San Mateo 10:16 - Biblia

¹⁶ “Mase, che pomondo aï ikawi mbae wae uyapo wae reta ipɨte rupi,” jei chupe reta. “Jukuärái pe reta pikota peï owecha yawapɨ̈ta reta ipɨte rupi iko wae rami. Jáeramo piyandareko kawi piyé pearakuaa katu rewe jare pekoi rewe,” jei.

Guaraní Pe (Western): Simba

¹⁶ Mase, pomondo icavi mbae vae uyapo vae reta ipɨte rupi. Pe reta ovecha reta rami co. Jae reta co yaguapɨ̃ta reta rami. Jáeramo pearacuaa catu mboi iyaracuaa catu rami. Jae ramiño vi agüɨye piyapo icavi mbae vae pɨcasu uyapo'ã icavi mbae vae rami —jei—.

San Mateo 10:16 Iomraidhean Croise

Génesis 3:1

Mboi iyarakuaa katuete opaete ïru mbaemɨmba reta Tumpa ikoño mái wae uyapo wae wi. Jare mboi upɨrandu kuña pe: “¿Añetete yerá Tumpa jei pewe awɨye peu waerä pëti awe ɨwɨra reta ía kua mbaewɨyerenda pewa?” jei chupe.

Génesis 3:13

Jáeramo Tumpa upɨrandu kuña pe: “¿Mbae pa ndiyapo?” jei. Jare kuña jei chupe: “Mboi chembɨtawɨ; jáeramo che jau,” jei.

San Mateo 24:25

“Mase, aikuaaka aï pewe opaete uyeyapota oï wae ndei uyeyapo mbowe pe reta pikuaa peï waerä,” jei chupe reta.

San Mateo 24:45

Jayawe Jesús jei wi umbɨjaanga rewe jemimboe reta pe: “Pëti karái ime onoi yawe pëti uyeyokui chupe wae iyarakuaa katu jare wɨrowia katu wae, jae oñonota opaete uyeyokui wae reta iyandarekoarä umɨngaru reta waerä opa ara rupi,” jei.

San Mateo 25:2

“Pandepo jokua kuñatái reta iyarakuaa katu wae, jare ïru pandepo reta iyarakuaa mbae echa.

San Mateo 25:4

Erëi jokua iyarakuaa katu wae reta wɨraa wi aceite imechero pewarä,” jei.

San Mateo 25:9

“Erëi jokua kuñatái iyarakuaa wae reta jei: “Ndarau numee pewe, echa’ä uatata ko orewe. Ikawi ko peo pewa peyupe waerä,’ jei reta.

San Lucas 10:3

Jare jei wi chupe reta: “Pekua. Che pomondo aï ikawi mbae wae uyapo wae reta ipɨte rupi. Jukuärái pe reta pikota peï owecha yawapɨ̈ta reta ipɨte rupi iko wae rami,” jei chupe reta.

San Lucas 21:15

Echa’ä che etei ameeta pewe ñee jare arakuaa piyemɨngeta waerä. Jare jukuärái pëti awe perowaicho reta ipuereta’ä peré jare uikuaata’ä mbae jei waerä pewe,” jei chupe reta.

Hechos 20:29

“Aikuaa aï che a ye ma pewi yawe, yuweruta pepɨte rupi Tumpa iñee umɨmbeuraanga wae reta. Jae reta uipotata pererükumewa Tumpa kotɨ kërái yawapɨ̈ta uipota ou uyuka jou owecha reta wae rami,” jei.

1 Corintios 14:20

Hermano mii reta, kua mbaembae reta rewa awɨye jekuaeño pepɨa pe piyemɨngeta sambiaɨ reta rami. Ime amokue mbaembae re ikawi ko pe reta piko waerä pëti sambiaɨ iyarakuaa mbae wae rami – jae ko mbaembae ikawi mbae wae rewa. Erëi jokua mbaepuere reta Espíritu Santo umee yandewe wae, jokua re aeka pewe piyemɨngeta waerä pepɨa pe ukuakuaa wae reta rami.

2 Corintios 1:12

Kua añawe ndoeta pewe wae, ndoeta pewe nduyerowia rewe jare orepɨa orembɨjeko mbae rewe. Jae ko kua: Ore nduiko yawe Cristo re wɨrowia mbae wae reta ipɨte rupi jare pe reta ndiwe wi, ore nduiko kawi orereko mbae rewe. Ndupurumbɨtawɨ'ä etei. Erëi ore mbaetɨ ko oreiño orearakuaa rupi nduiko jukuärái. Ore ko noï Tumpa ipɨakawi rupi.

2 Corintios 11:14

Erëi awɨye yandepɨakañɨ kua re. Echa’ä Satanás etei ipuere uyekuaaka pëti araɨwa ikawi wae Tumpa wi ou wae echa rami.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

2 Corintios 8:20

Yemborɨ jeta ko aipo nduraata noï. Jayawe kua yanderɨwɨ oremɨïruta oï jokua nduraa waerä. Jare jokua jaekawi oï orewe, echa’ä nduipota’ä kiawe kua yemborɨ re orembɨjeko waerä.

Filipenses 2:15

Echa’ä jukuärái piyapo yawe, pikota jupi jare ndarau kía pembɨjeko mbae re. Jare uyekuaata wi Cristo re wɨrowia mbae wae reta ipɨte rupi kërái pe reta ko jae Tumpa taɨ jeko mbae wae reta. Jae reta jeko kachi jare jupi’ä ko reta. Erëi pe reta pemɨmbeu yawe chupe reta ñee tekowe opa mbae wae rewa, pikota tembipe rami jae reta ipɨte rupi. Piyapo mii kua mbaembae reta che chepuere waerä ayerowia tuicha jokua ara yandeYa Cristo pewa ou yawe. Echa’ä aikuaata cheparawɨkɨ pepɨte pe iko wae oë kawi ma yepe.

Colosenses 1:9

Jáeramo ore kua mbaembae jeräkua orewe wiwe, jekuaeño nduyerure noï peré Tumpa pe. Nduyerure noï chupe jae umee waerä pewe arakuaa jesewa, jare jokoropi uikuaaka waerä pewe mbaembae jae uipota piyapo waerä wae.

Colosenses 4:5

Jayawe piko pearakuaa katu rewe Cristo re wɨrowia mbae wae reta ipɨte rupi. Jare piporu kawi ara reta piyeyokui waerä Tumpa pe.

1 Tesalonicenses 2:10

Pe Cristo re perowia wae reta pikuaa, jare jae nunga wi Tumpa uikuaa oï kërái ore nduiko pepɨte pe. Orereko kawi jare jupi. Jare mbaetɨ kía ipuere orembɨjeko mbae re awe.

1 Tesalonicenses 5:22

Erëi piñono ikotɨ̈a peyuwi ipotawe mbae ikawi mbae wae.