San Mateo 21:4 - Biblia

⁴ Jayawe opaete kua mbaembae uasa uyeyapo waerä kërái arakaete Tumpa jei wae rupi. Echa’ä jae jei iñee umɨmbeu wae rupi kuärái:

Guaraní Pe (Western): Simba

⁴ Opaete cua uyeyapo, Tumpa iñee aracae umɨmbeu vae jei vae uyeyapo vaerã. Echa'ã jae jei cuarãi:

San Mateo 21:4 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 1:22

Jukuärái opaete kua mbaembae uasa uyeyapo waerä kërái arakaete Tumpa jei wae rupi. Echa’ä jae jei iñee umɨmbeu wae Isaías jee wae rupi kuärái:

San Mateo 21:3

“Jare ime yawe kía upɨrandu pewe wae, pereta chupe: ‘YandeYa uipota uiporu, erëi ɨmambaeño ueruruka yeta ueya pewe,’ pere.” Jukuärái jei Jesús chupe reta.

San Mateo 26:56

“Erëitu opaete kua mbaembae uasa oï uyeyapo waerä kërái arakae Tumpa iñee umɨmbeu wae reta uikuatía wae rupi,” jei chupe reta. Jayawe opaete Jesús jemimboe reta ueya jare opa osi reta.

Marcos 11:7

Joko wi Jesús jemimboe reta ueru mburika taurusu wae Jesús oï wae pe jare omboi reta iñepëwaka oñono waerä mburika ikupe re. Jayawe Jesús opo jese jare oo yuapɨ ye Jerusalén kotɨ.

San Lucas 19:35

Joko wi Jesús jemimboe reta ueru mburika taurusu wae Jesús oï wae pe jare omboi reta iñepëwaka oñono waerä mburika ikupe re. Jayawe jae reta omborɨ Jesús uyupi waerä jese.

San Juan 12:12

Jare pɨarewe pe Jesús oo Jerusalén kotɨ. Kua jeräkua opaete Jerusalén pe ñonoï wae reta pe. Kua reta tenonde ma yuweru Jerusalén pe uyemɨmandúa reta waerä pascua iara reta re. Jare jae reta uikuaa yawe Jesús ou oï Jerusalén pe wae, tuicha rupi uyerowia reta.

San Juan 12:15

“Tëta wasu Sion pewa reta, awɨye ye ma pekɨye. Mase, pemburuwicha wasurä ou oï pepɨ. Jae opo ou oï pëti mburika imembɨ taurusu wae re.” Jukuärái uyekuatía oï.