San Mateo 2:1 - Biblia

¹ Jesús oa ɨwɨ Judea pe tëta wasu raɨ Belén pe. Jare Jesús oa yawe, Herodes iko mburuwicha wasurä opaete ɨwɨ Israel re. Jayawe jokua ara rupi yuweru uwäe kuimbae reta yasɨtata re uyemboe wae reta warasɨ oë wae kotɨ wi tëta wasu Jerusalén pe.

Guaraní Pe (Western): Simba

¹ Jesús oa ma yave tenta guasu Belén ɨvɨ Judea pegua pe, Herodes ico mburuvicha guasurã. Jare jocua ara rupi yugüeru cuimbae reta yasɨtata re uyemboe vae reta guarasɨ oẽ vae cotɨ güi uvãe tenta guasu Jerusalén pe.

San Mateo 2:1 Iomraidhean Croise

Génesis 41:8

Joko wi pɨarewe ndimbowe yawe, mburuwicha wasu ipɨatɨtɨete upɨta ipau reta jeko pewa. Jáeramo omondo uenika opaete upurumbusuerte wae reta jare opaete iyarakuaa katu wae reta ɨwɨ Egipto pewa. Jayawe mburuwicha wasu imiäri chupe reta ipau reta rewa. Erëi pëti awe jae reta ipuere’ä uikuaaka chupe mbae ra ipau reta uipota jei wae.

Miqueas 5:2

Tumpa jei kuärái: “Erëi tëta wasu raɨ Belén Efrata jee wae, yepe tëi pëti tëta michi raɨ ko opaete tëta wasu ɨwɨ Judá pewa reta ipɨte wi, erëitu joko wi aruta pëti kuimbae opaete Israel pewa reta imburuwicharä. Iyɨpɨ wiwe jae ikoño mái.” Jukuärái jei Tumpa.

San Mateo 1:25

Erëi uyereroke’ä reta María imembɨrɨpɨ oa rewa. Jare oa María imembɨ pëti kuimbae mii jare José oñono sambiaɨ jeerä Jesús.

San Mateo 2:16

Jayawe jeräkua Herodes pe jokua yasɨtata re uyemboe wae reta opa ye ma yepe yuraa ikotɨ̈a rupi jare mbaetɨ uyapo reta Herodes jei wae. Jáeramo Herodes pochɨete rewe omondo sɨndaro reta Belén pe jare Belén iyɨpɨ rupi uyuka reta waerä opaete sambiaɨ kuimbae mii reta ndei mokui año onoi wae reta. Jukuärái uyapo Herodes uyukaka waerä tëi Jesús. Echa’ä yasɨtata re uyemboe wae reta uyemboɨ yawe Herodes jowai, jae reta jei chupe: “Mokui año ma oï jokua yasɨtata umbɨpɨ uyekuaa orewe wae,” jei reta chupe.

San Mateo 2:19

Jayawe kua jaɨkue rupi Herodes umano. Jare José imeño iko ɨwɨ Egipto pe. Jayawe uyekuaa ye chupe ipau pe pëti araɨwa Tumpa ombou wae.

San Mateo 2:3

Erëi kua mburuwicha wasu Herodes pe jeräkua yawe, ipɨa kawi’ä upɨta. Echa’ä jae uipota’ä etei uyekuaa waerä ïru mburuwicha, echa’ä uipota’ä uyepepɨka ramo. Jare opaete Jerusalén pewa reta uyembɨpɨa’ä Herodes ipɨa kawi’ä oï wae re, echa’ä jae reta ukɨye chuwi.

San Mateo 2:5

Jare jae reta jei chupe: “Jae oata oï ɨwɨ Judea pe tëta wasu raɨ Belén pe. Echa’ä pëti kuimbae Tumpa iñee arakae umɨmbeu wae jukuärái jei. Jae uikuatía kuärái:

San Mateo 2:7

Jayawe Herodes omondo uenika wɨari jokua yasɨtata re uyemboe wae reta. Echa’ä jae uipota upɨrandu chupe reta kërái yawe etei ra uyekuaa chupe reta jokua yasɨtata wae.

San Lucas 1:5

Herodes iko yawe ɨwɨ Judea pewa reta imburuwicha wasurä, ime yureko reta wi mbowɨ atɨ sacerdote reta. Jae reta uyepepɨkapɨka uparawɨkɨ waerä tupao wasu pe. Pëti atɨ wi jae reta uyembɨjee Abías. Jare jae reta ipɨte wi ime iko pëti sacerdote Zacarías jee wae. Zacarías jembireko wi ko jae Aarón iñemoñaa reta pewa. Jae ko jee Elisabet.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 2:15

Jare opa ma umɨngeta reta yawe, araɨwa reta opa ye yuraa chuwi reta ara pe. Jayawe owecha iyandarekoa reta jei iyupe: “Ya jayawe Belén pe yaikuaa waerä kua mbae uasa oï wae, Tumpa uikuaaka ma yandewe wae,” jei reta.

San Juan 7:42

Echa’ä Tumpa iñeerɨru pe uyekuatía oï Cristo ikota David iñemoñaa rupi jare oata tëta wasu raɨ Belén pe kiape David oa wae pe. Erëi kua kuimbae jukuärai’ä oï,” jei reta tëi.