San Mateo 18:3 - Biblia

³ “Che tae pewe añetete wae, pe reta piko pɨau’ä yawe Tumpa kotɨ, jare piyeyapo’ä yawe sambiaɨ reta rami, ndarau etei penoi Tumpa pemburuwicha wasurä,” jei.

Guaraní Pe (Western): Simba

³ —Añete che jae peve, piyerova'ã yave Tumpa cotɨ jare piyeyapo'ã yave sambiaɨ reta rami, ndarau pique mboroyocuia ara pegua pe —jei—.

San Mateo 18:3 Iomraidhean Croise

San Mateo 13:15

Echa’ä jae reta ipɨatäta uyeyapo chekotɨ. Iyapɨsa oyopɨ reta awɨye waerä uyandu chiñee. Jare usapɨmi reta awɨye waerä uecha mbaembae ayapo wae. Erëi jae reta moná uyandu chiñee yawe jare uecha reta ayapo wae yawe, ipɨa rewe uikuaa kawita reta jare uyerowata reta chekotɨ che aepɨ reta waerä,’ jei Tumpa.” Jukuärái jei Isaías,” jei Jesús chupe reta.

San Mateo 18:2

Jayawe Jesús ueni pëti sambiaɨ, jare oñono jae reta ipɨte pe, jare jei chupe reta:

San Mateo 18:4

“Erëi ime yawe kía uñemɨmichi kua sambiaɨ rami wae, jae ikota petenondewarä Tumpa oï ma yawe opaete wae imburuwicha wasurä jaeño mái pewa,” jei chupe reta.

San Mateo 19:14

Erëi Jesús jei: “Pemaeño sambiaɨ reta re yuweru waerä chekotɨ. Awɨye piyopia reta, echa’ä jaeño kua sambiaɨ rami wae reta oïta Tumpa ndiwe, Tumpa oï ma yawe opaete wae imburuwicha wasurä,” jei chupe reta.

San Mateo 19:23

Jayawe Jesús jei jemimboe reta pe: “Pëti ara Tumpa ikota opaete wae imburuwicha wasurä jaeño mái pewa. Erëi che tae pewe añetete wae, yawaieteta ko ikokatu wae reta uyekou waerä jokua re jare onoi reta waerä tekowe opa mbae wae,” jei.

San Mateo 5:18

“Che tae pewe añetete wae, ara jare ɨwɨ imeño oï rambuewe, ndarau etei ukañɨ jae reta uikuatía wae wi pëti awe ñee michi mii yepe. Jare jukuäraita oo oï kuri opa uyeyapo rewa Tumpa ipɨayemɨngeta jokua kuatía reta pewarä wae,” jei.

San Mateo 5:20

“Moisés uikuatía wae re oporomboe wae reta jare fariseo reta uyapo kawi tëi jupi wae. Erëi che tae pewe, pe reta mbaetɨ jupiete peï yawe jae reta wi, ndarau etei peï Tumpa ndiwe jae oï ma yawe opaete wae imburuwicha wasurä,” jei Jesús chupe reta.

San Mateo 6:16

“Jayawe pe reta piñono tee yawe ara reta pekaru mbae waerä, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyechaka opaete pe iyembaɨ ñonoï wae opaete wae reta uikuaa waerä jae reta ukaru mbae ko ñonoï. Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Mbaetɨ ye ma mbae re Tumpa umɨñatima chupe reta waerä,” jei.

San Mateo 6:2

“Jáeramo nde nemee yawe mbae ikuasɨ wae reta pe, awɨye iyapo kía Tumpa pe uyeyokuiraanga wae reta rami. Echa’ä jae reta umee yawe mbae ikuasɨ wae reta pe, jekuaeño uechaka opaete wae pe mbae uyapo ñonoï wae. Jukuärái uyapo reta ïru wae reta uyemɨngeta kawi jese reta waeräño mbae ikawi wae uyapo reta wae re,” jei. “Che tae pewe añetete wae, jokua ïru wae reta uyemɨngeta kawi jese reta waeño ma ko jae reta onoita. Tumpa ndarau ma umee chupe reta mbae ikawi wae jokua uyapo reta wae re,” jei.

