San Mateo 2:12 - Biblia

¹² Jayawe umbutuicha ma reta sambiaɨ yawe, opa ye yuraa reta jëta kotɨ ambɨe tape rupi. Echa’ä Tumpa umɨmbeu chupe reta ipau rupi awɨye waerä yuraa ye reta Herodes jëta rupi.

Guaraní Pe (Western): Simba

¹² Jare Tumpa umɨmbeu cuimbae reta pe ipau pe agüɨye vaerã yugüɨraa ye Herodes jenta rupi. Jáeramo yugüɨraa ye iɨvɨ pe ĩru tape rupi.

San Mateo 2:12 Iomraidhean Croise

Éxodo 1:17

Erëi jokua mokui kuña upurumbɨyekuaku wae reta uipɨuete Tumpa wi. Jáeramo uyapo’ä reta mburuwicha wasu jei chupe wae. Umaeño iko waerä sambiaɨ kuimbae reta re.

San Mateo 1:20

Jukuärái José uyemɨngeta iko tëi ipɨa pe. Erëi pëti pɨare, José oke iko rambuewe, pëti araɨwa Tumpa ombou wae uyekuaa chupe ipau pe jare jei chupe: “José, David iñemoñaa pewa,” jei chupe. “Nde ndepuere nemenda ndepɨawiwe rewe María ndiwe, echa’ä jae mbaetɨ ko ipurúa oï kuimbae pewarä. Jae ipurúa ko oï Espíritu Santo imbaepuere rupi etei,” jei chupe.

San Mateo 2:13

Jayawe kuimbae yasɨtata re uyemboe wae reta opa ye ma yuraa yawe, pëti araɨwa Tumpa ombou wae uyekuaa José pe ipau pe jare jei chupe: “Epüa. Eraa jupiwoiño sambiaɨ jare ichɨ ndiwe ɨwɨ Egipto kotɨ. Jare pepɨta joko pe che amɨmbeu ye ndewe rewa. Echa’ä Herodes uekakata onoi sambiaɨ uyukaka waerä tëi,” jei chupe.

San Mateo 2:19

Jayawe kua jaɨkue rupi Herodes umano. Jare José imeño iko ɨwɨ Egipto pe. Jayawe uyekuaa ye chupe ipau pe pëti araɨwa Tumpa ombou wae.

San Mateo 2:22

Erëi jeräkua José pe Herodes ipepɨka pe iko taɨ Arquelao jee wae mburuwicha wasurä ɨwɨ Judea pe. Jáeramo José ukɨye oo waerä jokotɨ. Jayawe Tumpa uikuaaka José pe ipau rupi yuraa waerä ɨwɨ Galilea pe. Jáeramo jokotɨ yuraa reta.

San Mateo 27:19

Jayawe Pilato uwapɨ kiape ipuere waerä mbae jei kía jeko rewa. Jare joko pe uäro jae reta mbae jei waerä. Jare uäro iko rambuewe, jembireko ombou kía jei chupe waerä: “Awɨye iyapo mbae jokua kuimbae jupi wae pe. Echa’ä pɨare apau pochɨ jesewa; jáeramo chepɨa ikawi’ä oï,” jei chupe.

San Lucas 2:26

Jare Espíritu Santo uikuaaka ma chupe jae umanota’ä iko ndei uecha mbowe Cristo Tumpa ombouta iko wae.

Hechos 10:22

Jayawe jae reta jei Pedro pe: “Pëti kuimbae romano sɨndaro reta itenondewa Cornelio jee wae ko orembou,” jei. “Jae ko kuimbae uipɨu Tumpa wi wae jare opaete judío reta umae kawi jese wae. Pëti araɨwa Tumpa ombou chupe wae jei chupe ombou ndereraaka waerä jëta pe, Cornelio uyapɨsaka waerä mbae nemɨmbeuta chupe wae re,” jei reta Pedro pe.

Hechos 4:19

Jayawe Pedro jare Juan jei chupe reta: “¿Mbae pa pere? ¿Ikawi ra ko Tumpa jowai ore nduyapo waerä pe reta pere wae rupi ani Tumpa jei wae rupi? Erëi ore ndoe pewe nduyapota ko Tumpa jei wae rupi,” jei reta.

Hechos 5:29

Jayawe Jesús jemimboe tenondewaete reta ipɨte wi Pedro uyemɨngeta opaete pewarä, jare jei mburuwicha reta pe kuärái: “Pe reta pipota’ä tëi ore nduyapo waerä Tumpa jei orewe wae. Erëi nduyapota ko Tumpa jei wae, pe reta pere wae wi,” jei chupe reta.

1 Corintios 3:19

Echa’ä arakuaa kua ɨwɨ pewa mbae’ä etei ko Tumpa pewarä. Jukuärái ko jei wi yandewe Tumpa iñeerɨru pe. Echa’ä joko pe jei kuärái: “Jokua iyarakuaa katu echa iyupe wae reta, Tumpa uyapota uyepɨaka reta waerä jae reta iyarakuaa rupii.”

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

Hebreos 8:5

Erëi jae reta mbarawɨkɨ uyapo wae pëti yembɨjaangaño ko mbaembae ara pe oï wae re. Jukuärái yaikuaa, echa’ä yanemandúa kawi ñaï Tumpa jei yawe arakae Moisés pe uyapo waerä tupao, jei chupe kuärái: “Che aechaka ma ndewe ɨwɨtu wasu re ndiko rambuewe kërái ndiyapoka waerä tupao. Añawe iyapoka kawi opaete che aechaka ndewe wae rupi etei.” Jukuärái jei chupe.