San Mateo 13:3 - Biblia

³ Jayawe ɨ jembeɨ seri wi Jesús omboe reta jeta mbaembae umbɨjaanga rewe. Jei chupe reta kuärái: “Pëti kuimbae oo umaetɨ waerä.

Guaraní Pe (Western): Simba

³ Jare Jesús omboe reta jeta mbaembae re umɨjaanga reve. Jei chupe reta: —Penti cuimbae oo umaetɨ vaerã.

San Mateo 13:3 Iomraidhean Croise

San Mateo 13:4

Jare umɨái temitɨ yawe, amokue oa tape raɨ rupi. Jayawe yuweru wɨra reta opa jou,” jei chupe reta.

San Mateo 13:53

Jayawe Jesús opa ma jei yawe kua umbɨjaanga rewe, oo ye joko wi.

San Mateo 22:1

Jayawe Jesús omboe ye joko pe ñonoï wae reta umbɨjaanga rewe. Jei chupe reta:

San Mateo 24:32

“Yandepuere yambɨjaanga jokua ara ayu yeta wae pëti ɨwa re. Echa’ä ɨwa jokɨ ye ma yawe, yaikuaa ñaï koiño ma ko oï ama okɨ waerä,” jei.

Marcos 12:1

Jayawe Jesús umbɨpɨ uyemɨngeta umbɨjaanga rewe jokua mburuwicha reta pe kuärái: “Ime iko pëti kuimbae uvaruparä uyapo wae,” jei. “Jae uikëse kawi jokua uvarupa, jare oñotɨ pɨpe jeta uva,” jei. “Jare uyapo wi uva uñetami pɨpe waerä. Jare uyapo wi pëti chapapa ɨwate, joko wi umae waerä opaete uvarupa re,” jei. “Jare opa ma uyapɨkatu kawi yawe jokua uvarupa, iya umee ambɨe reta pe uyandareko jese waerä. Jare jei chupe reta: ‘Piyandareko kawi uvarupa re. Jare uva yawɨye ma yawe, mbɨte ameeta pewe kuri,’ jei chupe reta. Jayawe uvarupa iya oo mbɨrɨ ambɨe ɨwɨ pe,” jei Jesús.

Marcos 12:12

Jayawe jokua Israel pewa mburuwicha reta uyandu yawe Jesús jei wae, uikuaa kawi reta Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ. Jayawe mburuwicha reta ueyaño jare opa yuraa ye reta.

Marcos 3:23

Jayawe Jesús ueni opaete wae reta ikotɨ, jare jei chupe reta umbɨjaanga rewe: “Satanás ndarau jaei uñemoë kuimbae wi,” jei.

Marcos 4:13

Jayawe Jesús jei wi chupe reta: “¿Pikuaa kawi’ä yerá jokua ambɨjaanga rewe jae pewe wae? Pikuaa kawi’ä yawe, ¿këraita ra jayawe pikuaa ïru mbaembae jaeta aï pewe ambɨjaanga rewe wae?” jei chupe reta.

Marcos 4:33

Jeta kuärái Jesús oporomboe Tumpa iñee re umbɨjaanga rewe kërái jae reta ipuere uikuaa wae rupi.

San Lucas 12:41

Jayawe Pedro upɨrandu Jesús pe: “CheYa, jokua ndere nembɨjaanga rewe wae, ¿ndere oremaeräño, ani opaete pewarä wi?” jei chupe.

San Lucas 8:10

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi che amboe ïru wae reta ambɨjaanga rewe awɨye waerä uikuaa kawi reta. Echa’ä jae reta uecha tëi che mbaembae ayapo wae jare uyandu reta tëi wi chiñee, erëi jesewe uipota’ä wɨrowia reta cheré,” jei chupe reta.

San Juan 16:25

“Añawe amɨmbeu ma pewe jeta mbaembae re ambɨjaanga rewe. Erëi uwäeta ma ara amɨmbeu waerä pewe sɨmi kawi cheRu rewa. Ndarau ye ma ayemɨngeta pewe ambɨjaanga rewe,” jei chupe reta.