San Mateo 13:8 - Biblia

⁸ “Erëi ïru temitɨ oa ɨwɨkawi pe. Jokua reta jeñɨ kawi, ukuakuaa, jare ía. Amokue jetaete ye ía, jare ïru reta jeta katu ía, jare ïru reta mbowɨño ía.” Jukuärái Jesús jei chupe reta umbɨjaanga rewe.

Guaraní Pe (Western): Simba

⁸ Jare ĩru temitɨ oa ɨvɨcavi pe. Cua reta ucuacuaa cavi jare ía. Amocue jeta ete jãɨ, jare ĩru jeta catu jãɨ, jare ĩru mbovɨño jãɨ —jei—.

San Mateo 13:8 Iomraidhean Croise

San Mateo 13:23

“Erëi amokue temitɨ oa ɨwɨkawi pe. Kua ɨwɨ ikawi wae uyembɨjaanga oï kía Tumpa iñee uyandu wae jare uepitɨ kawi oï wae re,” jei. “Jare Tumpa iñee uyembɨjapo kawi oï ipɨa pe ramo, uyekuaa jese Tumpa jeko ikawi wae. Amokue reta re uyekuaa kawi Tumpa jeko ikawi wae. Ïru wae reta re uyekuaa kawiete, jare ïru wae reta re uyekuaa kawiete ye,” jei. “Jukuärái ko ambɨjaanga rewe jae pewe wae,” jei Jesús jemimboe reta pe.

San Mateo 13:7

“Ïru temitɨ oa ñurätipɨte pe. Jare ñuräti ukuakuaa ma yawe, opa umbuputupa temitɨ,” jei.

Marcos 4:20

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta wɨrowia kawi jese ipɨa rewe. Jare Tumpa iñee uyembɨjapo kawi oï ipɨa pe ramo, uyekuaa jese reta Tumpa jeko ikawi wae. Amokue reta re uyekuaa kawi Tumpa jeko ikawi wae. Ïru wae reta re uyekuaa kawiete, jare ïru wae reta re uyekuaa kawiete ye,” jei. “Jukuärái ko ambɨjaanga rewe jae pewe wae,” jei Jesús jemimboe reta pe.

Marcos 4:8

“Erëi ïru temitɨ oa ɨwɨkawi pe. Jokua reta jeñɨ kawi, ukuakuaa, jare ía kawi. Amokue mbowɨño ía, jare ïru reta jeta katu ía, jare ïru reta jetaete ye ía.” Jukuärái Jesús jei chupe reta umbɨjaanga rewe.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

San Lucas 8:8

“Erëi amokue temitɨ oa ɨwɨkawi pe. Jokua reta jeñɨ kawi, ukuakuaa, jare ikawiete ía.” Jukuärái Jesús jei chupe reta umbɨjaanga rewe. Jare jei wi chupe reta usapɨkai rewe: “Ipotawe kía uipota uikuaa kawi wae, tuyapɨsaka kua chiñee re,” jei chupe reta.

San Juan 15:8

“Jare jekuaeño piñemɨïru kawi yawe che ndiwe, uyekuaata oï peré Tumpa jeko ikawi wae. Jare jukuärái rupi uyekuaata pe reta ko jae cheremimboe reta wae. Jare jukuärái cheRu jee uyembutuichakata oï,” jei chupe reta.

Romanos 7:18

Jare che aikuaa amaeño jese yawe, jare aiko che jae wae rupiño yawe, ndarau uyekuaa ikawi wae. Echa’ä ndarau ayapo ikawi wae aipota tëi ayapo wae. Erëi jokua mbae ikawi mbae wae aipota’ä tëi ayapo wae, jekuaeño jokua ayapo parawete.

Filipenses 1:11

Jare Jesucristo pemborɨta ime waerä penoi teko ikawi wae opaete wae uecha waerä. Jare jukuärái pereko pewa ïru wae reta uipɨuta Tumpa wi jare umbutuichata jae jee. Jukuärái ko ayerure aï Tumpa pe peré.