San Mateo 15:3 - Biblia

³ Jayawe Jesús jei chupe reta: “Pe reta oete ko piyapo mbae, echa’ä piyawɨ Tumpa jei wae piko waerä pereko rupii.

Guaraní Pe (Western): Simba

³ Jayave Jesús jei chupe reta: —¿Maera pa pe reta piyavɨ Tumpa iporoyocui piyapo vaerã yandetenondegua reta iporoyocui?

San Mateo 15:3 Iomraidhean Croise

San Mateo 15:2

Jare jae reta upɨrandu chupe: “¿Maera pa nderemimboe reta uyapo’ä yanderamɨkue reta jeko rupi? Echa’ä ukaru reta uyepoe mbae rewe,” jei reta chupe.

San Mateo 15:4

Pe reta pikuaa kawi tëi ko Tumpa arakaete jei kuärái: ‘Pipɨu peru jare pesɨ wi,’ jei. Jare jei wi kuärái: ‘Kía jei ikawi mbae wae tu jare ichɨ kotɨ wae, tuyuka reta.’ Jukuärái Tumpa jei Moisés pe uikuatía waerä.

Marcos 7:13

Jukuärái pe reta peya ma ko Tumpa jei wae piko waerä pereko rupii. Jare jeta ma kua nunga mbaembae pe reta piyapo,” jei Jesús chupe reta.

Colosenses 2:23

Añetete jokua mbaembae jei reta yandewe yayapo waerä wae arakuaa katu wae echa ko. Echa’ä kía jukuärái iko wae jatangätu wae echa umbutuicha waerä Tumpa jee, jare uñemɨmichi oï wae echa. Jare jae nunga wi täta uiporaraka jete pe umbɨyerowia waerä tëi Tumpa. Erëitu kua nunga teko reta ndarau etei yanemborɨ awɨye waerä yaiko yanderete uipota uyapo wae rupiño.

Colosenses 2:8

Jare piyandareko kawi piyé awɨye waerä kía pembɨtawɨ jae iyarakuaa rupiño. Jokua arakuaa jupi wae echa ko, erëi ou’ä ko Cristo wi. Ou kuimbae reta wiño, jare jae ko arakuaa kua ɨwɨ pewaño.

Tito 1:14

Jokua upurumbɨtawɨ wae reta oporomboe ñonoï arakae judío reta imiäri reta wae re. Jare jei tëi yandewe ime jeta mbaembae awɨyeta ko yayapo awɨye waerä yandekɨa ñaï Tumpa kotɨ. Erëi jae reta opa ma uyerowa yemboe añetete wae wi. Jáeramo Cristo re wɨrowia wae reta awɨye ma tuyapɨsaka jese reta.