San Mateo 1:1 - Biblia

¹ Yambɨpɨ kuärái kua tupapire pe tee reta. Kua tee reta jae ko Jesucristo iyɨpɨ reta. Jesucristo ko jae David iñemoñaa pewa jare Abraham iñemoñaa pewa wi.

Guaraní Pe (Western): Simba

¹ Tamɨmbeu cua tupapire pe Jesucristo itenondegua reta. Jesucristo co jae David iñemoñaa reta pegua. Jae ramiño vi jae co Abraham iñemoñaa reta pegua.

San Mateo 1:1 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Génesis 2:4

Jukuärái uyembɨpɨ ara jare ɨwɨ. Tumpa ikoño mái wae uyapo yawe ɨwɨ jare ara, ndeiño jeñɨ iko ñana reta jare kapii reta ɨwɨ wi. Echa’ä Tumpa ndei omongɨ ɨwɨ re jare ndeiño wi ime kuimbae umaetɨ waerä.

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 5:1

Tumpa jaeramo uyapo yawe kuimbae, Tumpa echa rami uyapo. Tumpa uyapo kuimbae jare kuña, jare uyapo ikawi wae chupe reta iñee rupi. Jare jokua ara uyapo reta yawe, Tumpa jei chupe reta: “Pe reta ko jae piko waerä kua ɨwɨ pe,” jei chupe reta. Kua jae Adán iñemoñaa pewa tee reta:

Isaías 11:1

Kërái pëti ɨwɨra iyɨpɨkue wi jeñɨ oï jäkarä wae rami, jukuärái pëti kuimbae outa kuimbae Isaí jee wae iñemoñaa reta ipɨte wi.

Isaías 53:8

Jae reta uipɨsɨ jare wɨraa umbɨjeko reta waerä teko iya ikawi mbae wae echa rami. ¿Kía ra ipuere uikuaaka jae jëtara reta rewa? Mbaetɨ kiawe, echa’ä jowaicho reta uyukaka ndei jae onoi mbowe iñemoñaa retarä. Opaete jae reta ipɨte wi, mbaetɨ kiawe uikuaa jae uiporara iko jae reta ipepɨka pe wae jare umano jae reta jeko pewa.

San Mateo 1:18

Añawe tamɨmbeu Jesucristo oa wae rewa. Jae ichɨ María jee wae José ndiwe jei umendata. Erëi ndei uyereroke reta mbowe, uyekuaa María ipurúa ma oï. Kua uyeyapo chupe Espíritu Santo imbaepuere rupi.

San Mateo 1:2

Echa’ä Abraham taɨ jae ko Isaac, jare Isaac jae ko Jacob tu, jare Jacob taɨ reta jae ko Judá jare tɨkeɨ reta jare tɨwɨ reta wi.

San Mateo 15:22

Jare jokua ɨwɨ pe ime iko pëti kuña ɨwɨ Canaán pewa. Jae ko judía mbae wae. Jae ou Jesús oï wae pe, jare usapɨkai pɨi rewe jei chupe: “CheYa, David iñemoñaa pewa, cheparareko mii,” jei. “Chemembɨ kuña mii uiporaraete oï, echa’ä aña uyembɨiya ma jese,” jei chupe.

San Mateo 3:16

Jare uyembɨsakambuka ma yawe, Jesús oë ɨ wi. Jare jupiwoiño ara uyepea, jare jae uecha Espíritu Santo uweyɨ ou ara wi uwapɨ jese pëti pɨkasu rami.

San Mateo 9:27

Jayawe Jesús jare jemimboe reta ndiwe yuraa joko wi. Jare yuraa yureko reta rambuewe, mokui kuimbae jesa mbae wae reta yuraa Jesús jaɨkue. Jare jei reta chupe usapɨkai rewe: “Jesús, David iñemoñaa pewa, oreparareko mii,” jei reta.

San Lucas 1:33

“Jae ikota Jacob iñemoñaa reta imburuwicha wasurä jaeño mái pewa. Jare jae imbaepuere mburuwicha wasu pewa ndarau etei opa,” jei araɨwa María pe.

San Juan 7:42

Echa’ä Tumpa iñeerɨru pe uyekuatía oï Cristo ikota David iñemoñaa rupi jare oata tëta wasu raɨ Belén pe kiape David oa wae pe. Erëi kua kuimbae jukuärai’ä oï,” jei reta tëi.

Hechos 2:30

Erëi Tumpa jei David pe kuärái: ‘Che etei tae ndewe, pëti niñemoñaa reta ipɨte wi ikota mburuwicha wasurä jaeño mái pewa.’ Jukuärái jei Tumpa chupe, jare yaikuaa jokua David iñemoñaa ko jae Cristo yae chupe wae. Jare David uikuaa iko wi, echa’ä Tumpa uiparawo David uikuaaka chupe waerä Tumpa uyapota iko wae,” jei.

Romanos 1:3

Jare kua ñee ikawi wae uikuaaka yandewe Tumpa Taɨ rewa. Jae ou kua ɨwɨ pe uyeyapo pëti kuimbaerä, jare jae ko arakae mburuwicha wasu David jee wae iñemoñaa rupi outa iko wae.

Romanos 4:13

Yaikuaa kawi ñaï Tumpa jei Abraham pe wae: “Nde jare niñemoñaa reta yurekota kua ɨwɨ iyarä,” jei chupe. Erëi ¿marái ramo ra Tumpa jei chupe jukuärái? ¿Jae ra ko Abraham uyapo jupi rupi kawi Moisés uikuatía wae re ramo? Mbaetɨ. Echa’ä jokua ara reta rupi Moisés ndeiño iko. Abraham jaeño wɨrowia Tumpa jei wae re, jare jukuärái Tumpa umae jese jeko mbae wae rami.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

Gálatas 3:16

Jukuäraiete wi ko jokua arakae Tumpa jei uyapota iko Abraham jare iñemoñaa pewarä wae. Jeta wese Tumpa umɨmbeu Abraham pe uyapota iko chupe reta mbaembae ikawi wae. (Jare kua Tumpa jei wae, mbaetɨ jei opaete Abraham iñemoñaa reta pe. Erëi Tumpa jei Abraham pe: “Nde jare niñemoñaa piyekouta peï,” jei chupe. Jare kua “niñemoñaa” jei wae uipota jei pëti wae. Jare jokua pëti wae ko jae Cristo.)

1 Timoteo 2:5

Echa’ä ime pëtiño Tumpa añetete wae. Jae ramiño wi ime pëtiño wae ipuere umbɨpɨakatu ɨwɨ pewa reta Tumpa ndiwe. Jae ko kuimbae Jesucristo jee wae.

2 Timoteo 2:8

Jare jekuaeño nemandúa Jesucristo re. Jae ko Upuruepɨ wae arakae Tumpa jei mburuwicha wasu David pe ombouta iko David iñemoñaa rupi wae. Jare yandeRu Tumpa umbɨjekowe ye ueru umanokue wae reta ipɨte wi. Jokua ko ñee ikawi wae che aporomboe wae.

Apocalipsis 22:16

“Che ko jae Jesús. Jare che etei amondo chearaɨwa pëti wae umɨmbeu waerä pewe kua mbaembae. Kua ko jae cheré wɨrowia wae reta opa kerupi rupi uyembatɨ ñonoï wae reta pewarä,” jei. “Che ko jae David iñemoñaa pewa mburuwicha wasurä ikota wae. Che ko jae yasɨtata uwerasɨ ndei köe mbowe mii uyekuaa wae,” jei.