San Mateo 15:2 - Biblia

² Jare jae reta upɨrandu chupe: “¿Maera pa nderemimboe reta uyapo’ä yanderamɨkue reta jeko rupi? Echa’ä ukaru reta uyepoe mbae rewe,” jei reta chupe.

Guaraní Pe (Western): Simba

² —¿Maera pa nderemimboe reta uyapo'ã yandetenondegua reta iporomboe? ¿Maera pa ucaru reta uyepoe mbae reve? —jei reta.

San Mateo 15:2 Iomraidhean Croise

Génesis 1:14

Joko wi Tumpa jei: “Tuiko tembipe reta ara re umbɨsɨrɨ waerä ara pɨ̈tu wi, jare umɨanga jare uyepapa waerä ara reta, yasɨ reta, jare año reta wi.

San Mateo 15:3

Jayawe Jesús jei chupe reta: “Pe reta oete ko piyapo mbae, echa’ä piyawɨ Tumpa jei wae piko waerä pereko rupii.

Marcos 7:2

Jare uecha reta amokue Jesús jemimboe reta ukaru ñonoï uyepoe mbae rewe. Jáeramo iñera jese reta.

Marcos 7:5

Jayawe fariseo reta jare Moisés uikuatía wae re oporomboe wae reta upɨrandu Jesús pe: “¿Maera pa nderemimboe reta uyapo’ä yanderamɨkue reta jeko rupi? Echa’ä ukaru reta uyepoe mbae rewe,” jei reta Jesús pe.

San Lucas 11:38

Jare jokua fariseo uecha Jesús mbaetɨ uyepoe ukaru waerä kërái judío reta jeko rupi uyapo wae rami. Jáeramo ipɨakañɨ umae jese.

Colosenses 2:8

Jare piyandareko kawi piyé awɨye waerä kía pembɨtawɨ jae iyarakuaa rupiño. Jokua arakuaa jupi wae echa ko, erëi ou’ä ko Cristo wi. Ou kuimbae reta wiño, jare jae ko arakuaa kua ɨwɨ pewaño.

1 Pedro 1:18

Tenonde yawe pe reta piko wɨraeño pere wae rupi. Jukuärái peramɨkue reta pemboe. Jare pereko peapɨ̈ti iko rami awɨye waerä pikuaa Tumpa. Erëi añawe Tumpa perepɨ ma jokua teko wi. Jare jae mbaetɨ etei perepɨ korepoti pe jare oro pe, echa’ä jokua mbaembae opata ko.