San Mateo 1:21 - Biblia

²¹ “María imembɨta oï pëti kuimbae jare nde nembɨjeeta jokua sambiaɨ Jesús. Echa’ä yepe tëi opaete wae uyawɨ Tumpa kotɨ jare ime onoi reta teko Tumpa jowai, erëi Jesús uepɨta oï kía kía jae imaerä iko wae reta,” jei araɨwa José pe.

Guaraní Pe (Western): Simba

²¹ Jare imembɨta penti cuimbae jare nembɨjeeta Jesús. Echa'ã jae umbɨasata ɨvɨ pegua reta. Echa'ã umbaita imbaeyoa reta —jei.

San Mateo 1:21 Iomraidhean Croise

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 17:21

“Erëitu ayapota aï kua yemɨngeta ikawi wae Isaac jare iñemoñaa reta ndiweño. Ïruwe año pe kua nunga ara rupi, oata oï Sara imembɨ Isaac,” jei Tumpa Abraham pe.

Génesis 18:10

Jayawe mboupa jei Abraham pe: “Kua wi ïruwe año pe ayu yeta aï. Jare nembireko Sara imembɨta ma oï kuimbae,” jei chupe. Jare Sara oï jae reta jaɨkue kotɨ jëta wakapi pewa japɨpe, jare uyapɨsaka wɨari oï jese öke wi.

Daniel 9:24

Araɨwa jei Daniel pe kuärái: “Tumpa jei nerëtáɨwa reta rewa jare tëta wasu uñeñono tee wae rewa kërái 490 año uasata opa uyeyapo waerä kua mbaembae: opa iyapɨ waerä teko kachi jare mbaembae uyawɨ reta Tumpa kotɨ wae; jare ime waerä jupi wae jaeño mái pewa Tumpa kotɨ; jare opa uyeyapo waerä Tumpa iñee arakae umɨmbeu wae reta jei uyeyapota iko wae; jare uñeñono tee waerä Tumpa pewarä Tumpa joo jupiete ye wae.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 1:25

Erëi uyereroke’ä reta María imembɨrɨpɨ oa rewa. Jare oa María imembɨ pëti kuimbae mii jare José oñono sambiaɨ jeerä Jesús.

San Lucas 1:13

Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

San Lucas 1:31

“Mase, ndepuruata jare nemembɨta neï pëti kuimbae mii. Jare nemembɨ oa yawe, nembɨjeeta Jesús.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 2:21

Jayawe sambiaɨ mii juri ara ma onoi yawe, ichɨ jare tu umbɨcircuncidaka. Jare umbɨjee reta Jesús, echa’ä jukuärái araɨwa umɨmbeu María pe umbɨjee waerä ndei María ipurúa mbowe.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

San Juan 4:42

Jei reta kuña pe: “Añawe mbaetɨ ko nde nemɨmbeu orewe ramoño ndorowia noï jese. Añawe ore etei nduyapɨsaka ma jese. Jare añawe ore nduikuaa añetete yepe jae ko Upuruepɨ wae ou kua ɨwɨ pe wae,” jei reta kuña pe.

Hechos 13:23

Jare kua David iñemoñaa reta ipɨte wi ou Jesús. Jae ko yande judiorä yaiko wae reta yandeRepɨ wae arakae Tumpa jei ombouta iko wae,” jei Pablo chupe reta.

Hechos 3:26

“Jayawe Tumpa umbɨjekowe ye ueru Taɨ umanokue wae reta ipɨte wi jare tenonde ombou yandewe, yande judiorä yaiko wae reta pe rani. Jukuärái jae uyapo yayekou waerä jare yanembɨyerowaka waerä yandereko kachi wi,” jei Pedro chupe reta.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

Hechos 5:31

Joko wi wɨraa ara pe. Jare joko pe Jesús uwapɨ oï yandeRu Tumpa iyɨpɨ iyakata kotɨ, jare jae ndiwe ime onoi mbaepuere opaete wae re,” jei. “Jukuärái yandeRu Tumpa uikuaaka opaete wae pe Jesús ko jae yandeYa jare yandeRepɨ wae. Jare jukuärái Tumpa umee yandewe yandepuere waerä yaeya yandepɨayemɨngeta jupi mbae wae Tumpa rewa. Jukuärái opaete mbaembae yayawɨ Tumpa kotɨ wae jae opata umbái yandewi,” jei.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

1 Juan 3:5

Erëi pe reta pikuaa kawi peï Cristo uyeyapo kuimbaerä opa umbái waerä yandewi mbaembae yayawɨ Tumpa kotɨ wae. Jare Cristo pëti wese awe uyawɨ'ä.

Apocalipsis 7:14

“Aikuaa’ä etei. Nde ndikuaa,” jae chupe. Jayawe jae jei chewe: “Kua reta ko jae uasa mbaesusere wasu rupi wae. Oyoe ma reta jemimonde jare umɨtïi reta Owecha kuimbae taurusu wae juwɨ pe,” jei.