San Mateo 16:4 - Biblia

⁴ “Pe reta añawe peï wae reta, pereko kachi ko jare jupi’ä ma ko peï Tumpa kotɨ,” jei chupe reta. “Pipota tëi ayapo waerä pewe mbae tuicha wae Tumpa imbaepuere pe jukuärái aechaka waerä pewe Tumpa ko chembou wae. Erëi jaeño uasata oï kërái Tumpa iñee arakae umɨmbeu wae Jonás pe uasa wae rami,” jei chupe reta. Jare jukuärái jei yawe, Jesús ueya reta.

Guaraní Pe (Western): Simba

⁴ Añave yugüɨreco vae reta icavi mbae vae uyapo vae reta co. Upurugüɨrovia'ã. Jáeramo uipota ayapo vaerã mɨacañɨ chupe reta. Ẽrei jaeño uyeyapota mbae Tumpa iñee aracae umɨmbeu vae Jonás pe uyeyapo vae rami, jae reta uicuaa vaerã quía co che —jei. Jayave Jesús oo ye chugüi reta.

San Mateo 16:4 Iomraidhean Croise

Génesis 6:3

Jayawe Tumpa jei: “Jokua tekowe amee wae mbaetɨta oï jaeño mái pewa rupi chupe reta, echa’ä jae reta ɨwɨ pewa retaño ko ramo. Jáeramo ameeta chupe reta jaeño 120 año ye,” jei.

Jonás 1:1

Ɨwɨ Israel pe ime iko pëti kuimbae Jonás jee wae. Tu ko jee Amitai. Pëti ara Tumpa jei Jonás pe kuärái:

Jonás 1:17

Erëi Jonás oa yawe ɨ pe, iputupa’ä, echa’ä Tumpa ombou ma pëti pira wasu uepɨ waerä Jonás. Jokua pira wasu jupiwoi omokui Jonás jekowe rewe. Joko wi Jonás upɨta jekowe rewe mbapɨ ara jare mbapɨ pɨ̈tu rupi pira wasu jɨe pe.

San Mateo 15:14

“Jáeramo awɨye piyembɨpɨa’ä jae reta jei wae re. Jae reta uyererowia tëi uruwata ñonoï ïru wae reta Tumpa kotɨ. Erëi añetete jae reta jesa mbae wae uipoko uruwata ïru jesa mbae wae rami ko. Jare jukuärái yawe, mokui rewe uasawita ɨwɨkua pe,” jei chupe reta.

San Mateo 16:5

Jayawe Jesús jemimboe reta ndiwe uyupi reta chalana pe jare yuraa reta ɨpa wasu jowaicho kotɨ. Jare yuraa ma uwäe reta yawe, Jesús jemimboe reta aramoiño imandúa ueru’ä yepe reta mbɨyape wae.

Marcos 8:12

Jayawe Jesús iañeki jare jei chupe reta: “¿Maera ra pe reta pipota che ayapo waerä mbae tuicha wae jukuärái aechaka waerä pewe Tumpa ko chembou wae?” jei. “Che tae pewe añetete wae, ndarau etei ayapo pewe kua peka peï chewe wae,” jei chupe reta.

Marcos 8:38

“Añetete kua ɨwɨ pe añawe ñonoï wae reta uyerowa ma Tumpa wi jare uyawɨ reta ma jeta ikotɨ. Jare ime yawe kía imara chewi jare chiñee wi kua reta jowai, che kuimbaerä ayeyapo wae chemarata wi chuwi che ayu ye yawe. Echa’ä ayu yeta ko aï. Jare ayu ye ma yawe, ayuta cheRu imbaepuere jembipete rewe jare araɨwa Tumpa oñono tee wae reta ndiwe.” Jukuärái jei Jesús jemimboe reta pe.

Hechos 18:6

Erëi jokua judío reta jekuaeño oyowaicho Pablo ndiwe, jare umbɨpɨ jei reta ikawi mbae wae chupe. Jáeramo Pablo umɨtɨmo jemimonde ɨwɨkuí usururu waerä chuwi, jare jei chupe reta: “Tumpa uiporaraka pewe yawe, pe reta ko teko penoi. Che mbaetɨ anoi teko. Añawe wiwe ata amɨmbeu judío mbae wae reta pe Cristo rewa,” jei chupe reta.

Hechos 2:40

Jare jukuärái Pedro omboe reta jeta mbaembae re, jare jokoropi umɨkɨrëɨ reta jare umbɨarakuaa reta kuärái: “Añawe rupi yureko wae reta, opaete seri jeko kachi ko, jare Tumpa uiporarakata oï chupe reta. Jáeramo peka chupe perepɨ waerä iarasɨ wi,” jei Pedro chupe reta.