San Mateo 17:1 - Biblia

¹ Jayawe owa ara ma uasa yawe, Jesús wɨraa Pedro, Jacobo, jare Jacobo tɨwɨ Juan ïru reta ipɨte wi pëti ɨwɨtu wasu re.

Guaraní Pe (Western): Simba

¹ Seis ara ma uasa yave, Jesús güɨraa Pedro, Jacobo jare Juan - jae co Jacobo tɨvɨ - ĩru reta ipɨte güi penti ɨvɨtu guasu ɨvate vae re.

San Mateo 17:1 Iomraidhean Croise

San Mateo 17:2

Jare joko pe Jesús jete uyembɨambɨe chupe reta. Jowa jembipe warasɨ jembipe rami. Jare jemimonde tïasɨ jare uwera.

San Mateo 26:37

Jayawe joko wi Jesús wɨraa Pedro jare jokua mokui Zebedeo taɨ reta ïru wae reta wi kutɨ katu mii. Jare jae umbɨpɨ ipɨatɨtɨ ikuasɨ katu rewe.

Marcos 13:3

Jayawe Jesús jare jemimboe reta ndiwe yuraa uyupi reta ñaipe Olivorenda jee wae re tupao wasu jowai, jare joko pe Jesús uwapɨ. Jayawe Pedro, Jacobo, Juan, jare Andrés upɨrandu chupe jae retaño jae ndiwe ñonoï yawe, jare jei reta:

Marcos 5:37

Jare Jesús umaeño’ä ïru reta re yuraa waerä jae ndiwe Jairo jëta pe – jaeño Pedro, jare Jacobo, jare Jacobo tɨwɨ Juan.

San Lucas 8:51

Jare yuraa uwäe reta yawe tëta pe, Jesús umaeño’ä ïru wae reta re uike waerä jae ndiwe – jaeño Pedro, Jacobo, Juan, jare kuñatái tu jare ichɨ.

2 Corintios 13:1

Mokui wese ma a apou pepɨ. Jare añawe ata apou ye aï pepɨ. Kua re mbapɨ wese ma. Pikuaa kawi peï taɨkue rupi apou aiko pepɨ yawe, che jae jokua teko kachi rupi yureko wae reta pe: “Che ayu ye yawe, aiporarakata aï pewe peya’ä yawe pereko kachi. Jare jukuärái ayapota aï ipotawe wae pe ueya’ä yawe jeko kachi,” jae chupe reta. Jare añawe, yepe tëi aï'ä pe reta ndiwe joko pe, erëi pumɨmandúa aï jokua re kua aikuatía aï pewe wae rupi. Echa’ä Tumpa iñeerɨru pe jei yandewe kuärái: “Ime yawe kía teko uyapo wae, imeta ko imiäri jese mokui ani mbapɨ wae uikuaa kawi jokua teko wae, jukuärái yaikuaa waerä añetete ra.” Jukuärái jei.

2 Pedro 1:16

Ore numɨmbeu ma ko pewe kërái yandeYa Jesucristo ou yeta oï imbaepuere jembipete rewe. Erëi jukuärái numɨmbeu pewe yawe, numɨmbeu’ä ko pewe ore ndoe waeño. Ore nduecha oreresa pe etei yandeYa imbaepuere jembipete wae.