San Mateo 10:5 - Biblia

⁵ Jesús omondo jokua doce kuimbae reta umɨmbeu waerä ñee ikawi wae opaete kerupi. Jare ndei yuraa reta mbowe, Jesús jei chupe reta kuärái: “Awɨye pekua kuri judío mbae wae reta ñonoï wae pe jare samaritano reta jëta wasu reta rupi,” jei chupe reta.

Guaraní Pe (Western): Simba

⁵ Jare ndei omondo reta mbove, Jesús oyocui cua doce reve. —Agüɨye pecua judío mbae vae reta ñugüɨnoi vae pe. Agüɨye pecua Samaritano jenta guasu reta pe —jei—.

San Mateo 10:5 Iomraidhean Croise

San Mateo 22:3

Jayawe uwäe ma ara yawe taɨ umenda waerä, mburuwicha wasu omondo uyeyokui chupe wae reta ueni waerä uparea chupe reta wae pe. Erëi jae reta ñatëɨ yuweru,” jei.

San Mateo 4:15

“Ɨwɨ Zabulón jare ɨwɨ Neftalí jee wae – jae ko ɨ wasu Jordán jowaicho kotɨ jare koiño oï ɨpa wasu wi. Joko pe oï ɨwɨ Galilea jee wae kiape yurekota jeta judío mbae wae reta.

Marcos 6:7

Pëti ara Jesús umbatɨka jokua doce jemimboe tenondewaete reta, jare omondo mokui mokui rupi oporomboe waerä. Jare umee chupe reta mbaepuere omoë waerä aña uyembɨiya jese wae reta wi.

San Lucas 10:1

Kua jaɨkue rupi yandeYa uiparawo ïru setenta kuimbae reta jare omondo tenonde mokui mokui rupi opaete tëta wasu reta jae oota wae rupi.

San Lucas 10:33

“Erëi pëti kuimbae ɨwɨ Samaria pewa ou iko wi jokua tape rupi. Jare jae uecha yawe jokua kuimbae ipere wae, uiparareko umae jese,” jei.

San Lucas 17:16

Jayawe uñeñono ɨwɨ re uñemɨmichi rewe Jesús jowai jare umee yasurupái chupe. Jare jokua kuimbae ko jae ɨwɨ Samaria pewa.

San Lucas 9:1

Pëti ara Jesús umbatɨka jokua doce jemimboe tenondewaete reta, jare umee chupe reta mbaepuere omoë waerä aña uyembɨiya jese wae reta wi jare umɨnguera waerä imbaerasɨ wae reta.

San Lucas 9:2

Jayawe omondo reta upurumɨnguera waerä jare umɨmbeu waerä kërái uyembɨpɨ ma Tumpa imbaepuere mburuwicha wasu pewa kua ɨwɨ pe.

San Juan 17:18

“Che añeñono tee ma amano waerä jese reta. Jare jukuärái jae reta ipuereta uñeñono tee nemaerä añetete rewe,” jei. “Añawe che amondo aï kua reta opaete ɨwɨ rupi kërái nde chembou ɨwɨ pe rami,” jei.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 4:20

Jayawe kuña upuwëe ɨwɨtu wasu re jare jei chupe: “Ore samaritano nduiko wae reta numbutuicha Tumpa jee pea ɨwɨtu wasu re, echa’ä oreramɨkue reta jukuärái uyapo ramo. Erëi pe judío piko wae reta pere Jerusalén peño ko jupi Tumpa jee uyembutuichaka waerä. ¿Kía nunga pa jei jupi wae?” jei kuña Jesús pe.

San Juan 4:5

Jokua ɨwɨ pe ime oï pëti tëta wasu raɨ Sicar jee wae. Jare joko wi koiño ime oï ɨwɨ Jacob arakae umee taɨ José pe wae.

San Juan 4:9

Jayawe kuña ipɨakañɨ jare jei chupe: “Nde ko jae judío, jare che ko jae kuña Samaria pewa. ¿Maera pa nde ndiyemɨngeta neï che ndiwe jare ndeka neï chewe ɨ?” jei chupe. Jukuärái jei kuña, echa’ä judío reta mbaetɨ etei ko uñemɨïru Samaria pewa reta ndiwe.

San Juan 7:35

Jayawe judío itenondewa reta jei iyupe: “¿Ketɨ ra oota kua kuimbae yande awɨye waerä ñawäe chupe? ¿Oota ra aramoi ambɨe ɨwɨ rupi kerupi rupi ñanerëtara reta ñonoï wae rupi? ¿Oota ra oï jokotɨ omboe waerä judío mbae wae reta wi?

San Juan 8:48

Jayawe judío itenondewa reta jei chupe: “¡Añetete yepe! ¡Samaria pewa pochɨ ko nde, jare aña uyembɨiya ma nderé!” jei reta chupe.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 10:45

Jare jokua hermano judío reta tëta wasu Jope wi yuraa Pedro ndiwe wae ipɨakañɨ reta kërái añawe Tumpa umee wi Espíritu Santo judío mbae wae reta pe.

Hechos 8:1

Joko wi amokue kuimbae uipɨu Tumpa wi wae reta wɨraa oñotɨ Esteban jetekue jare täta rupi uapïro reta. Erëi Esteban imano ikawi iko Saulo pe. Jayawe jokua ara uyuka reta Esteban yawe, jeta Jerusalén pewa reta pochɨ rewe umbɨpɨ uiporaraka Cristo re wɨrowia wae reta pe. Jáeramo hermano reta opa uñemɨái ɨwɨ Judea jare Samaria rupi. Jesús jemimboe tenondewaete retaño upɨta tëta wasu Jerusalén pe.

1 Tesalonicenses 2:16

Echa’ä yepe tëi ore nduipota numɨmbeu judío mbae wae reta pe kërái ipuere onoi reta waerä tekowe opa mbae wae Tumpa ndiwe, erëi judío reta jekuaeño orembɨawái ñonoï. Jukuärái jae reta jekuaeño jeiete uyawɨ ñonoï Tumpa kotɨ. Jáeramo Tumpa iarasɨ oata ma oï jese reta.