San Mateo 10:2 - Biblia

² Kuärái ko Jesús uiparawo wae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Zebedeo taɨ reta Jacobo jare Juan jee wae reta,

Guaraní Pe (Western): Simba

² Cua co jae jocua doce Jesús jemimondo reta jee: Simón (Pedro jee vae), jare Simón tɨvɨ Andrés jee vae, jare Zebedeo taɨ reta Jacobo jare Juan jee vae,

San Mateo 10:2 Iomraidhean Croise

San Mateo 17:1

Jayawe owa ara ma uasa yawe, Jesús wɨraa Pedro, Jacobo, jare Jacobo tɨwɨ Juan ïru reta ipɨte wi pëti ɨwɨtu wasu re.

San Mateo 20:20

Jokua jaɨkue rupi yuweru Jesús oï wae pe Zebedeo jembireko jare imembɨ reta ndiwe – jae ko Jacobo jare Juan. Jayawe kuña uñeñono itawa re Jesús jowai jare jei chupe: “Che aipota nde ndiyapo waerä chewe ikawi wae,” jei chupe.

San Mateo 26:37

Jayawe joko wi Jesús wɨraa Pedro jare jokua mokui Zebedeo taɨ reta ïru wae reta wi kutɨ katu mii. Jare jae umbɨpɨ ipɨatɨtɨ ikuasɨ katu rewe.

San Mateo 4:18

Pëti ara Jesús uwata iko ɨpa wasu Galilea jee wae jembeɨ rupi. Jare uwata iko rambuewe, uecha mokui kuimbae. Pëti ko jee Simón, jare chupeño wi jei reta Pedro. Jare ïruwe ko jae Simón tɨwɨ Andrés jee wae. Jae reta pira uipɨsɨ wae reta ko, jare omombo yureko reta pɨsa ɨpa wasu pe.

San Mateo 4:21

Jare joko wi Jesús oo yuapɨ ye kutɨ mii, jare uecha ye ïruwe kuimbae reta – jae ko Zebedeo taɨ reta. Pëti jee Jacobo jare tɨwɨ jee Juan. Jae reta uyapɨkatu yureko pɨsa reta chalana pe tu ndiwe. Jayawe Jesús ueni reta wi.

Marcos 1:29

Jayawe Jesús, Jacobo, Juan, jare amokue ïru jemimboe reta oë ye tupao wi, jare yuraa reta Simón jare Andrés jëta pe.

Marcos 13:3

Jayawe Jesús jare jemimboe reta ndiwe yuraa uyupi reta ñaipe Olivorenda jee wae re tupao wasu jowai, jare joko pe Jesús uwapɨ. Jayawe Pedro, Jacobo, Juan, jare Andrés upɨrandu chupe jae retaño jae ndiwe ñonoï yawe, jare jei reta:

Marcos 6:30

Jayawe jokua kuimbae reta Jesús omondo wae uñatima ye oporomboe reta wae wi Jesús oï wae pe. Jare umbeu reta chupe opaete jae reta uyapo wae re jare oporomboe reta wae re.

San Lucas 11:49

“Jáeramo Tumpa iyarakuaa rupi jei: ‘Amondota judío reta pe chiñee umɨmbeu wae reta, jare jae nunga wi ïru wae reta amondota cheree re. Jare judío reta uyukata oñono amokue kua reta. Jare ïru wae reta pe uyapota reta ikawi mbae wae.’ Jukuärái Tumpa jei,” jei.

San Lucas 22:14

Jare uwäe ma ora yawe, Jesús uwapɨ mesa pe ukaru waerä jokua doce jemimboe tenondewaete reta ndiwe.

San Lucas 22:8

Jayawe Jesús jei Pedro jare Juan pe: “Pekua tëta wasu pe piyapo yandewe tembiu pascua pewa yau waerä,” jei chupe reta.

San Lucas 5:10

Jae ramiño wi Simón ïru reta Jacobo jare Juan jee wae ipɨakañɨ jokua re. Jae reta ko Zebedeo taɨ reta jare Simón iparawɨkɨ ïru reta. Jayawe Jesús jei Simón pe: “Awɨye ekɨye,” jei. “Che ime anoi mbarawɨkɨ nemaerä. Añawe wiwe nderuta ïru wae reta chekotɨ,” jei chupe.

San Lucas 9:10

Jare Jesús jemimboe tenondewaete reta uñatima ye oporomboe reta wae wi Jesús oï wae pe. Jare imiäri reta chupe opaete jae reta uyapo wae re. Jayawe Jesús wɨraa reta kïi ngatu wae pe koiño tëta wasu Betsaida wi.

San Juan 12:22

Jayawe Felipe oo umɨmbeu Andrés pe, jare mokui rewe yuraa umɨmbeu yuapɨ ye reta Jesús pe.

San Juan 13:23

Pëti wae Jesús jemimboe – jae ko uauete wae – ukaru iko iyɨpɨ pe.

San Juan 20:2

Jayawe osi oo umɨmbeu Simón Pedro pe jare Jesús jemimboe uauete wae pe, jare jei chupe reta: “Wɨraa reta ma yandeYa jetekue teöwerenda wi, jare ore nduikuaa’ä kiape ra oñono reta,” jei chupe reta.

San Juan 21:2

Joko pe ñonoï Simón Pedro, jare Tomás (jae ko Chowakiri pe umbɨjee reta wae), jare Natanael tëta wasu raɨ Caná pewa ɨwɨ Galilea pe oï wae. Jare joko pe ñonoï wi Zebedeo taɨ reta jare mokui ye Jesús jemimboe reta wi.

