San Mateo 10:4 - Biblia

⁴ jare Simón (kua Simón jae ko ïru wae reta ueni wi Zelote pe). Jare jae nunga wi Jesús uiparawo Judas Iscariote (kua kuimbae taɨkue rupi umeeta wɨreko Jesús jowaicho reta pe). Jukuärái ko jee Jesús uiparawo wae reta.

Guaraní Pe (Western): Simba

⁴ Simón (jae co Zelote pe ueni vae), jare Judas Iscariote (cua cuimbae umee Jesús jovaicho reta pe).

San Mateo 10:4 Iomraidhean Croise

San Mateo 26:14

Jayawe pëti Jesús jemimboe doce wae wi, Judas Iscariote jee wae, oë wɨari oo sacerdote itenondewa reta ñonoï wae pe.

San Mateo 26:15

Jare jei chupe reta: “¿Mbowɨ ra pembɨepɨta chewe amee yawe pewe Jesús pipɨsɨ waerä?” jei chupe reta. “Numeeta ndewe treinta riare korepoti,” jei reta chupe.

San Mateo 26:2

“Pe reta pikuaa mokui araño ma ko uata oï uwäe waerä pascua ara. Jokua ara etei, che kuimbaerä ayeyapo wae, imeta kía reta chemee cherowaicho reta pe jae reta chekutuka waerä kurusu re amano waerä.” Jukuärái Jesús jei chupe reta.

San Mateo 26:47

Jare Jesús uyemɨngeta iko rambuewe, ou uwäe Judas. Jae ko Jesús jemimboe doce wae wi pëti. Jare yuweru wi jae ndiwe jeta wae reta mburuwicha reta ombou wae ikɨsepuku rewe jare iɨwɨra rewe uipɨsɨ reta waerä Jesús. Jokua oporombou wae reta ko jae sacerdote itenondewa reta jare judío itenondewa reta.

San Mateo 27:3

Jayawe Judas – jae ko umee Jesús wae – uikuaa yawe Jesús umanota oï wae, tuicha rupi ipɨatɨtɨ jokua mbae uyapo wae re. Jáeramo wɨraa ye umee jokua treinta riare korepoti sacerdote itenondewa reta pe jare judío itenondewa reta pe.

Marcos 14:10

Jayawe pëti Jesús jemimboe doce wae wi, Judas Iscariote jee wae, oë wɨari oo sacerdote itenondewa reta ñonoï wae pe. Echa’ä Judas uipota uyemɨngeta jae reta ndiwe uikuaa waerä kërái rupi ipuere omborɨ uipɨsɨ reta waerä Jesús.

Marcos 14:43

Jare Jesús uyemɨngeta iko rambuewe, ou uwäe Judas. Jae ko Jesús jemimboe doce wae wi pëti. Jare yuweru wi jae ndiwe jeta wae reta mburuwicha reta ombou wae ikɨsepuku rewe jare iɨwɨra rewe uipɨsɨ reta waerä Jesús. Jokua oporombou wae reta ko jae sacerdote itenondewa reta, jare Moisés uikuatía wae re oporomboe wae reta, jare judío itenondewa reta.

San Lucas 22:3

Jayawe Satanás uike Judas Iscariote ipɨa pe. Judas ko jae Jesús doce jemimboe reta wi pëti wae.

San Lucas 22:47

Jare Jesús uyemɨngeta iko rambuewe, aramoiño uyekuaa jeta kuimbae reta. Jare Judas – jae ko Jesús jemimboe doce wae wi pëti – jae ou tenonde. Jayawe ou uwäe Jesús oï wae pe jare uyurupɨte jowa pe.

San Juan 13:2

Añawe pɨ̈tu ma jare Jesús jemimboe reta ndiwe ukaru päwe yureko reta. Añawasu oñono ma ñee Judas Iscariote ipɨa pe umee waerä Jesús jowaicho reta pe.

San Juan 6:64

Erëitu amokue pe reta perowia’ä cheré,” jei. Jukuärái Jesús jei chupe reta, echa’ä jae uikuaa iyɨpɨ wiwe kía nunga reta wɨrowiata’ä iko jese wae jare kía nunga umeeta iko jowaicho reta pe wae.

San Juan 6:71

Jukuärái Jesús uyemɨngeta Simón Iscariote taɨ Judas jee wae re. Jae ko jokua doce wae reta wi pëti. Jare taɨkue rupi kua kuimbae umeeta wɨreko Jesús jowaicho reta pe.

Hechos 1:13

Jayawe yuweru uwäe reta yawe, uike reta pëti tëta pe jare uyupi reta tëta joo ɨwate oï wae pe jae reta yureko wae pe. Jae reta ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee wae, Simón Zelote, jare Jacobo tɨwɨ Judas jee wae.