San Mateo 2:2 - Biblia

² Jare jae reta upɨrandu joko pewa reta pe: “¿Kiape pa oï sambiaɨ judío reta imburuwicha wasurä ikota wae?” jei reta. “Ore nduikuaa oa ma ko, echa’ä nduecha pëti yasɨtata warasɨ oë wae kotɨ. Jare jokua yasɨtata uikuaaka oï orewe jesewa. Jáeramo ndoyu ndueka numbutuicha waerä,” jei reta.

Guaraní Pe (Western): Simba

² Jare jei reta: —¿Quiape pa ime oĩ sambiaɨ judío reta juvicha guasurã icota vae? Echa'ã nduecha yasɨtata uicuaaca oreve vae guarasɨ oẽ vae cotɨ. Jáeramo ndoyu ma nuvãe numbɨadora vaerã —jei reta.

San Mateo 2:2 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 2:3

Erëi kua mburuwicha wasu Herodes pe jeräkua yawe, ipɨa kawi’ä upɨta. Echa’ä jae uipota’ä etei uyekuaa waerä ïru mburuwicha, echa’ä uipota’ä uyepepɨka ramo. Jare opaete Jerusalén pewa reta uyembɨpɨa’ä Herodes ipɨa kawi’ä oï wae re, echa’ä jae reta ukɨye chuwi.

San Mateo 21:5

“Pemɨmbeu Jerusalén pewa reta pe: ‘Mase, pemburuwicha wasurä ou oï pepɨ. Uñemɨmichi rewe opo ou oï pëti mburika imembɨ taurusu wae re,’ pemɨmbeu chupe reta.” Jukuärái jei.

San Mateo 27:11

Jayawe sacerdote itenondewa reta jare judío itenondewa reta wɨraa Jesús mburuwicha romano Poncio Pilato jee wae jowai uyemboɨ waerä. Jare Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Lucas 19:38

Jare jei reta: “¡Kua ko jae yanemburuwicha wasurä Tumpa jee re ou oï wae! ¡Tumpa tuyapo ikawiete wae chupe! ¡Añawe Tumpa uyapo ma yandewe yaiko waerä yandepɨakatu rewe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 23:3

Jayawe Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Lucas 23:38

Jare oñono reta kurusu re pëti ɨwɨra ipe wae Jesús iñäka iáramo. Jare uyekuatía iko jese umbɨjeko wae kuärái: “KUA KO JAE JUDÍO RETA IMBURUWICHA WASU,” jei. Kua uyekuatía iko griego ñee pe, jare romano ñee pe, jare arameo ñee pe.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 12:13

Jayawe jae reta ueki karandaɨ jokɨ umbɨwawa reta waerä Jesús jenonde, jare yuraa owäiti reta. Jare jei reta usapɨkai pɨi rewe: “¡Tuyembutuichaka yandeRu Tumpa jee! ¡Tumpa tuyapo ikawiete wae kua ou oï Tumpa jee re wae pe! ¡Jae ko yande Israel pewa yaiko wae reta yanemburuwicha wasurä ikota wae!” jei reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 19:19

Jayawe Pilato uikuatía pëti ɨwɨra ipe wae re kuärái: “KUA KO JAE JESÚS NAZARET PEWA. JAE KO JUDÍO RETA IMBURUWICHA WASU.” Jukuärái uikuatía arameo ñee pe, jare griego ñee pe, jare romano ñee pe wi. Jare Pilato kua uikuatía ma yawe, oñonoka kurusu re Jesús iñäka iáramo. Jare mbɨrɨete’ä iko Jerusalén wi kiape uikutu reta Jesús wae. Jare jeta judío reta yuweru ma joko wi umɨngeta jokua Pilato uikuatía wae.

San Juan 20:28

Jayawe Tomás jei chupe: “¡Nde ko jae cheYa jare cheTumpa!” jei chupe.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

San Juan 9:38

Jayawe kuimbae jei: “CheYa, arowia aï nderé,” jei chupe. Jayawe kuimbae uñeñono ɨwɨ re Jesús jowai jare umbutuicha.

Hebreos 1:6

Taɨ ko jae opaete mbaembae iYa. Jare Tumpa ombou yawe kua ɨwɨ pe, jei: “Opaete araɨwa reta chewe uyeyokui wae tumbutuicha kua cheRaɨ jee,” jei.

Apocalipsis 22:16

“Che ko jae Jesús. Jare che etei amondo chearaɨwa pëti wae umɨmbeu waerä pewe kua mbaembae. Kua ko jae cheré wɨrowia wae reta opa kerupi rupi uyembatɨ ñonoï wae reta pewarä,” jei. “Che ko jae David iñemoñaa pewa mburuwicha wasurä ikota wae. Che ko jae yasɨtata uwerasɨ ndei köe mbowe mii uyekuaa wae,” jei.