San Mateo 11:7 - Biblia

⁷ Jare yuraa ye ma yawe Juan ombou wae reta, Jesús umbɨpɨ uyemɨngeta joko pe ñonoï wae reta pe Juan rewa. Jei chupe reta: “Karamboe peo yawe ɨwɨtini wasu pe piyapɨsaka waerä Juan iñee re, ¿mbae nunga kuimbae peo pecha joko pe? ¿Pecha yerá joko pe pëti kuimbae takuaräsɨ kotɨ kotɨ omɨ oï rami wae? Mbaetɨ. Echa’ä Juan aramoimoiño uyemɨngeta wae’ä ko,” jei.

Guaraní Pe (Western): Simba

⁷ Jare yugüɨraa ye yave Juan ombou vae reta, Jesús umbɨpɨ umɨngueta joco pe ñugüɨnoi vae reta Juan re. Jei chupe reta: —¿Quía re pa co peo ñuu pe pemae? Jae ipɨrãta mbae vae'ã co tacuarãsɨ omɨ ɨvɨtu uipeyu yave vae rami —jei—.

San Mateo 11:7 Iomraidhean Croise

Santiago 1:6

Erëi jokua arakuaa uata chupe wae tuyerure Tumpa pe jese wɨrowia katu rewe. Awɨye tuyemɨngeta ipɨa pe kuärái: “Tumpa ndarau umee chewe arakuaa.” Awɨye tuyemɨngeta jukuärái, echa’ä ime yawe kía jukuärái jei wae, jae ko ɨwɨtu ɨaparoa kotɨ kotɨ wɨraa wae rami.

San Juan 5:35

“Juan ikose pëti mechero jendɨ jare umbɨembipe iko wae rami. Jare pe reta michi pewa miño pipota piyerowia piko jae iñee re.

Efesios 4:14

Jukuärái ñanepɨräta kawi yawe Tumpa kotɨ, yaikota’ä ma sambiaɨ reta rami. Echa’ä sambiaɨ reta uikuaa’ä mbae re wɨrowia waerä. Pëti ara ipuere wɨrowia pëti mbae re, jare ïru ara ipuere wɨrowia ambɨe re. Erëi ñanepɨräta kawi Tumpa kotɨ yawe, ipuereta’ä kiawe yanembɨtawɨ. Echa’ä ime jeta wae reta ikatu upurumbɨtawɨ waerä kachi oporomboe wae rupi.

San Lucas 8:18

“Jáeramo piyandareko kawi piyé piyapɨsaka kawi waerä. Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae wɨrowia tëi uikuaa michi mii yepe chiñee wae, jokuawe uñepɨ̈rota chuwi,” jei Jesús chupe reta.

San Mateo 21:25

“Pemɨmbeu chewe, ¿kía pa ombou Juan upurumbɨsakambu waerä? ¿Tumpa ra ombou, ani kuimbae retaño ra ombou?” jei chupe reta. Jayawe jae reta yuraa ikotɨ̈a mii jare jei iyupe: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Mateo 3:5

Jare jeta tëta wasu Jerusalén pewa reta yuraañoi Juan oï wae pe uyapɨsaka reta waerä iñee re. Jare jukuärái wi jeta ɨwɨ Judea pewa reta jare jeta ɨ wasu Jordán iyɨpɨ rupi yureko wae reta.

San Juan 1:38

Jare Jesús uyerowa umae jare uecha reta yuweru ñonoï ikotɨ wae. “¿Mbae pa peka peï?” jei chupe reta. “Rabí,” jei reta chupe. (Kua uipota jei jae reta iñee pe, ‘oporomboe wae.’) “¿Kiape pa ndepɨta neï?” jei reta chupe.

San Mateo 11:8

“¿Peo yerá pecha pëti kuimbae jemimonde ikawi wae? Mbaetɨ. Echa’ä temimonde ikawi wae omonde wae reta ñonoï ko mburuwicha wasu reta jëta pe,” jei chupe reta.

San Mateo 12:20

Amokue wae reta ipɨräta’ä etei Tumpa kotɨ pëti takuaräsɨ uyeka wae rami. Erëi jokua nunga reta re jae uipararekoeteta umae. Jare amokue wae reta ikuasɨ ñonoï. Jae reta pëti mechero michi raɨ mii jendɨ oï wae rami ko. Erëi jae omborɨta oï jokua nunga reta. Jukuärái jae uyapota oo oï Tumpa oï ma opaete wae imburuwicha wasurä rewa.