San Mateo 6:5

“Jare pe reta piyerure yawe Tumpa pe, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyerure yawe Tumpa pe, jekuaeño ikɨrëɨete uyemboɨ reta opaete wae jowake tupao reta pe jare plaza pe uyerure waerä Tumpa pe. Jukuärái uyapo reta ïru wae reta umae kawi jese reta waeräño,” jei. “Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Tumpa ndarau ma umee mbae ikawi wae chupe reta jokua jae reta uyapo wae re,” jei.

Marcos 4:12

‘Uechata tëi reta che mbaembae ayapo wae, erëi ndarau uikuaa kawi reta. Uyanduta tëi reta chiñee, erëi ndarau uikuaa reta. Jukuärái uyerowata’ä reta chekotɨ ambái waerä chuwi reta teko onoi chekotɨ wae.’ Jukuärái uyekuatía oï,” jei Jesús chupe reta.

San Lucas 13:24

“Jeta wae reta uipotata tëi jokua. Erëi ikota chupe reta pëti öke ipɨraɨ wae jeta wae reta uipota tëi uike pɨpe wae rami. Jáeramo piñemɨatangätu pike waerä jokoropi,” jei.

San Lucas 22:32

“Jayawe michi pewa ndiyerowata neï chewi kuri. Erëi che ayerure ma Tumpa pe nderé nde jekuaeño nderowia waerä cheré. Jare ndiyerowa ye ma chekotɨ yawe, emɨmɨräta kua nderɨwɨ reta,” jei chupe.

San Juan 1:51

Joko wi Jesús jei Felipe jare Natanael pe: “Che tae pewe añetete wae, pechata ara uyepea oï kërái yanderamɨkue Jacob uecha ipau pe wae rami. Jare pechata wi Tumpa iaraɨwa reta uyupi ñonoï jare uweyɨ ñonoï che kuimbaerä ayeyapo wae rupi,” jei chupe reta.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

Hechos 28:27

Jukuärái ere chupe reta, echa’ä jae reta ipɨatäta uyeyapo chekotɨ. Iyapɨsa oyopɨ reta awɨye waerä uyandu chiñee. Jare usapɨmi reta awɨye waerä uecha mbaembae ayapo wae. Erëi jae reta moná uyandu chiñee yawe jare uecha reta ayapo wae yawe, ipɨa rewe uikuaa kawita reta jare uyerowata reta chekotɨ che aepɨ reta waerä.’ Jukuärái jei Espíritu Santo,” jei Pablo chupe reta.

Hechos 3:19

“Jayawe peya pepɨayemɨngeta jupi mbae wae jare piyerowa Tumpa kotɨ, jae umbái pewi waerä opaete teko penoi ikotɨ wae,” jei.

1 Corintios 14:20

Hermano mii reta, kua mbaembae reta rewa awɨye jekuaeño pepɨa pe piyemɨngeta sambiaɨ reta rami. Ime amokue mbaembae re ikawi ko pe reta piko waerä pëti sambiaɨ iyarakuaa mbae wae rami – jae ko mbaembae ikawi mbae wae rewa. Erëi jokua mbaepuere reta Espíritu Santo umee yandewe wae, jokua re aeka pewe piyemɨngeta waerä pepɨa pe ukuakuaa wae reta rami.

1 Pedro 2:2

Kërái sambiaɨ oa ramo wae ikambúe rami, jukuärái wi pe reta piyueta ko neche uyea mbae wae ara pewa – jae ko Tumpa iñee. Piyemboe jese pekɨrëɨete rewe pepɨräta waerä tekowe opa mbae wae penoi wae rupi.

2 Pedro 1:11

Jare ara uwäe ma yawe yandeRepɨ wae yandeYa Jesucristo iko waerä opaete wae imburuwicha wasurä jaeño mái pewa, jae pembɨasa kawita tuicha uyerowia rewe.