San Juan 21:20

Jare Pedro uyerowa umae jare uecha ou oï jaɨkue jokua jemimboe Jesús uauete wae. Jae ko jokua kuimbae tenonde yawe ukaru yureko yawe, ukaru iko Jesús iyɨpɨ pe jare jei, “CheYa, ¿kía etei pa ko jae nemeeta oï wae?” jei chupe wae.

San Juan 21:24

Che ko jae jokua kuimbae. Jare che chemiäri ma jare aikuatía ma kua mbaembae. Jare kua amɨmbeu wae ore nduikuaa añetete ko.

San Juan 6:67

Jayawe Jesús upɨrandu jokua doce jemimboe reta pe: “¿Jare pe reta pipota wi peo ye chewi?” jei chupe reta.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

San Juan 6:71

Jukuärái Jesús uyemɨngeta Simón Iscariote taɨ Judas jee wae re. Jae ko jokua doce wae reta wi pëti. Jare taɨkue rupi kua kuimbae umeeta wɨreko Jesús jowaicho reta pe.

San Juan 6:8

Jare pëti Jesús jemimboe Andrés jee wae – jae ko Simón Pedro tɨwɨ – jei Jesús pe:

Hechos 1:13

Jayawe yuweru uwäe reta yawe, uike reta pëti tëta pe jare uyupi reta tëta joo ɨwate oï wae pe jae reta yureko wae pe. Jae reta ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee wae, Simón Zelote, jare Jacobo tɨwɨ Judas jee wae.

Hechos 1:26

Jayawe jokua mokui kuimbae jee uikuatía reta mokui ita raɨ re. Joko wi oñono ita reta pëti jɨru japɨpe jare umɨtɨmo oa rewa pëti ita. Jayawe ita raɨ oa wae, uyekuatía iko jese Matías jee. Jukuärái uikuaa reta jae ko Tumpa uiparawo wae. Jayawe Matías uñemɨïru jokua ïru once Jesús jemimboe tenondewaete reta ndiwe.

Hechos 12:2

Jare jae uyukaka kɨsepuku pe Jacobo – jae ko Juan tɨkeɨ wae.

Hechos 3:1

Pëti ara Pedro jare Juan yuraa tupao wasu pe mbapɨ ora ma ara mbɨte uasa yawe. Echa’ä jokua ora ko jae yembatɨ yerure pewa opa ara rupi.

1 Corintios 15:7

Jare joko wi Cristo uyechaka tɨwɨ Jacobo pe, jare joko wi uyechaka opaete ïru kuimbae reta jae omondo ma wae pe.

Efesios 4:11

Jare jae etei uiparawo amokue wae reta uyeyokui waerä jese wɨrowia wae reta pe. Amokue jae reta Cristo omondo jae jee re umɨmbeu waerä jesewa opaete kerupi. Jare wi amokue jae reta jae uiparawo umɨmbeu waerä ñee Tumpa wi etei ou wae. Jare wi amokue jae reta jae uiparawo umɨmbeu waerä ñee ikawi wae Cristo rewa ndei uikuaa wae reta pe. Jare wi amokue jae reta jae uiparawo uyandareko kawi waerä Cristo re wɨrowia wae reta re jare omboe kawi reta waerä Tumpa iñee re.

Hebreos 3:1

Cherëtara mii reta, Tumpa etei peñono tee jae imaerä jare peparawo jae ndiwe piko waerä ara pe. Jáeramo pepɨayemɨngeta toï añetete rewe Jesucristo kotɨ. Jae ko yandeRu Tumpa ombou wae, jare jae ko yandesacerdote tenondewaete yamɨmbeu ïru wae reta pe wae.

1 Pedro 1:1

Pe Tumpa peparawo wae reta piñemɨái peï ɨwɨ Ponto, Galacia, Capadocia, Asia, jare Bitinia rupi wae reta, che ko jae Pedro aikuatía aï wae. Jesucristo chemondo jae jee re opaete kerupi amɨmbeu waerä jesewa. Tumpa jekuaeño tuicha tipɨakawi pewe jare tuyapo pewe piko waerä pepɨakatu rewe. Añawe pe reta ambɨe ɨwɨ pewa rami ko peï kua ɨwɨ pe, echa’ä pe reta ara pewa ko. Iyɨpɨ wiwe yandeRu Tumpa pekuaaño mái iko. Jare jokua arakuaa rupi jae peparawoño mái pe reta piko waerä jae imaerä. Jare Espíritu Santo peñono tee piko waerä Jesucristo jei wae rupi jare pepɨayoe waerä Tumpa kotɨ Jesucristo juwɨ uyepɨyere wae rupi.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

2 Juan 1:1

Nde cherindɨ mii Tumpa ndeparawo wae, che ko jae Cristo re wɨrowia wae reta itenondewa. Kua tupapire aikuatía aï ndewe jare nemembɨ reta pe wi. Che puauete ko añetete rewe. Erëi cheño’ä ko puau aï. Jae nunga perau wi opaete ñee añetete wae uikuaa wae reta.

3 Juan 1:1

Nde cherɨwɨ mii Gayo, che ko jae Cristo re wɨrowia wae reta itenondewa aikuatía aï ndewe. Che nduau añetete rewe.

Apocalipsis 1:1

Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 22:8

Che ko jae Juan kua ñee aikuatía aï wae. Che etei aecha jare ayandu kua mbaembae. Jare araɨwa opa ma uechaka chewe yawe kua mbaembae, añeñono ɨwɨ re jae jowai ambutuicha waerä tëi.