨtäa umae Pablo re jare jei reta: “Kua Pablo jei wae añetete’ä ko,” jei reta. Jare jei reta ïru mbaembae kachi wae Pablo kotɨ.

Romanos 10:21

Erëi Isaías imiäri yawe Israel iñemoñaa reta rewa, jei kuärái: “Tumpa jei ipɨatɨtɨ rewe: ‘Ɨma rupi ma aeni tëi anoi reta uñatima ye chekotɨ waerä. Erëi jae reta jekuaeño uyembowaicho ñonoï chekotɨ, jare uipota’ä etei uyapo reta che jae wae rupi,’ jei Tumpa.” Jukuärái uikuatía Isaías arakae.

Hebreos 12:25

Tumpa pemɨngeta oï. Jayawe piyapɨsaka kawi jese. Pemandúa peï yanderamɨkue reta re. Jae reta täta uiporara uyapɨsaka’ä reta yawe Moisés jei wae re. Erëi oeteta ko yande yayapɨsaka’ä yawe Jesús jei wae re. Echa’ä Moisés kua ɨwɨ pewaño ko, erëi Jesús ko jae ara pewa.

Hebreos 9:15

Jare Cristo kua uyapo ramo, jae ipo pe ma oï uyeyapo kawi waerä yemɨngeta ipɨau wae Tumpa uyapo oï yande ndiwe wae. Jokua ïru yemɨngeta arakae uyapo reta wae ipuere’ä yanemborɨ. Echa’ä jokua yemɨngeta ime wɨreko mbaepuere yanderé yawe, yayawɨñoi Tumpa kotɨ. Jare jokua teko Tumpa kotɨ yareko wae ñaneapɨ̈ti iko rami ko. Erëi añawe Cristo umano ma yanderé opa umbɨepɨ waerä mbaembae yayawɨ wae, jare jukuärái opa ma yandeyora jokua teko wi. Jáeramo añawe yande jae ñanereni wae reta yandepuere ñanoi yanemaerä opa mbaembae ikawi wae Tumpa jei umeeta oï yandewe wae jaeño mái pewa.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.