San Mateo 10:6 - Biblia

⁶ “Pekua jaeño ñanerëtara Israel pewa reta oï wae rupi. Echa’ä jae reta ko jae owecha reta ukañɨ wae rami,” jei chupe reta.

Guaraní Pe (Western): Simba

⁶ Pecua Israel pegua reta ñugüɨnoi vae pe. Echa'ã jae reta ovecha ucañɨ vae reta rami co —jei—.

San Mateo 10:6 Iomraidhean Croise

Isaías 53:6

Yande ko jae owecha opa uñemɨái wae reta rami, echa’ä yaipota yaiko yande yae wae rupiño. Erëitu Tumpa uitɨ kua kuimbae re teko yanderé iko wae.

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 18:11

“Jeta wae reta mbɨrɨ ñonoï Tumpa wi, jare uikuaa’ä etei reta tape Tumpa kotɨ oo wae. Jáeramo che kuimbaerä ayeyapo wae ayu ko aepɨ reta waerä,” jei.

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

Hechos 13:46

Jayawe Pablo jare Bernabé ukɨye mbae rewe umbɨeta chupe reta kuärái: “Tumpa oreokui numɨmbeu waerä iñee judío reta pe rani; jáeramo jukuärái nduyapo,” jei reta. “Erëi pe reta pipota’ä etei piyapɨsaka jese. Echa’ä perɨ̈ro ma Tumpa iñee numɨmbeu pewe wae. Jare jukuärái pechaka ma jupi’ä ko penoi waerä tekowe opa mbae wae,” jei reta. “Jáeramo añawe wiwe ore numɨmbeuta judío mbae wae reta pe kërái ipuere onoi reta waerä tekowe opa mbae wae,” jei reta.

Hechos 18:6

Erëi jokua judío reta jekuaeño oyowaicho Pablo ndiwe, jare umbɨpɨ jei reta ikawi mbae wae chupe. Jáeramo Pablo umɨtɨmo jemimonde ɨwɨkuí usururu waerä chuwi, jare jei chupe reta: “Tumpa uiporaraka pewe yawe, pe reta ko teko penoi. Che mbaetɨ anoi teko. Añawe wiwe ata amɨmbeu judío mbae wae reta pe Cristo rewa,” jei chupe reta.

Hechos 26:20

“Echa’ä tenonde amɨmbeu Damasco pewa reta pe. Joko wi amɨmbeu Jerusalén pewa reta pe, opaete Judea pewa reta pe, jare judío mbae wae reta pe wi. Amɨmbeu chupe reta ueya waerä ipɨayemɨngeta jupi mbae wae Tumpa rewa jare uyerowa reta waerä Tumpa kotɨ. Amɨmbeu wi chupe reta uechaka waerä teko kawi, jukuärái uechaka reta waerä ueya ma ko ipɨayemɨngeta jupi mbae wae Tumpa rewa,” jei.

Hechos 3:26

“Jayawe Tumpa umbɨjekowe ye ueru Taɨ umanokue wae reta ipɨte wi jare tenonde ombou yandewe, yande judiorä yaiko wae reta pe rani. Jukuärái jae uyapo yayekou waerä jare yanembɨyerowaka waerä yandereko kachi wi,” jei Pedro chupe reta.

1 Pedro 2:25

Tenonde yawe pe reta pewataiño piko owecha ukañɨ wae rami. Erëi añawe peyu ye ma ko Cristo kotɨ. Jare jae umae jare uyandareko oï peré pëti owecha iyandarekoa rami.