San Mateo 10:7 - Biblia

⁷ “Jare ipotawe kerupi peo wae rupi, pemɨmbeu kua ñee: ‘Koiñoete ma oï uyembɨpɨ waerä Tumpa imbaepuere mburuwicha wasu pewa kua ɨwɨ pe,’ pere chupe reta,” jei.

Guaraní Pe (Western): Simba

⁷ Jare peguata rambueve, pemɨmbeu ĩru vae reta pe cuarãi: ‘Mboroyocuia ara pegua outa ma uvãe’ —jei—.

San Mateo 10:7 Iomraidhean Croise

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Mateo 10:8

“Jae nunga wi pemɨnguera imbaerasɨ wae reta jare ipire okui wae reta. Pembɨjekowe ye wi umanokue wae reta. Jare pemoë pemombo aña reta kía re uyembɨiya wae wi,” jei. “Che amee ma pewe kua mbaepuere jepɨ mbae rewe. Jáeramo pe reta awɨye pekowara kía pe pemborɨ wae re,” jei chupe reta.

San Mateo 11:1

Jare Jesús opa ma omboe yawe jokua doce jemimboe reta, jae etei oo joko wi tëta wasu raɨ reta rupi oporomboe waerä jare umɨmbeu waerä Tumpa iñee.

San Mateo 21:31

“Jayawe ¿kía nunga pa kua mokui wae wi uyapo tu jei wae?” jei chupe reta. “Jokua tenondewa,” jei mburuwicha reta Jesús pe. Jayawe Jesús jei chupe reta: “Che tae pewe añetete wae, jeta mburuwicha pewarä okowara wae reta jare kuña jete re umɨngana wae reta, jae reta ko jokua kuimbae taɨ tenondewa rami. Echa’ä ñonoï rape’ä echa Tumpa ndiwe, Tumpa oï ma yawe opaete wae imburuwicha wasurä. Erëi añetete jeta jae reta ñonoïta Tumpa ndiwe,” jei chupe reta. “Erëi pemaerä mbaetɨta jokua,

San Mateo 21:43

“Jáeramo pe reta chererɨ̈ro ramo, che tae pewe, pe reta ndarau peï Tumpa ndiwe jae oï ma yawe opaete wae imburuwicha wasurä jaeño mái pewa. Echa’ä Tumpa umeeta oï ïru wae reta pe jokua jae uyapɨkatu tëi pemaerä wae. Jare jae reta uyeyokui kawita Tumpa pe,” jei chupe reta.

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 4:17

Jayawe Jesús oo uwäe Capernaum pe yawe, umbɨpɨ umɨmbeu chupe reta kuärái: “Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Jesús.

Marcos 6:12

Jayawe joko wi Jesús jemimboe reta yuraa. Jare kerupi yuraa wae rupi umɨmbeu chupe reta ueya waerä ipɨayemɨngeta jupi mbae wae jare wɨrowia reta waerä Tumpa jei wae re.

San Lucas 16:16

Jayawe Jesús jei wi chupe reta: “Ndei Juan ou mbowe, Moisés jare ïru arakae Tumpa iñee umɨmbeu wae reta uikuatía wae uyemɨmbeu,” jei. “Erëi Juan ou wiwe ñee ikawi wae uyemɨmbeu ma oï kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jeta wae reta uipota Tumpa iko waerä imburuwicha wasurä,” jei.

San Lucas 9:2

Jayawe omondo reta upurumɨnguera waerä jare umɨmbeu waerä kërái uyembɨpɨ ma Tumpa imbaepuere mburuwicha wasu pewa kua ɨwɨ pe.

San Lucas 9:6

Jayawe Jesús jemimboe reta opa yuraa opaete tëta wasu raɨ reta rupi. Jare opaete kerupi yuraa wae rupi umɨmbeu reta ñee ikawi wae jare umɨnguera wi imbaerasɨ wae reta.

San Lucas 9:60

Jayawe Jesús jei chupe: “Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe. “Erëi nde, ekua emɨmbeu kërái Tumpa imbaepuere mburuwicha wasu pewa uyembɨpɨ ma kua ɨwɨ pe,” jei chupe.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

Hechos 10:25

Jayawe Pedro oo uwäe yawe tëta pe, Cornelio oë oo owäiti jare uñeñono ɨwɨ re Pedro jowai umbutuicha waerä tëi.

Hechos 28:31

Jare ukɨye mbae rewe jekuaeño oporomboe yandeYa Jesucristo rewa jare këraita oï mbaembae Jesús oï ma yawe opaete wae imburuwicha wasurä jaeño mái pewa. Jare jokua mokui año rupi, mbaetɨ kiawe umbɨawái Pablo wae.

Hechos 4:2

Jae reta pochɨ Pedro jare Juan oporomboe wae re. Echa’ä oporomboe ñonoï kërái yandeRu Tumpa umbɨjekowe ye ueru Jesús umanokue wae reta ipɨte wi, jare jukuärái umanokue wae reta ikowe yeta wi.